ئاسێ غازی، جۆرێ مۆرد، جۆرە دارێکە لە تیرەی "Ericacées" کە زۆر لە دارهەنار دەچێ، گەڵاکانی سەوز و بۆن خۆشن، تامیان تاڵە و گوڵەکانی چەرموو و بۆن خۆشن، بەرەکەی لە سەرەتاوە سەوزە و کە دێ پێ بگا، ڕەش هەڵدەگەڕێ. ئەم دارە زۆرتر لە ناوچەی دەریای سپی نێوەڕاست دەڕوێ. ئەم دارە لە مۆر دەچێ یان خودی مۆر (مۆرد)ە کە لە ناوچەکانی دەوروبەری هەڵەبجە لە پارێزگای سلێمانی دا دەڕوێ و لەوێش دێیەک بەم ناوە هەیە و هەر بەم بۆنەوە ناوی دێیەکەیان ناوەتە "مۆردین". ئەم دارە چەند جۆری هەیە کە یەکێکیان ئاسی خۆرستە (کێوی) یە کە بۆ خۆی دوو جۆری باڵای بەرزن و لە وڵاتانی باکووری ئورووپادا هەن. ئەم دوو دارە گوڵی بچووکی چەرموو و بەرێکی سووری گۆشت دەگرن. جۆرەکەی دیکەی ئاسی خۆڕست چووکەن کە جۆرێک خشکەیی هەمیشە سەوزە. لە زەویی بە پیتدا دەڕوێ و بەرێکی سووری گۆشتن دەگرێ و بۆ مورەبا و شتی تر بەکاری دەهێنن، لە ناوچەکانی ئامریکادا بۆ بازرگانی دەیڕوێنن. جۆرێکیت دیکەی ئاس "ئاسی کالیفورنیا"یە کە دارێکی زۆر ڤوان و هەمیشە سەوزە، گوڵ و گەڵاکانیشی زۆر بۆن خۆشن و بۆنیان لێدەگرن. لە دارەکەشی بۆ دروست کردنی بەلەم و کەشتی کەڵک وەردەگرن.
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 10,071 mal angesehen