🏠 Սկիզբ
Ուղարկել
کوردیی ناوەڕاست
Kurmancî - Kurdîy Bakûr
English
کرمانجی - کوردیی باکوور
هەورامی
لەکی
Kurdîy Nawerast - Latînî
عربي
فارسی
Türkçe
עברית
Ελληνική
Française
Deutsch
Nederlands
Svenska
Español
Italiano
Pусский
Fins
Norsk
日本人
中国的
Հայերեն
Հետադարձ կապ
Օգտվողի մասին!
FacebookKurdipedia on Facebook
TwitterKurdipedia on Twitter
Dark modeDark Mode
ավելի շատ
Kurdipedia
🔎 کوردیی ناوەڕاست Menu
🏠|📧|Օգտվողի մասին!|Գրադարան|📅
🔀 Պատահական հատ.
❓ Օգնություն
📏 Օգտագործման պայմաններ
🔎 Ընդլայնված որոնում
➕ Ուղարկել
🔧 Գործիքներ
🏁 Լեզուներ
🔑 Իմ հաշիվը
✚ նոր նյութեր
👫 Կենսագրություն
Աբդուլլահ Օջալանը
👫 Կենսագրություն
Արամ Տիգրան
👫 Կենսագրություն
Նեչիրվան Բարզանին
👫 Կենսագրություն
Մուրաթ Քարայըլանը
📝 پەیامی حیزبی دیموکراتی کوردستان بە بۆنەی 24 ساڵەی تیرۆری رێبەری شەهید د. عەبدوڵڕەحمان قاسملووەوە | խումբ: Քրդական փաստաթղթեր | Հոդվածներ լեզու: 🏳️ کوردیی ناوەڕاست
⠪ Share
Facebook
Twitter
Telegram
LinkedIn
Whats App
Viber
SMS
Facebook Messenger
E-Mail
📋 Copy Link to Clipboard
👍
⭐ Աստիճան Հատ
⭐⭐⭐⭐⭐ Գերազանց
⭐⭐⭐⭐ Շատ լավ
⭐⭐⭐ Միջին
⭐⭐ Վատ
⭐ Վատ
☰ ավելի շատ
⭐ Ավելացնել իմ հավաքածուների
💬 Գրեք ձեր մեկնաբանությունը մոտ այս նյութը!

✍️ Նյութերի պատմություն
🏷️ Metadata
RSS

📷 Փնտրել Google պատկերների հետ կապված ընտրված տարրը.
🔎 Փնտրել Google ընտրված տարրը.
✍️✍️ Թարմացնել այս նյութը!
| 👁️‍🗨️ | 👂
پەیامی حیزبی دیموکراتی کوردستان بە بۆنەی 24 ساڵەی تیرۆری رێبەری شەهید د. عەبدوڵڕەحمان قاسملووەوە
📝 Քրդական փաստաթղթեր

