📊 بابەت 374,195 | وێنە 58,996 | پەڕتووک PDF 10,982 | فایلی پەیوەندیدار 42,520 | 📼 ڤیدیۆ 167 | 🗄 سەرچاوەکان 14,598
🏠|📧|دەربارە!|پەڕتووکخانە|📅
🏠 دەستپێک|📧 پەیوەندی|||💡 دەربارە!
|
📅 ئەمڕۆ 07-06 لە مێژوودا
📅کڕۆنۆلۆژیای رووداوەکان
📅 رۆژەکان
📆07-06-2020
📆06-06-2020
📆05-06-2020
📆04-06-2020
📆03-06-2020
📆02-06-2020
📆01-06-2020
📂 زۆرتر ...
📅07 June
📝 بەڵگەنامەکان
📊 ئامار و راپرسی
✌️ شەهیدان
💚 ئەنفالکراوان
☪ قوربانیی شەڕی دەوڵەتی ئیسلامی - داعش
😞 قوربانیی شەڕی ناوخۆ
👩 قوربانیی توندوتیژی
📅 رۆژی لەدایکبوون
📅 رۆژی کۆچی دوایی
📅 05-06-2020 - تورک لە باکوور رەشبگیری هەدەپە دەکات و لە باشووریش لە رۆژی جیهانیی ژینگە رەز و باخەکانمان دەسووتێنێت!
باکووری کوردستان
- پاش لێسەندنەوەی پارێزبەندی لە پەڕڵەمانتارانی هەدەپە، لەیلا گیوڤەن و فاریس ئۆگیولاری، شەوی رابردوو هەردووکیان لەلایەن تورکەوە دەستگیرکران.[1]
- پارێزگاری دەوڵەتی تورک لە جۆلەمێرگ بۆ ئەوەی رێگری لە ناڕەزایەتییەکانی گەل لەو شارەدا لە دژی ئەو هێرشەی رژێم بگرێت رایگەیاند، لە ئەمڕۆوە 5ی حوزەیران بۆ ماوەی 15 رۆژ هەموو جۆرە چالاکییەک لە شارەکەدا قەدەغەیە.[3]
- پۆلیسی تورک سەرلەبەیانی ئەمڕۆ لە سەمسوور و جزیر لە چوارچێوەی ئۆپەڕاسیۆنی قڕکردنی سیاسیدا هەڵیکوتایە سەر ماڵان و 5 کەسیان دە
✌️ فەیسەڵ سەعدون مەعروف (ئەبو لەیلا)
لەدایکبووی 1984ە باوکی چوار کچە (لەیلا شەش ساڵ، رەهەفە چوار ساڵ، سەرهەڵدان دوو ساڵ و نیوە، خوندان ساڵ و نیوە). هەروەها حەوت براو چوار خوشکی هەیە. یەکێک بوو لە فەرماندەکانی یەکینەکانی پاراستنی گەل (یەپەگە)، خاوەنی کەتیبەیەکی تایبەت بە خۆی بووە بە ناوی (ڕۆژی باکوور) لە ئۆپەراسیۆنی مەنبەجدا بە سەختی سەری بریندار بوو. بەهۆی برینەکەیەوە 05-06-2016 لە نەخۆشخانەی (شار) شاری سلێمانی باشووری کوردستان گیانی سپارد. تەرمەکەی گەڕێنراوەتەوە بۆ ڕۆژئاوای کوردستان و لە شاری کۆبانی بە خاک سپێراوە.
👫 سەڵاح ئوسی - باڤێ لاڤا
هونەرمەندێکی بەناوبانگی قامیشلۆ بوو. رۆژی 07-06-2018 کۆچی دوایی کرد.
👫 حیلمی عەلی شەریف
ساڵی 1931 لە بنەماڵەیەکی نیشتمانپەروەر و ناسراو لە گەڕەکی دەرگەزێن-ی شاری سلێمانی لەدایکبووە.
هەر لە سلێمانی قۆناغەکانی خوێندنی سەرەتایی و ناوەندیی تەواوکرد و پاشان لە بەعقوبە دواناوەندیی تەواوکرد.
