گەرماوێکی مێژوویی شاری #سەقز#ی ڕۆژهەڵاتی کوردستانە. لە فەرمانگەی میراتی کولتووریی و شوێنەوارە مێژووییەکانی وڵاتی داگیرکەری ئێران تۆمار کراوە.
لە ڕاپۆرتێکدا کە لە پێگەی فەرمی خۆیدا بڵاوی کردووەتەوە (فەرمانگەی میراتی کولتووریی و شوێنەوارە مێژووییەکانی وڵاتی داگیرکەری ئێران) هۆشداری ئەوەی داوە کە گەرماوی مێژوویی حاجی ساڵحی سەقز، لە حاڵی فەوتان و لەنێوچووندایە و ئەگەر بەرپرسانی پەیوەندیدار چارەسەرێکی بۆ نەدۆزنەوە بەزوویی هەرەس دەهێنێت.
لە بەشێک لەم ڕاپۆرتەدا هاتووە کە بەهۆی پشتگوێ خستنی ئەم شوێنەوارە مێژوویییە لەلایەن بەرپرسانی فەرمانگەی میراتی کولتووری و هەروەها درووستکردنی کۆمەڵێک باڵەخانە و تەلاری گەورەی بازرگانی لە تەنیشت گەرماوەکەدا، هەنووکە جگە لەوەی کە نما و بەجەوەنی گەرماوی حاجی ساڵح بەتەواوی داپۆشراوە، مەترسی ڕووخان و هەرەس هێنانی ئەم شوێنەوارە مێژوویی و دەگمەنەی شاری سەقز، لە هەموو کاتێک زیاتره. [1]