ل ڕوژا 2-12-2011 پشتی نڤێژا ئەینیێ ب هاندانا گوتاربێژەکی ل باژارێ زاخو ب سەدان گەنجین دناڤبەرا 14-20 سالیێ دا دەست ب سەر سالونەکا مەساجا چینی دا گرتن و سالون ژناڤبر، ل پاشتر دا ئەڤ ڕویدانە بەربەلاڤ بوو تا گەهشتە وی ڕادەی چەندین جهێن مەی فروتنێ و گازینویێن گەشت و گوزاری هاتنە سوتن و بەرهەمێن وانا هاتنە ژناڤبرن، ڕویدان تا درەنگی شەڤ بەردەوام بوون و هێزێن ئەمنێ نەشیان ڤی سەروبەری کونترول بکەن، دیسان بارا پتریا جهێن مەسیحی و ئێزدیا هاتنە ژناڤبرن ڕویدان گەهشتنە سێمێل و زاویتە و دهوکێ، ڕەنگڤەدانێن وێ ل سەرانسەر کوردستانێ و جیهانێ هەبوون، بارەگایێن ئێکگرتوو ئیسلامی کوردستان هاتنە سوتن ل زاخو، سێمێل و دهوکێ، د شەڤا بویەرێ دا سەروکێ هەرێما کوردستانێ لێژنەیەک پێکئینا دا کو دویڤچوونا ڤان ڕویدانا بکەت.