لە ناوەراستی چلەکاندا دەستیداوەتە کوردایەتیو ساڵی 1948 کە راپەرینە گەورەکەی عێراق بەرپابوو، مامۆستا حیلمی یەکێک بوو لە سەرکردە ناسراوەکانی بزوتنەوەی خوێندکاران، ئەم هەڵوێستە سیاسییە وای لە کاربەدەستانی عێراق کردووە قینی لێهەڵبگرن و چەند جارێک دووری بخەنەوە و زیندانی بکەن.
کاتێک ناوی لە بۆ کۆلێژی ئە
📊 لە رۆژی دەستپێکردنی بانگەشەکانی هەڵبژاردنەوە پێشێلکاری بەرامبەر بە 40 رۆژنامەنوس کراوە | 🏷️ پۆل: ئامار و راپرسی | زمانی بابەت: 🏳️ کوردیی ناوەڕاست | 👁️‍🗨️
✍️
لە رۆژی دەستپێکردنی بانگەشەکانی هەڵبژاردنەوە پێشێلکاری بەرامبەر بە 40 رۆژنامەنوس کراوە
📊 ئامار و راپرسی


سەنتەری میترۆ دەڵێت، لە رۆژی دەستپێکردنی بانگەشەکانی هەڵبژاردنەوە دەیان پێشێلکاری جۆراوجۆر بەرامبەر (40) رۆژنامەنوس کراوە لەلایەن جەماوەری لیستە رکابەرەکان و هێزە ئەمنییەکانەوە.
سلێمانی، ئاوێنەنیوز: لە بەیاننامەیەکدا کە وێنەیەکی بۆ ئاوێنەنیووز ناردووە، سەنتەری میترۆ بۆ داکۆکیکردن لە مافی ڕۆژنامەنوسان ئەمڕۆ(هەینی) رایگەیاند، لە رۆژی دەستپێکردنی بانگەشەکانی هەڵبژاردنەوە، 28ی ئابی 2013، تا 19ی ئەیلول رۆژی کۆتایی هاتنی دەیان پێشێلکاری جۆراوجۆر بەرامبەر (40) رۆژنامەنوس لەلایەن جەماوەری لیستە رکابەرەکان و هێزە ئەمنییەکانەوە ئەنجامدراون، هەندێک پێشێلکاریش لە دەرەوەی هەڵمەتەکانی بانگەشەی هەڵبژاردن بوون.
لەبەیاننامەکەدا هاتووە، سەنتەری میترۆ لە رۆژی دەنگدانی تایبەت کە رۆژی پێنج شەممە 19ی ئەم مانگە بەڕێوەچوو چەندین پێشێلکاری بەرامبەر بە مافی رۆژنامەنوسان تۆمارکردوە. پێشێلکاریەکانی دەنگدانی تایبەت و دەنگدانی گشتی لە راپۆرتێکی جیاوازدا پاش کۆتایی دەنگدان لە هەفتەی ئایندەدا، بڵاودەکاتەوە.
سەنتەری میترۆ ئیدانەی توندوتیژی و سوکایەتی و رێگری و بەرامبەر رۆژنامەنوسان دەکات، رایدەگەیەنێت "ئه و رۆژنامەنوسانە باجی نەریتی ناشارستانی جەماوەری لیستە رکابەرەکان دەدەن و هێزەکانی ئاسایشی ناوخۆش رۆژنامەنوسان ناپارێزن".
دەقی بەیاننامەکە بخوێنەرەوە:
سەنتەری میترۆ بۆ داکۆکیکردن لە مافی ڕۆژنامەنوسان
بەیاننامەی ڕۆژنامەوانی
رۆژنامەنوسان باجی نەریتی ناشارستانیی لیستە رکابەرەکان دەدەن
حکومەتیش یان بەشداربوون یان تەماشاکەر
20ی ئەیلولی 2013، هەرێمی کوردستان: سەنتەری میترۆ بۆ داکۆکیکردن لە رۆژنامەنووسان ئیدانەی دەستدرێژیکردنە سەر تیمەکانی کەناڵەکانی راگەیاندن دەکات رایدەگەیەنێت رۆژنامەنوسان باجی نەریتی ناشارستانی لیستە رکابەرەکان دەدەن و هێزی ئەمنیش یان تەماشاکەربوون یان بەشداربوون له و توندوتیژیانەدا.