خەڵکی تێکۆشەری کوردستان!
تێکۆشەران، ئەندامان و لایەنگرانی حیزبی دیموکرات!
هۆگرانی رێگا و بیر و ئامانجەکانی د. قاسملوو لە کوردستان، ئێران و جیهان!
22ی پووشپەڕی هەموو ساڵێک وەبیرهێنەرەوەی زامێکی قووڵە کە بە دەستی رێبەران و دەسەڵاتبەدەستانی رێژیمی کۆماری ئیسلامی لە جەستەی گەلی کورد درا. 24 ساڵ لە مەوبەر لە22ی پووشپەڕی سالی 1368ی هەتاوی(13ی ژوئیەی 1989ی زایینی)دا، سکرتێری گشتیی حیزبی دیموکرات هاوڕێ لەگەڵ عەبدوڵلا قادریئازهر ئەندامی کۆمیتەی ناوەندی و بەرپرسی پێوەندییەکانی دەرەوەی وڵاتی حیزب و د. فازڵ رەسووڵ له وییەن پێتەختی وڵاتی ئوتریش شەهید کران.
دوکتور قاسملوو بەمەبەستی دۆزینەوەی رێگاچارەیەکی ئاشتیانە بۆ چارەسەری مەسەلەی کورد لە رۆژهەڵاتی کوردستان بەردەوام لە هەوڵ و تێکۆشاندا بوو. رێبەرانی کۆماری ئیسلامی لە ئاشتیخوازی و نیەتپاکیی د. قاسملوو کەلکیان وەرگرت و وتووێژو دانوستانیان کردە وەسیلەیەک بۆ گەیشتن بە ئامانجە دزێوەکەیان کە تیرۆری ئەو رێبەرە مەزنە بوو. ئەوان لە نەخش و دەوری کاریگەری د. قاسملوو لە بزووتنەوەی کورد و تێکۆشانی دیپلۆماسیی ئەو بۆ ناساندنی جووڵانەوەی کورد نیگەران و هەراسان بوون. هەر بۆیە دوکتور قاسملوویان کرد بە ئامانجی لە نێوبردن و بۆ جێبەجێکردنی پیلانەکەیان چەند تیرۆریستێکیان بە ناوی دیپلۆمات بۆ شەهیدکردنی سیاسەتمەداری بە توانای نێو گۆڕەپانی بزووتنەوەی نەتەوایەتیی کورد، و سیمای هەرە دیاری خەباتی دژی دیکتاتۆری لە ئێران، راسپارد. ئەوان به و خەیاڵه بوون کە بە شەهید کردنی د. قاسملوو، خەباتی نەتەوایەتی و حەقخوازانەی گەلەکەمان لە رۆژهەڵاتی کوردستان کۆتایی دێ. بەڵام لە گەڵ ئەوەی پیلانە تیرۆریستیەکەیان سەرکەوتوو بوو، خەیاڵ و خەونەکەیان نەهاتە دی. بە شەهید کردنی د. قاسملوو، خەباتی گەلی کوردو حیزبی دیموکرات کۆتایی نەهات، بەڵکوو رێبواران و خەباتکارانی رێگای ئەو رێبەرە لێهاتووە، شیلگیرانەتر لە جاران درێژەیان بە ریگاکەی دا.
ئێمە لە کاتێکدا یادی ئەو تاوانە گەورەیەی کۆماری ئیسلامی لە دژی خەڵکی کوردستان دەکەینەوە کە زیاتر لە 34 ساڵ بە سەر تەمەنی ئەو رێژیمە دا رابردوە و 24 ساڵیش لە شەهیدکرانی د. قاسملووی رێبەرمان رادەبرێ. بە داخەوە ئەو رێژیمە، هەر وا درێژەدەر و هەڵگری بیرکردنەوە و روانین و سیاسەتێکە کە لە سەردەمی تیرۆرکردنی د. قاسملوو دا هەیبوو، کە ئەویش بریتیە لە ئینکاری مەسەلەیەک بە ناوی مەسەلەی کورد و سەرکوتکردنی خەباتی تێکۆشەرانی ئەو نەتەوەیە لە پێناوی بە دەستهێنانی مافە رەواکانیاندا.
لە بوارەکانی دیکەش دا ئاڵوگۆڕێکی باش لەم رێژیمە دا پێک نەهاتوە. وەزعی سیاسی، ئابووری، کۆمەڵایەتی و زۆر بواری دیکەی ئێران لە ژێر دەسەڵاتی کۆماری ئیسلامی دا ساڵ بە ساڵ قەیرانیتر بووە و زیاتر بەره و شپرزەیی رۆیشتوە. پێوەندییە سیاسی و دیپلۆماسییەکانی ئەو رێژیمە لەگەڵ دنیای دەرەوه، بە پێی ویستی تاقمێکی کۆنەپارێز بەڕێوە چووە که تەنیا بەرژەوەندەکانی نیزامەکەیان، نەک بەرژەوەندی گشتیی خەڵکی ئێرانیان، بەلاوە گرنگە. هەر بۆیەش وڵاتی ئێران لە سۆنگەی سیاسەتەکانی ئەو تاقمە، بەرەوڕووی گەمارۆ و گوشاری جۆراوجۆری نێودەوڵەتی بۆتەوە و پێوەندییەکانی کۆماری ئیسلامی