سلێمانی، ئاوێنەنیوز: قایمقامی شارۆچکەی مەڵبەندی سلێمانی، ئاوات محەمەد، ئەمڕۆ، سێشەممە، بەئاوێنەنیوزی ڕاگەیاند، سەرەرای بەردەوامیو زۆری سەردانو کاری لیژنە هەمیشەییەکانی قایمقامیەت ژمارەی سەرپێچییەکان لە سلێمانی لە مانگی ئایاری ڕابردوو کەمی کردووە.
ڕوونیشیکردەوە، تەنیا لە مانگی ئایاردا لیژنەکان 5298 سەردانیان ئەنجامداوەو لەو سەردانانەش 330 شوێن سەرپێچیان کردووە و غەرامەکراون، بەڵام هیچ حاڵەتێک نەبووە کە پێویست بەروبەروکردنەوەی دادگا بکات.
ئاوات محەمەد وتیشی، 62 تەن خۆراکی خراپو بەسەرچو دەستی بەسەرداگیراوەو بڕی غەرامەش لە مانگی ڕابردودا 25 ملیۆنو 25 هەزار دینار بوە.
قایمقامی سلێمانی هێمای بۆ ئەوەشکرد، کەمبوونەوەی قەبارەی سەرپێچییەکان نیشانەی هۆشیاریو گرنگیپێدانی فرۆشیارانو خاوەنی مارکێتو چێشتخانەکانو بەرپرسی ناوەندە جیاجیاکانە، سەرەرای گرنگی سەردانو بەدواداچونی لیژنەکان.
04-06-2013
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 10,338 mal angesehen