سەنتەری میترۆ رایدەگەیەنێت لە رۆژی دەستپێکردنی بانگەشەکانی هەڵبژاردن کە لە 28ی ئابی 2013 دەستیپێکرد و لە 19ی ئەیلول کۆتایی هات دەیان پێشێلکاری جۆراوجۆر بەرامبەر (40) رۆژنامەنوس لەلایەن جەماوەری لیستە رکابەرەکان و هێزە ئەمنییەکانەوە ئەەنجامدراون، هەندێک پێشێلکاریش لە دەرەوەی هەڵمەتەکانی بانگەشەی هەڵبژاردن بوون.
سەنتەری میترۆ لە رۆژی دەنگدانی تایبەت کە رۆژی پێنج شەممە 19ی ئەم مانگە بەڕێوەچوو چەندین پێشێلکاری بەرامبەر بە مافی رۆژنامەنوسان تۆمارکردوە. پێشێلکاریەکانی دەنگدانی تایبەت و دەنگدانی گشتی لە راپۆرتێکی جیاوازدا پاش کۆتایی دەنگدان لە هەفتەی ئایندەدا، بڵاودەکاتەوە.
رێگریکردن لە رواڵکردنی هەواڵ پێشێلکردنێکی ئاشکرای یاسای کاری رۆژنامەگەری هەرێمی کوردستانە. لە بڕگەی (4)ی ماددەی(7)ی یاسای کاری رۆژنامەگەری ژمارە 35ی ساڵی 2007 دا هاتووە "رۆژنامەنووس مافی ئامادەبوونی لە کۆنگرە و چالاکییە گشتییەکاندا هەیە".
سەنتەری میترۆ ئیدانەی توندوتیژی و سوکایەتی و رێگری و بەرامبەر رۆژنامەنوسان دەکات، رایدەگەیەنێت "ئه و رۆژنامەنوسانە باجی نەریتی ناشارستانی جەماوەری لیستە رکابەرەکان دەدەن و هێزەکانی ئاسایشی ناوخۆش رۆژنامەنوسان ناپارێزن".
میترۆ جەختدەکاتەوە له و کەیسانەدا کە لە سەنتەری میترۆ تۆمار کراون، توندوتیژی بەرامبەر بە پەیامنێرو وێنەگرانی کەناڵەکانی راگەیاندن ئەنجامدراوە، هێزەکانی ئاسیشی ناوخۆی حکومەتی هەرێمیش یان بەشداربوون یان تەماشاکەر.
ئەمەش سەرجەم ئەو کەیسانەن کە لە نێوان 28ی ئاب- 19ی ئەیلول پەیوەندییان بە(بەشی تۆمارکردن)ی سەنتەری میترۆوە کردووە.
• ئێوارەی رۆژی چوارشەممە 28ی ئاب سەرنوسەری گۆڤاری باشور بە سەنتەری میترۆی راگەیاند "رۆژنامەنوسێکمان بە ناوی نزار بێجان، لەکاتی سەردانی ئاسایشی زاخۆ دەستبەسەرکراوە. شێروان شێروانی بە میترۆی وت" پێشتر نە سەندیکاو نە گۆڤارەکەمان ئاگادارنەکراوە لەسەر ئەو تۆمەتەی کە ئاراستەی نزار کراوە". لەمادەی هەشتەمی یاسای رۆژنامەگەری لەکوردستاندا لە کاتی گرتنەبەری رێکاری یاسای بەرامبەر بە رۆژنامەنوسان کە بەکارێک تۆمەتبار دەکرێ پەیوەندی بە پیشەکەیەوە هەیە، سەندیکای لێ ئاگادار ئەکرێتەوە.