لە گەڵ دنیای دەرەوە، گەیشتوونە نزمترین ئاست. ئابووریی وڵات بە تەواوی پووکاوەتەوه، گەمارۆ ئابوورییەکانی رۆژئاوا کە بەرهەمی سوور بوونی ئەو رێژیمە لە سەر درێژەدانی بەرنامه ناوکییەکانیەتی، رۆژ بە رۆژ ئاسەواری خراپتر لە دوای خۆیان بە جێ دێڵن. دابەزینی بێوێنەی بایی تمەن لە بەرامبەر دراوه بیانیەکان دا بۆتە هۆی گرانیی سەر سوڕهێنەر. بێکاری، گرانی، نەبوون و نایاببوونی سەرەتاییترین کەلوپەل و پێویستییەکانی ژیان و بەڕێچوون، دەستیان وەدەستی کێشە و دیاردە کۆمەڵایەتییەکانی وەک ئیعتیاد، ناهومێدی لە ژیان، لێکترازانی شیرازەی بنەماڵە و دەیان کێشە و گرفتی دیکە داوه.
دەسەڵاتدارانی ئێران، وێڕای ئەم هەلومەرجە ئابووری و کۆمەڵایەتییه، لە چەند ساڵی رابردوو دا له باری سیاسییشەوە کەشێکی پڕ لە ترس و تۆقانیان بە سەر وڵات دا زاڵ کردوە و بە توندی بەرهەڵستی هەر چەشنە دەنگێکی نارازی بوونەتەوە. گرتن و زیندان و ئەشکەنجەی ئازادیخوازان و داواکارانی گۆڕان بە توندی درێژەی هەیە. لە کوردستان کەشوهەوایەکی بە تەواوی ئەمنییەتییان زاڵ کردوە و لەچاو ناوچەکانی دیکەی ئێران گوشارو توندوتیژی بەرامبەر بە خەڵک له و پەڕی خۆی دایه. رۆژ نەبووە خەڵک نەگیرێ و ئەشکەنجه نەدرێ، کاسبکاران و کۆڵبەران کە بەدوای بژێوی ژیانی ماڵ و منداڵیانەوەن، نەدرێنە بەردەسڕێژ و گیانیان لێ نەستێندرێ و ماڵیان بە تاڵان نەبرێ.
کێشە و ململانێی نێوان باڵەکانی رێژێم لە سەر پێگە و مەوقعییەتی ویلایەتی فەقیە و دامەزراوە جۆراوجۆرەکانی دەسەڵات و چۆنیەتیی پێوەندییەکانیان لەگەڵ قەیرانە نێوخۆییەکان و دنیای دەرەوە، بەردەوام بووە. به و جیاوازییە کە تا هاتوە دەستی سوپای پاسداران لە بەڕێوەبردن و دەستبەسەرداگرتنی بوارە جۆراوجۆرەکانی کاروباری وڵاتدا، ئاوەڵاتر کراوە. ئەمەش وای کردوە کە نارەزایەتی و بێزاریی خەڵکی وەزاڵەهاتووی ئێران بە هەموو چین و تۆێژەکانیەوە قووڵتر بێتەوە. لە گەڵ ئەوەی دەزگا سەرکوتکەرەکانی رێژێم بۆ بێدەنگ کردنی خەڵک و پێشگیری لە تەقینەوەی هەرجۆرە نارەزایەتییەک پێش بەهەر جموجۆڵ و خۆپێشاندانێک دەگرن و بەربەستی زۆریان لەسەر چالاکی و تێکۆشانی خەڵک و رێکخراوەکانی کۆمەڵگەی مەدەنی داناوە، بەڵام سەرەڕای ئەمانەش خەڵک لەسەر ویست و داخوازە رەواکانی خۆیان سوورن و لە هەر دەرفەتێک کە بۆیان هاتووەتە پێش، لە دژایەتیی سەرەڕۆیی و زۆرداری درێغیان نەکردوه و ئەوەندەی مومکین بووه، لە بەرامبەر دەسەڵاتداران و بڕیاربەدەستانی سەرەکیی ئەو نیزامە کە وەلیی فەقیه و سوپای پاسداران و دامەزراوە ناخەڵکیەکانن، راوەستاون.
هەڵبژاردنی یازدەیەمین دەورەی سەرکۆماری و هەڵبژاردنی شووڕاکانی شارو دێ کە لە 24ی جۆزەردانی ئەمساڵدا بەڕێوەچوون، مەیدان و دەرفەتێکی دیکە بوون بۆ ململانێ و رووبەڕووبوونەوەی خەڵک و دەسەڵاتبەدەستانی ئەو رێژیمە. ئەگەر چی هەر لەئەساس دا هەڵبژاردن لە کۆماری ئیسلامیدا، ئازاد و دیموکراتیک نیە و سەرەڕای ئەوەی رێبەری و دام و دەزگاکانی سەر بە بەیتی رێبەری و شوورای نیگابان بەربەستی زۆریان لەبەردەم بەربژێرەکانی سەرکۆماری دانا و سەلاحییەتی زۆربەی هەره زۆری ئەوانیان رەت کردەوە، به و حاڵەش خەڵکی ئێران بە دەنگدانی واتاداری خۆیان، جارێکی دیکە