زریان محەمەد، سلێمانی: جێگری بەڕێوەبەری سامانی ئاژەڵ لە بەڕێوەبەرایەتی گشتی کشتوکاڵی سلێمانی، ئاوات ئەحمەد عەلی، ئەمڕۆ، دووشەممە، لە کۆنگرەیەکی ڕۆژنامەوانیدا ڕایگەیاند، "لەکەرتی پەلەوەردا 376 پرۆژەمان هەیە کە لەتوانایدایە بۆ یەک وەجبە زیاتر لە چوار ملیۆن جوجک بەخێوبکاتو 25 پرۆژەی ئاژەڵداریمان هەیە کە پرۆژەی بەخێوکردنی مەڕو بزنو گوێرەکەو مانگای شیرە".
وتیشی، "134 پرۆژەی پەلەوەر دروستکراوە کە 85 دانەیان قەرزیان دراوەتێ بەبڕی 2 ملیارو 104 ملیۆنو 72500 دینارو 49 پرۆژەیش چاوەڕوانی قەرزن بۆ ئەمساڵ".
ئاوات ئەحمەد، ئاماژەی بەوەشدا، بڕی 450 ملیۆن دراوە بە 140 کێڵگەی پەلەوەری بۆ هاوکاریکردنی کێڵگەکانو تائێستا 103 پرۆژەی پەلەوەری قەرزیان دراوەتێ کەبەبڕی 7 ملیارو 291 ملیۆنو 746،500 دینار.
لەبارەی پێداویستی گۆشتی سپیو سور بۆ هاووڵاتیان جێگری بەڕێوەبەری سامانی ئاژەڵ وتی، "لە سنوری پارێزگای سلێمانیدا ڕۆژانە بۆ گۆشتی سپی زیاتر لە 60 تەنو مانگانە زیاد لە 25 هەزار تەنمان پێویستە. سەبارەت بەگۆشتی سور ڕۆژانە پێویستمان بە 30 تەنە".
- 22-04-2013