• زمناکۆ ئیسماعیل، پەیامنێری سایتی سبەی وتی کاتژمێر 6ی ئێوارەی رۆژی هەینی 30ی ئابی 2013 لە گەڕەکی وڵوبەی شاری سلێمانی، لە کاتی کردنەوەی مەکۆیەکی بزوتنەوەی گۆڕان کۆمەڵێک گەنج هەڕەشەیان لێکردم." جەختیکردەوە" میلی چەکیان لێ هێنامەوە جنێویان پێدام". بە پێ قسەکانی زمناکۆ تیمی کەناڵ KNN لە شوێنی روداوەکە بوون و شاهێدن بەسەر وردەکاری روداوەکە. هەروەها وتیشی "رۆژی شەممە 31ی ئاب لە گەڕەکی توی مەلیک لەکاتی وێنەگرتندا رێگریم لێکراوە."
• حسێن حەسەن پەیامنێری کەناڵی KNN لە زاخۆ رایگەیاند کاتژمێر 11ی شەوی هەینی، رێکەوتی 30ی ئاب، لەکاتی وێنەگرتنی هەڵمەتی هەڵبژاردن هێرشکرایە سەرمان جەختیکردەوە" کۆمەڵێک بە بێ هۆ پەلاماریان داین و نەیانهێشت وێنەبگرین". عەبدوڵڵا ئەحمەد وێنەگری کەناڵەکە بە میترۆی وت"لە ئەنجامی ئەو توندوتیژییەی بەرامبەرمان ئەنجامدرا کامێراکەمان شکا."
• هادی ئەحمەد، پەیامنێری رۆژنامەی کوردستانی نوێ بە میترۆی راگەیاند شەوی هەینی 30ی ئاب، لەکاتی پەلاماردانی بنکەیەکی یەکێتی بریندارکرام. هادی وتی "پەلاماردەران دەیانزانی من رۆژنامەنوسم بەڵام بە بەبەرد هێرشیان بۆ هێنام و بریندار بوم دەیانوت دەبێت وێنەکان بسڕیتەوە."
• ئامانج ئیسماعیل پەیامنێری KNN بە میترۆی راگەیاند رۆژی هەینی 30ی ئاب لەکاتێکدا لەگەڵ وێنەگری کەناڵەکەیان سەرقاڵی روماڵکردنی بانگەشەی هەڵبژاردن بوون لە لایەن چەند لایەنگرێکی لیستێکی هەڵبژاردنەوە لە ناو بازاڕی قەزای رانیە هەرەشەیان لێکراوە و رێگریان لێکردون وێنە بگرن وتی"پێیان وتین وێنەگرتن قەدەغەیه و لاچن لەم ناوە ئەمە وێڕای هەشەکردن."
• ئاراس عوسمان، پەیامنێری سایتی ئاوێنە بە میترۆی راگەیاند سەرلە بەیانی رۆژی شەممە 31ی ئاب، لە کاتی وێنەگرتنی بارەگای سەرکردایەتی پارتی لە شاری سلێمانی نزیکەی کاتژمێرێک دەستبەسەرکرام. وتی "دوو چەکدار پاش رێگریکردن، لەناو ئۆتۆمبێلێکدا بۆ ماوەی نیو کاتژمێر دەستبەسریانکردم."
• ئەبوبەکرحسێن پەیامنێری کەناڵی KNN لە قەزای سەید سادق، بە میترۆی راگەیاند کاتژمێری 11ی پێش نیوەرۆی سێ شەممە 3 ی ئەیلول لە بانکی سیقەوە وێنەی کۆمیتەی یەکێتیمان دەگرت، بەرپرسانی ئەو بانکە رێگریان لێکردین وێنە بگرین. هەوەها هەڵۆ سەعدوڵا وێنەگری کەناڵی KNN کە لەگەڵ ئەبوبەکر لەهەمان شوێندا بون بە میترۆی ووت"فشاریان بۆ دەهێناین کە ئەو گرتانە بسڕینەوە کە وێنەمان گرتون."
• عەبدولرەحمان ئەبوبکر پەیامنێری کەناڵی KNN لە شاری سلێمانی بە سەنتەری میترۆی راگەیاند کاتژمێر 9:15 دەقیقەی شەوی سێ شەممە 3ی ئەیلول لەکاتی پەلاماردانی بنکەی هەڵبژاردنی بزوتنەوەی گۆڕان من لەگەڵ تەلان کۆسرەتی وێنگری کەناڵەکەمان لەوێ بوین. وتی " بە دەبه و دار هێرشکرایە سەرم دەموچاوم بریندار کرا."