پەیامی خۆیان بە گوێی دنیا گەیاند. ئەوان دەنگیان بە کاندیدایەک دا کە ئەگەرچی هەر لە هەناوی ئەو نیزامە هاتووەتەدەر، بەڵام بە پێچەوانەی خامەنەیی و توندڕەوان و کۆنەپارێزانی ئەو نیزامە، لە بەرنامەی هەڵبژاردنی خۆی دا، باسی لە ئیعتیدال و میانەڕەوی دەکرد و لە پێویستیی چاوخشاندنەوە بە سیاسەتە نێوخۆیی و دەرەکییەکانی کۆماری ئیسلامی دەدوا. دەنگدانی خەڵک بە حەسەن رۆحانی بۆ پۆستی سەرکۆماری هەوڵێکی مومکین لە چوارچێوەی دەرفەتێکی بەرتەسک دابوو بۆ دەرباز بوون لەهەلومەرجێکی سیاسی و ئابووریی دژوار و قەیراناوی. بەرهەمی ئیرادەی گۆڕانخوازانەی خەڵکی ئێران و نیشانەی رەتکردنەوەی دووبارەی ئەو سیاسەتە نیوخۆیی و دەرەکیانەی کۆماری ئیسلامی بوو کە خامنەیی بە راشکاوی پشتیوان و لایەنگریی لێ کردوون.
بەڵام ئێستا و لە بەرەبەری دەستپیکردنی دەورەی سەرکۆماریی حەسەن رۆحانی دا پرسیار ئەوەیە کە ئایاسەرکۆماری هەڵبژێردراو، پەیامی راشکاوانەی خەڵکی ئێرانی به و جۆرە کە هەیە، وەرگرتوە و خۆی لە بەرامبەریان دا بە بەرپرس و بەرعۆدە دەزانێ؟ ئایا بە وادە و بەڵێنەکانی خۆی کە بەشێکی زۆر کەم لە داخوازەکانی گەلانی ئێرانیان گرتبووە خۆ، وەفادار دەبێ؟
ئاغای رۆحانی و خەڵکی ئێران پێویستە ئەزموونی سەردەمی سەرکۆماریی ئاغای خاتەمی و وانەکانی ئەو سەردەم وەبیر خۆیان بێننەوە. بۆ وێنە سەرکۆماری تازە، دەبێ له بیری بێت کە هەر کات کەسانێک، لایەنی خەڵکیان گرتوه و بایەخیان بە ویست و داخوازەکانی کۆمەڵگە داوە، خەلک بە دەنگی خۆیان سەریان خستوون و گەیاندوویاننە پارلمان و سەرکۆماری. هەر کاتێکیش ئەو کەسانە، ویستی خەڵک و کۆمەڵگەیان لە پێناوی بەرژەوەندەکانی نیزام یا هەر هۆکارێکی دیکە دا، پشتگوێ خستوە و پاشەکشەیان لە وادە و بەڵێن و بەرپرسیارەتییەکانیان کردوە، بە تەنیا ماونەوە و مایەپووچ دەرچوون. خەڵکیش دەبێ لە بیریان بێت، ئەوە لەمەیداندابوون و پێداگریی ئەوان لە سەر ویست و داخوازەکانیانه کەدەکرێ هیوای پێ ببەستن نەک چاوەڕوانیی لوتف و کەرەم لە دەسەڵات و نیزامێک که هیچ کات نەیویستوە پەیامی خەڵک ببیسێ و رێزی لێ بگرێ، یا هەر کات ئیرادەی خەڵک سەرکەوتوە، بە کەلکوەرگرتن لەدەسەڵاتی رێبەری و نیهادە داسەپاوەکان،سەرکەوتنەکانی خەڵکیان بێ ئاکام کردوەتەوە.
بەم جۆرە ئەرکی خەڵک و بە تایبەتی کەسایەتی و هێز و لایەنەکانی رێنوێن و پێشڕەوی خەباتی خەڵک لە نیوخۆی وڵات لە دوای ئەم هەڵبژاردنە، دەچێتە نیو قۆناغێکی نوێوە کە ئەویش پاشەکشەکردنی زیاتر بە کۆماری ئیسلامی و خستنەڕووی ویست و داخوازەکانیان و ئەرکدارکردنی سەرکۆمار و دەوڵەت و مەجلیس و دامەزراوە جۆراوجۆرەکان بە گوێ لێگرتن و جێبەجیکردنیانە.
خەڵکی خەباتکاری کوردستان!
هۆگران و ئەویندارانی رێگا و بیر و ئامانجەکانی د. قاسملوو!
