نووسەر / #پشکۆ نەجمەدین#
چاپ / سێهەم 2011
ژمارەی لاپەڕە / 450
ئەزموون و یاد نووسینەوەی کتومت و سەرلەبەری یادەوەریە یەکانی من، لە شۆڕشی نوێ، خەبات و تێکۆشانی کۆمەڵەی ڕەنجدەرانی کوردستان و یەکێتی نیشتمانی کوردستاندا نیە، وردینەی ئه و یادەوەرییانە، کارو ماندوو بوونێکی زۆر گەورەتری لەمەی ئێستای گەرەکە.
ئەزموون و یاد، بە وشە نەخشاندن و زیندووکردنەوەی ئه و وێنانەی سەردەمێکی ژیانی منن کەلەسەختترین ڕۆژگاری خەباتی شاخ و تێکۆشانی سیاسیدا، لە هزرمدا نەخشاون و زەمەن تۆزی لەسەر خستوون.
نووسینەوەی دەساڵان، بەهەموو شەووڕۆژ، هەفته و مانگ و چرکەساتەکانیەوە، لەئاڵۆزترین پرۆسەی ژیان و هەڵسوکەوتی خەباتی پێشمەرگانە، شەڕی شاخ، شەڕی نێوخۆ، کاری سیاسی و ڕێکخراوەیی، گوزەرانی بن ئەشکەوتان، ڕی کردنی هەورازو نشێوان، برسێتی و هەڵلەرزینی بەر باران و کەڕەسیسه و باوبۆران، هەڵپژانی خوێنەکان و شاردنەوەی تەرمی ئازیزان، ناکۆکی و ململانێ و جێگۆڕکێیان، پاش پێچانەوەی نزیکەی بیست و پێنج ساڵان لەتەمەنی ڕوودانیان، کارێکی سەرپێی و ئاسان.[1]