• دڵشاد شەمسەدین پەیامنێری کەناڵی رێگا لەشاری دهۆک بە میترۆی راگەیاند رۆژی چوارشەممە 4ی ئەیلول لەگەڵ وێنەگری کەناڵەکەیان موشتاق نازم سەرقاڵی ئامادەکردنی هەواڵی بانگەشە هەڵبژاردن بوینن کاتێک ئۆتمبێلێکی بێ ژمارە چەند کەسێکی تێدا بووە هەڵی کوتاوەتە سەریان. دڵشاد وتی"بۆتان نییە راپۆرت بکەن ئێرە دەوڵەتی پارتییە". موشتاق وتی "پەلاماریان داین مایکی کامێراکەیان لێسەندین."
• بەختیار ئەحمەد پەیامنێری کەناڵی زاگرۆس و رادیۆی دەنگی کوردستان، بە میترۆی راگەیاند کاتژمێر 1:30 شەوی پێنج شەممە 5ی ئەیلول، لەکاتی روماڵکردنی روداوی تەقەکردنەکەی شەقامی توی مەلیک پەلامار دراوە. بەختیار وتی "جامی سەیارەکەیان شکاندم و چەند شوێنێکی تری سەیارەکەم زەرەری بەرکەوتوە" جەختیکردەوە" پەلاماردەران ئێمەیان دەناسی."
• هاوکار یاسین پەیامنێری کەناڵی گەلی کوردستان بە میترۆی راگەیاند کاتژمێر 9:45 شەوی
هەینی 6 ئەیلول. لەگەڵ بەڵێن واحید وێنەگر لە کاتی روماڵکردنی بانگەشەی هڵبژاردن لە سەهۆڵەکە کۆمەڵێک کە ئاڵای لیستێکی دیارکراویان پێ بوو هێرشیان بۆ هێناین. وتی"بۆ ئەوەی گرفت دروست نەبێت له و شوێنە نەماین بەڵام ئەوان وازیان نەدەهێنا."
• تارا بایز ئاغا پەیامنێری کەناڵی زاگرۆس بە میترۆی راگەیاند شەوی هەینی 6ی ئەیلول لەگەڵ وێنەگری کەناڵەکەیان بە ناوی دانەر عەبدولخالق بە دەبەی ئاو هێرشکراوەتە سەریان پاشان لێیان دراوە. تارا وتی" ئێستاش شوێنی دەبە ئاوەکان بە گیانی خۆم و وێنەگرەکەمانەوە دیارە."
• ئاوات محەمەد وێنەگری کەناڵی گەلی کوردستان بە میترۆی راگەیاند شەوی هەینی 6ی ئەیلول لە کاتی بەرنامەی راستەوخۆی کەناڵەکەمان بۆ بانگەشەی هەڵبژاردن، ئۆتۆمبێلێکی جۆری ئۆپترا دوو گەنجی تیا بوو تەقەیان بەسەرماندا کرد، پاشان خۆیان رایانکردو ئۆتۆمبێلەکەیان جێهێشت. هەروەها سۆزان ئومێد پەیامنێری هەمان کەناڵ سوکایەتی پێکراوە بە میترۆی وت" فشاریان بۆ هێنام سوکایەتیم پێکرا."
• ئاراس عوسمان کەریم، پەیامنێری سایتی ئاوێنە بە میترۆی راگەیاند شەوی چوارشەممە 11ی ئەیلولی لەبەردەم بارەگای لقی چواری پارتی لە شاری سلێمانی رێگری لێکراوە وتی" هێرشیان بۆ هێنام پێیان راگەیاندم بە هیچ شێوەیەک لەم شوێنەدا رەسم مەگرە."
• بەختیار ئەحمەد کاکە پەیامنێری کەناڵی KNN لە کەلار بە میترۆی راگەیاند رۆژی دوو شەممە 9ی ئەیلول لەگەڵ وێنەگری کەناڵەکەیان کەمال ئەحمەد محەمەد لە لایەن پۆلیسەوە لە نەخۆشخانەی کەلار دەستبەسەرکراون. بەختیار وتی" ئێمە بۆ راپۆرت لەسەر خاوەن پێداویستییە تایبەتەکان چوبوین، رێگریان لێکردین ئینجا دەستبەسەر کریان". وێنەگری کەناڵکە بە میترۆی وت "بە ئەمری پۆلیس دەستبەسەر کراین و سوکایەتیمان پێکرا."