ئێمه لە هەلومەرجێکدایادی ئەو رێبەرە گەورەیە دەکەینەوە که ئامانجەکانی ئازادی و دیموکراسی و رزگاریی گەلان و دادپەروەریی کۆمەڵایەتی کە د. قاسملوو، تەمەنێک خەباتی لە پێناویان دا کرد، ناوچەی رۆژهەڵاتی نێوەڕاستیان راپەراندوە. رووداوەکانی ئەم چەند ساڵەی دوایی لە شیمالی ئەفریقا و رۆژهەڵاتی نیوەراست ئەوەیان سەلماندەوە کە گەلان بە بندەستی و دەسەڵاتی زۆرەملێ و دیکتاتۆری قایل نابن و لەهەر جێگایەک چەوساندنەوە و ستەم هەبێ، خەبات و بەربەرەکانی و شۆرش لە دژیان سەرهەڵدەدا. راپەڕینی خەڵک و رووخانی یەک لە دوا یەکی دیکتاتۆرەکان لە وڵاتانی میسر، تونس و لیبی، راستیی ئەم قسەیە دەسەلمێنن. با ئەو راستییەش ببینین و پێی خۆشحاڵ بین کە گەلانی راپەڕیوی ناوچە، تەنیا بە جێگۆڕکێی رێژیمەکان ناوەستن بەڵکوو لە گەڵ گۆڕینی رێژیم و دەسەڵاتە جۆراوجۆرەکاندا، مافە بنەڕەتییەکانی مرۆڤی ئەم سەدە و هەزارەیان دەوێ. ئەمەش جێگای شانازی و خۆشحاڵییە کە نەتەوەی کورد لە هەموو بەشەکانی نیشتمانە دابەشکراوەکەی، خاوەنی بزووتنەوەیەکی لەمێژینەی دژبە دیکتاتۆری و بندەستییه. هەر وەها لە هەرکام لە وڵاتانەش کە کوردستانیان بە سەر خۆیان دا دابەش کردوه، گەلی کورد لە خەباتی گشتی و سەرانسەری لە پێناوی گۆڕان و بە دەستهێنانی ئازادی، دیموکراسی و هێنانە سەرکاری سیستەمێکی سیاسیی وڵامدەری سەردەمی ئێستا، لە ریزی پێشەوە دایه.
لە رۆژهەڵاتی کوردستان، گەلی کورد و هێزە سیاسی و خەباتکارەکانی، ئەزموونی زیاتر لە 34 سال خەبات و تیکۆشان دژی دیکتاتۆریی کۆماری ئیسلامی و قوربانیدان لە پێناوی ئازادییان هەیە و بە چۆک دا نەهاتوون. ئەگەر حیزب و رێکخراوە سیاسییەکان، لە هەلومەرجێکی نەخوازراوو لە دوورەوڵاتی دا درێژە بە خەبات و تێکۆشان دەدەن، لە نێوخۆی وڵاتیش، خەڵکی وشیار و زیندووی کوردستان، لە هەر رێگاو دەرفەتێکی تەنانەت بەرتەسکی وەک هەڵبژاردنەکانی کۆماری ئیسلامییش، بۆ سەلماندنی بوونی خۆیان و بۆ خستنەڕووی داخوازەکانیان و بۆ دەنگ هەڵبڕین دژی ستەم و هەڵاواردن و چەوسانەوە، کەلک وەردەگرن. ئەم راستییە دەبێ هاندەری حیزب و رێکخراوە سیاسییەکان بێ بۆ تێگەیشتن لەواقیعی نێوخۆ، بۆ یەکیەتی و یەکگرتوویی و هاوکاری و هاوخەباتی لە گەڵ یەکترو بۆ رووبەڕووبوونەوەی کارتێکەرانه لە گەڵدەرفەتەکان و شانسەکان. ئێمە بە نۆرەی خۆمان، هاتنە مەیدانی خەڵک و تێکۆشانی دڵسۆزانی گەلەکەمان لە نێوخۆی وڵات لە چوارچێوەی شانس و دەرفەتە بەرتەسکەکان دا، بە نیشانەیی وریایی سیاسی و نەتەوەیی ئەوان دادەنێین، نەک بە دژایەتیکردنی ئەوان لە گەڵ حیزب و رێکخراوە سیاسیەکانی کوردستان. بە باوەڕی ئێمه هەوڵەکانی دڵسۆزانی نێوخۆ و خەبات و تێکۆشانی هێزە سیاسییەکان، دەبێ وەک دوو رووی جیاوازی خەباتی تێکۆشەرانی نەتەوەیەک و وەک تەواوکەری یەکتر سەیر بکرێن. پێشمان وایە لە هەر جێگایەک، یەکیان پێویستی بە پشتیوانیی ئەوی دیکە هەبوو، دەبێ درێغی لێ نەکرێ.
24 ساڵەی تیرۆری د. قاسملووی رێبەر بە بۆنەیەکی گونجاو دەزانین بۆ ئەوەی لە ئاست خۆشەویستی و وەفاداریی خەڵکی کوردستان بۆ ئەو رێبەرە مەزنە، سەری رێز دانەوێنین. بە ئەرکی خۆشمانی دەزانین له و یادە دا پێداگری و بەردەوامیی حیزبی دیموکراتی کوردستان لەسەر خەبات تا رزگاریی نەتەوەی کورد لە ژێردەستی، دووپات بکەینەوە. هەر لەم بۆنەیەشدا بە ئیلهاموەرگرتن لە ئامۆژگارییەکانی ئەو رێبەرە شەهیدە، و بە هەستکردن بە هەستیاربوونی قۆناغی ئێستای خەباتی سیاسی لە گەڵ کۆماری ئیسلامی، هەموو حیزب و رێکخراوە سیاسییەکان و هەر وەها سەرجەم خەباتکاران لە نێوخۆ و دەرەوەی کوردستان بۆ لێکنزیکبوونەوە و یەکگرتوویی بانگەواز دەکەین.