• مەریوان حەسەن پەیامنێری کەناڵی NRT لە شاری کەلار بە میترۆی راگەیاند رۆژی دوو شەممە 9ی ئەیلول لەگەڵ وێنەگری کەناڵکەیان عەلی عەبدوڵڵا چوون بۆ ئامادەکردنی راپۆرت لەسەر خاوەن پێداویستیە تایبەتەکان لە نەخۆشخانەی کەلار لەوێ دەستبەسەر کراون. مەریوان وتی" پۆلیس هەڵسوکەوتی توندوتیژ بوو لەگەڵماندا، پشان وتیان بە ئەمری بەڕێوەبەر مەمنوعە روماڵی ئەو هەواڵە بکەن" وێنەگری کەناڵەکە بە میترۆی وت"دەرکراینە دەرەوەی نەخۆشخانه و سوکایەتیمان پێکرا."
• کامەران محەمەد سابیر پەیامنێری کەناڵی ئەلعیراقیە بە میترۆی راگەیاند رۆژی پێنج شەممە 12ی ئەیلول لەگەڵ هاوکارم ئارام عەبدولغەنی تەها وێنەگری کەناڵەکە لە ناو ئۆفیسی کۆمسیۆنی هەڵبژاردنەکان سوکایەتیان پێکردین و زانیاریان پێنەداین. کامەران وتی "تەنها داوام لێکردن ودەکاریمان پێبدات، بە ناشرینی وەڵامی داینەوە کە ئیتر نەچینە ناو کۆمسییۆن". ئارام وێنەگری کەناڵەکە جەختی لە زانیارییەکانی کامەران کردەوە بە میترۆی وت" زانیاریان پێنەداین مامەڵەکەیان ناشارستانی بوو."
• عەبدو حەسەن پەیامنێری کەناڵی NRT لە قەزای سۆران، بە میترۆ راگەیاند رۆژی پێنج شەممە 12ی ئەیلول لەگەڵ وێنەگری هەمان کەنالًَ محەمەد عەبدوڵڵا عەبدولرەحمان لە بازگەی سارداو دەست بەسەر کراون. عەبدە وتی"بە مەبەستی ئامادەکردنی راپۆرتێک لەسەر بانگەشەی هەڵبژاردن چوینە ئەو ناوچەیە پاش گەڕانەوەمان بەهەمان بازگەدا بۆ ماوەیەک دەست بەسەر کراین". محەمەد عەبدوڵڵا وێنگری کەناڵەکە جەختیکردەوە "پاش نیو کاتژمێر دەست بەسەرکراین تا پەیوەندی کرا بە قائیمقامی سۆران ئەوسا ئازادیان کردین."
• رەفعەت محەمەد قادر وێنەگری کەناڵی سپێدە لە قەزای سۆران بە میترۆی راگەیاند ڕۆژی پێنج شەممە 12ی ئەیلول لە بازگەی سارداو دەست بەسەر کراون. وتی"لەبازگەکە دەست بەسەرکراین وتیان نابێت بە بێ ئاگاداری ئاسیش راپۆرت بکەن."
• دڵشاد ئەنوەرحەسەن پەیامنێری کەناڵی NRT لە دهۆک بە میترۆی راگەیاند رۆژی شەممە 14ی ئەیلول چوین بۆ روماڵکردنی خۆپیشاندانێکی خەڵک قەزای بەردەڕەش دژ بە کۆمپانیایەکی نەوت. راگەیاند پێنەداین نزیکی خۆپیشاندەران بینەوە. دڵشاد وتی"هێزە ئەمنییەکان ڕێگریان لێکردین تەنها ئەو کەناڵانە روماڵیان دەکرد کە نزیک بون لە دەسەڵات."
• ئەیهان سەعید عومەر پەیامنێری کەناڵ KNN لە شاری دهۆک بە میترۆ راگەیاند رۆژی یەک شەممە 15ی ئەیلول لەبەردەم پارێزگای دهۆک لەگەڵ محەمەد سدقی ئەحمەد وێنەگری کەناڵی KNN لە ناو بەڕێوەبەرێتی پۆلیسی دهۆک بۆ ماوەی 20 خولەک دەستبەسەرکراون. ئەیهان وتی"بەرپرسێکی پۆلیس قسەی ناشرینی پێ وتین پاشان بۆ ماوەی 20 خولەک دەستبەسەرکراین". محەمەد سدقی ئەحمەد بە میترۆی وت"تا دڵنیا بوون کە وێنەمان نەگرتوە ئینجا ئازادکراین."
• کەمال ئیبراهیم پەیامنێری کەناڵی کوردسات لە شاری سۆران بە میترۆی راگەیاند بە یاوەری هاوکارم جوتیار ئیسماعیل حسێن وێنەگری کەناڵی کوردسات لەشاری سۆران رۆژی دوو شەممە 16ی ئەیلول لەبەردەم یاریگای شارەکە رێگریان لێکراوە بەهەڕەشە له و شوێنە دورخراونەتەوە. کەمال وتی"هێزە ئەمنییەکان هەڵیان کوتایە سەرمان بە هەڕەشەکردن وتیان نابێت وێنە بگرن." جەخیتکردەوە" شەوی 3ی ئەیلولیش لەناو شاری سۆران جامی ئۆتۆمبێلەکەیان شکاندم". وینەگری کەناڵەکەش بە میترۆی وت" ئێمە باجی رەسمیمان پێبوو ئەوان هەر رێگر بون لەوەی رەسم بگرین."
• میهڤان فەتاح پەیامنێری کەناڵی سپێدە بە میترۆی راگەیاند رۆژی یەک شەممە 15ئەیلول لەبەردەم پارێزگای دهۆک لەگەڵ ئازاد جلالەدین ئیبراهیم وێنەگری کەناڵەکیان دەستبەسەر کراون. میهڤان وتی" بەپاڵ و فشار براینە ناو دائیرەی پۆلیس پاش 20 دەقییقە ئینجا وازیان لێهێناین". ئازاد پرسیاریکرد"خۆ له و شوێنە نەنوسراوە وێنەگرتن قەغەیە ئیتر بۆ مەنع دەکرێین" باسیلەوەشکرد ئەوان چون بۆ روماڵکردنی خۆپیشاندانی ئەو هاوڵاتیانەی داوای قەرەبودەکەنەوە لە فڕۆکەخانەی دهۆک دەکەن.
• ئەرکان فەتاح پەیامنێری کەناڵی رووداو لە سلێمانی بە میترۆی راگەیاند شەوی 15ی ئەیلول لەبەردە لقی چواری پارتی پاسەوانەکان کامێرایان لە وێنەگرکەیان رێباز قادر مستەفا سەندوە و وێنەکانیان سڕیوەتەوە. ئەرکان وتی"کامێراکەیان بە زەبری هێز برد مایک و ئینارکەشیان شکاند". رێباز بە میترۆی وت" کامێراکەیان بردو گرتەکانیان سڕیەوە ئینجا کامێراکەیان بۆ گەڕاندمەوە."
• سیپان ئامێدی پەیامنێری کەناڵی NRT لە شاری دهۆک بە میترۆی راگەیاند رۆژی یەک شەممە 15ی ئەیلول لەگەڵ وێنەگری کەناڵەکەیان شۆڕشڤان سالم حەسەن چون بۆ روماڵکردنی خۆپیشاندانی ئەو هاوڵاتیانەی داوای قەرەبودەکەنەوە لە فرۆکەخانەی دهۆک پۆلیس هێرشی بۆ بردون. سیپان وتی" خۆپیشاندانەکە لەبەردەم بەڕێوەبەرێتی پۆلیس بوو پۆلیسەکان لێان داین نەیانهێشت وێنەبگرین" شۆرشڤان وتی" ئازاریان داین و کامێراکەیشم لەکار کەوت"
سەنتەری میترۆ بۆ داکۆکیکردن لە مافی ڕۆژنامەنوسان، ڕێکخراوێکی سەربەخۆی قازانج نەویستە لە ساڵی 2009 لە شاری سلێمانی لە لایەن کۆمەڵێک ڕۆژنامەنوسەوە دامەزراوە، لە ساڵی 2010 لە کۆنفرانسێکدا لە شاری هەولێر ئەندامانی بۆردی ڕێکخراوەکە هەڵبژێردران.