دۆستان و دڵسۆزانی حیزبی دیموکراتی کوردستان!
لەمێژە یادی شەهید بوونی رێبەری لێوەشاوە د. قاسملووی نەمر، لە گەڵ بیرەوەریی کۆچی دوایی هاوڕێی بەوەج، سەید سەلامی عەزیزی، ئەندامی دەفتەری سیاسیی حیزبی دیموکڕات ئاوێتە بووە. بەم بۆنەیەوە لە گەڵ شەهیدانی 22ی پووشپەڕ دا، بەڕێزەوە یادی کاک سەلامی نەمر دەکەینەوە کە 14 ساڵ لەمەوبەر ماڵاوایی یەکجاریی لێکردین.

بەرز و بەڕێز بێ یادی رێبەری شەهید د.عەبدولڕەحمان قاسملوو،
ڕسوایی هەمیشەیی بۆ خوڵقێنەرانی تاوانی 22ی پووشپەڕ،
سەرکەوتن بۆ خەباتی ئازادیخوازانەی گەلی کورد وبەرقەرای بۆ ئامانجه بەرزەکانی د.قاسملووی هەمیشە لە یاد.

حیزبی دیموکراتی کوردستان
دەفتەری سیاسی
22ی پووشپەڕی1392
13ی ژوئیەی 2013

⚠️ Այս տարրը գրվել է (🏳️ کوردیی ناوەڕاست) լեզվով, սեղմեք պատկերակը բացել իրը բնագրի լեզվով
⚠️ ئەم بابەتە بەزمانی (🏳️ کوردیی ناوەڕاست) نووسراوە، کلیک لە ئایکۆنی بکە بۆ کردنەوەی بابەتەکە بەو زمانەی کە پێی نووسراوە!
🖇 կապված նյութեր: 3
🎥 Ալբոմներ
1.👁️کۆڵبەرانی رۆژهەڵات
📷 Պատկեր եւ նկարագիրը
1.👁️قاسملۆ و...
✌️ Վկայիցն
1.👁️عەبدولرەحمان قاسملوو
📂[ ավելի շատ...]

⁉️ Նյութերի գույք
🏳️ Հոդվածներ լեզու: 🏳️ کوردیی ناوەڕاست
🌐 Լեզու - Բարբառ: 🏳️ Քրդական - Sorani
🏟 Կուսակցություն: K. D. P. Iran

⁉️ Technical Metadata
©️ Հեղինակային ապրանքատեսակը արդեն տրվում Kurdipedia է իրը սեփականատիրոջ!
✨ Նյութի Որակի: 74% ✔️
74%
✖️
 30%-39%
Վատ👎
✖️
 40%-49%
Վատ
✖️
 50%-59%
Վատ
✔️
 60%-69%
Միջին
✔️
 70%-79%
Շատ լավ
✔️
 80%-89%
Շատ լավ👍
✔️
 90%-99%
Գերազանց👏
74%
✔️
Ավելացրել է (Hawrê Baxewan) վրա Jul 13 2013 10:54AM
✍️ Այս տարրը վերջերս թարմացվել է (System Administrator) վրա: Dec 1 2013 11:56AM
☁️ URL
🔗
🔗
⚠️ Այս տարրը ըստ Kurdipedia ի (📏 Ստանդարտների) չի վերջնական դեռ!
👁 Այս տարրը արդեն դիտվել 12,211 անգամ

📚 Գրադարան
  📖 ավելի շատ...


📅 Ժամանակագրություն միջոցառումներ
  🗓️ 11-04-2021
  🗓️ 10-04-2021
  🗓️ 09-04-2021
  🗓️ 08-04-2021
  🗓️ 07-04-2021
  🗓️ 06-04-2021
  🗓️ 05-04-2021


💳 Նվիրատվություն
👫 Kurdipedia անդամներ
💬 Ձեր Կարծիքը
⭐ Այցելու Հավաքածուներ
📊 Վիճակագրություն Հոդվածներ 382,405
Նկարներ 62,538
Գրքեր 11,851
Կից փաստաթղթեր 50,135
📼 Video 194
🗄 Աղբյուրները 16,072
📌 Actual
Աբդուլլահ Օջալանը
...
Աբդուլլահ Օջալանը
Արամ Տիգրան
Արամ Տիգրան (1934 - 2009թ. օգոստոսի 8), ժամանակակից հայազգի երգիչ և երաժիշտ։ Ծնվել է հյուսիսային Սիրիայի Ալ-Քամիշլի բնակավայրում։ Մասնագիտացել է ուդ նվագելու մեջ։ Քսան տարեկան հասակից իրեն նվիրել է երաժշտությանը, երգել է երեք լեզուներով՝ քրդերեն, արաբերեն և հայերեն:
Համարվում է լավագույն քուրդ երգիչներից և երաժիշտներից մեկը: Ձայնագերել է շուրջ 230 երգ քրդերենով, 150՝ արաբերենով, 10՝ ասորերենով, 8՝ հունարենով։
Արամ Տիգրանը եղել է Քրդստանի բանվորական կուսակցության ցմահ առաջնորդ, այժմ` Թուրքիայի
Արամ Տիգրան
Նեչիրվան Բարզանին
...
Նեչիրվան Բարզանին
Մուրաթ Քարայըլանը
...
Մուրաթ Քարայըլանը

Kurdipedia.org (2008 - 2021) version: 13.04
| 📩 contact@kurdipedia.org | ✔️CSS3 | ✔️HTML5
| Էջ սերունդ ժամանակ: 0,89 երկրորդ (ներ).
☎ +9647701579153 +9647503268282
| ☎ +31654710293 +31619975574


Kurdipedia Project is an initiative of
(Bakhawan Software 1998 - 2021)