بۆ پەیوەندیکردن:
ئاوات عەلی ڕێکخەری سەنتەری میترۆ – 07701435822
بەشی تۆمارکردن : 07708079999
- 20-09-2013
🗄 سەرچاوەکان
[1] 📡 ماڵپەڕ | 🏳️ کوردیی ناوەڕاست | ماڵپەڕی ئاوێنە

⁉️ تایبەتمەندییەکانی بابەت - Meta-data
🏳️ زمانی بابەت: 🏳️ کوردیی ناوەڕاست
📰 جۆری بڵاوکراوە: 📒 گۆڤار
🗺 وڵات - هەرێم: ⬇️ باشووری کوردستان
🗺 وڵات - هەرێم: 🇹🇷 تورکیا

⁉️ تایبەتمەندییە تەکنیکییەکان
✨ کوالیتیی بابەت: 78% ✔️
78%
✖️
 30%-39%
خراپ👎
✖️
 40%-49%
خراپ
✖️
 50%-59%
خراپ نییە
✔️
 60%-69%
باش
✔️
 70%-79%
زۆر باشە
✔️
 80%-89%
زۆر باشە👍
✔️
 90%-99%
نایاب👏
78%
✔️
ئەم بابەتە لەلایەن: (هاوڕێ باخەوان)ەوە لە: Sep 20 2013 4:08PM تۆمارکراوە
✍️ ئەم بابەتە بۆ دواجار لەلایەن: (بەڕێوەبەری سیستم)ەوە لە: Jul 10 2014 12:44PM باشترکراوە
☁️ ناونیشانی بابەت
🔗
🔗
⚠️ ئەم بابەتە بەپێی 📏 ستانداردەکانی کوردیپێدیا هێشتا ناتەواوە و پێویستیی بە داڕشتنەوەی بابەتی و زمانەوانیی زۆرتر هەیە!
👁 ئەم بابەتە 4,334 جار بینراوە

✍️ ئەم بابەتە باشتر بکە!
☰ زۆرتر
⭐ بۆ ناو لیستی کۆکراوەکان
💬 رای خۆت دەربارەی ئەم بابەتە بنووسە!

✍️ گۆڕانکارییەکانی بابەتەکە!
🏷️ Metadata
RSS

📷 گووگڵی وێنەی بابەتی هەڵبژێردراو بکە!
🔎 گووگڵی بابەتی هەڵبژێردراو بکە!
⠪ بەشکردن
Facebook
Twitter
LinkedIn
Whats App
Viber
SMS
Facebook Messenger
E-Mail
👍
⭐ نرخاندنی بابەت
⭐⭐⭐⭐⭐ نایاب
⭐⭐⭐⭐ زۆر باشە
⭐⭐⭐ باش
⭐⭐ خراپ نییە
⭐ خراپ
لە رۆژی دەستپێکردنی بانگەشەکانی هەڵبژاردنەوە پێشێلکاری بەرامبەر بە 40 رۆژنامەنوس کراوە
📊 ئامار و راپرسی

📚 فایلی پەیوەندیدار: 0
🖇 بابەتە پەیوەستکراوەکان: 3
☂️ پارت و رێکخراوەکان
1.👁️سەنتەری میترۆ بۆ راوێژ و داکۆکی لە رۆژنامەنووسان
🏰 شوێنەکان
1.👁️سەید سادق
👫 کەسایەتییەکان
1.👁️شێروان شێروانی
📂[ زۆرتر...]

Kurdipedia.org (2008 - 2020) version: 12.06
| 📩 contact@kurdipedia.org | ✔️CSS3 | ✔️HTML5
| کاتی ئافراندنی لاپەڕە: 0,484 چرکە!
☎ +9647701579153 +9647503268282
| ☎ +31654710293 +31619975574