ژیاننامە
ناوی تەواوی (شاخەوان عەلی حەمەد سۆفی کەریم مامۆکی) خەڵکی گوندی (#تاڵەبانی گەورە#)یەو لە عەشیرەتی #خۆشناو#ە، لە1/7/1971 لە شارۆچکەی (تەق تەق) سەر بەقشارۆچکەی #کۆیە# لەدایکبووە، لەخانەوادەیەکی ئاسایی پەروەردە بووە، خاوەنی پێنج برا(کاوەو کارۆ و بارزان و ئارام و نەهرۆ) و چوار خوشکە بەناوەکانی (سەفین و پەخشان و هێرۆ و بێری)، باوکی چونکە ماوەیەکی زۆر لە پێشمەرگایەتی بەسەر دەبات، دایکی (حاجی نایلە ئەبوبەکر) بە ڕەنجی تەونکاریەوە لە دروستکردنی بەڕەو مافوور، ئەو خێزانە گەورە دەژێنێ و پەروەردەو پێیان دەگەیەنێت.
ناوبراو ساڵی 1996 پرۆسەی هاوسەرگیری پێکهێناوەو خاوەنی دوو کوڕودوو کچە بەناوەکانی (ئەحمەدو ئادەم و شایەن و شادە)
.خوێندن
خوێندنی سەرەتایی و ئامادەیی لە شارۆچکەی (#تەق تەق#) تەواو کردووە، ساڵی1988خانەی مامۆستایانی لە هەولێر تەواو کردووە.
لە3/11/1993 بۆ یەکەمجار وەک بەڕێوەبەر لە قوتابخانەی گوندی(#کانی لەلە#)دامەزراوە، بەرپرسی کۆگای سەرەتایی دەشتی هەولێر بووەو لە کۆتاییەکانی ساڵی 2004 بووەتە سەرپەرشتیاری پەروەردەیی کارگێری لە پەروەردەی هەولێر، ساڵی 2014 بڕوانامەی بەکالۆریۆسی لە زانکۆی سانت کلیمنتسی بەریتانی لە بەشی (پەروەردەی گشتی) و ساڵی2019 بڕوانامەی بەکالۆریۆسی لە زانکۆی سەلاحەدین، کۆڵێژی بنیات لە بەشی (زانستە کۆمەڵایەتیەکان) تەواو کردووە.
ئێستا لە بەڕێوەبەرایەتی پەروەردەی دەوروبەر سەرپەرشتیاری پەروەردەییە.
کاری ڕۆژنامەنووسی
1-یەکەم بابەتی ڕۆژنامەنووسی لە ساڵی 1992 لە ڕۆژنامەی پەریستان بڵاو کردۆتەوەو دواتر لە گۆڤارو ڕۆژنامەکانی خەبات و کوردستانی نوێ و ڕێگای کوردستان و بەهرەو نەوەو نواڵەی نوێ و تاک و خازر و پاڵەو ئازادی و دەنگی ئەنفال و ژیار و هەنگ و ئاسۆی پەروەردەیی و هونەرستان و دیون و....هتد بابەتی شیعرو چیرۆک و هەمەجۆری بڵاوکردۆتەوە.
2-ساڵی 1992 تا 1993پەیامنێری ڕۆژنامەی پێشکەوتن بووە لە کۆیە.
3-ساڵی1993بووەتە پەیامنێری ڕۆژنامەی برایەتی لەتەق تەق و تا ساڵی1996 لەهەمان ڕۆژنامە بەردەوام بووە.
4-ساڵی 2003 تا 2005 بووەتە سەرنووسەری گۆڤاری زەنگ کە مانگانە دەردەچوو.
5-ساڵی2005 تا 2012 سەرنووسەری ڕۆژنامەی بەهرە بووە کە سەنتەری ڕۆشنبیری کەسنەزان دەریدەکرد.
رێکخراوەیی
1-ساڵی 2005 لەگەڵ چەند هاوڕێیەکی خۆی لەوانە کاک بەختیار ڕەشید محەمەدو فایەق محەمەد و محەمەد حەسەن و جێگر ڕشید سەنتەری ڕۆشنبیری کەسنەزانیان دامەزراندووەو تا ئێستا وەکو جێگری سەنتەر ئیش و کارەکانی دەکات.
2-ساڵی 2013 ڕێکخراوی مامۆکی بۆگەشەپێدانی مرۆیی دامەزراندووەو تا ئێستا سەرۆکی ڕێکخراوی ناوبراوە و ئەندامی دەستەی کارگێری ڕێکخراوی زەندە بۆ گەشەپێدانی مرۆیی.
3-ئەندامی کارای سەندیکاری ڕۆژنامەنووسانی کوردستان بووە
بواری نووسین
یەکەم کتێبی خۆی ساڵی 1990 لەتەمەنی 18ساڵی بەناوی (هاروون و بالوور لە چیڕۆکی کوردیدا) لە بەغدا چاپکردووە کە بەهۆی نەبوونی بێ پارەیی، دایکی گوارەی خۆی بۆ فرۆشتوە تا کتێبەکەی پێ چاپ بکات.
تا ئێستا چەندین کتێبی لە بوارە جۆراو جۆرەکان(شیعر –چیرۆک – فۆلکلۆر- منداڵان- ئایینی- هزری) بەچاپ گەیاندوە، هەندێ لەو کتێبانە:
1-خۆشەویستی فریشتەیەکی زانکۆ(کورتە ڕۆمان)تیراژ 1000دانە-2005-چاپخانەی منارە-هەولێر، لەسەر ئەرکی ئاشتی ڕۆژنامەنووس چاپکراوە
2-خۆشەویستی کچێک لەزانکۆ(رۆمان)تیراژ 1000دانە-2005-چاپخانەی چوارچرا- سلێمانی، لەبلاوکراوەکانی گۆڤاری نواڵەی نوێ.
3-زانکۆی مەرگ (شیعر – چیرۆک - پەخشان)-تیراژ 1000دانە-2007- چاپخانەی چوار چرا- سلێمانی، لە بلاوکراوەکانی بلاوگەی کامەران.
4-بەسەرهاتی سێ پیاوی پیرو خۆسووتانی کچێک(سەرگوزشتە)، تیراژ 1000دانە، 2008-چاپخانەی منارە، هەولێر. لە بڵاوکراوەکانی سەنتەری ڕۆشنبیری کەسنەزان
5-دوعای دایکێکی بێ نەوا(نۆڤلێت)، تیراژ 1000دانە، 2008، چاپخانەی منارە-هەولێر.
6-لە مەرگی کەژاڵ دەگەڕێم(رۆمان)-تیراژ 1000دانە، 2009، لەبلاوکراوەکانی خانەی ئاشتی- هەولێر.
7-چۆن دایک و باوکمان خۆشمانی دەوێ (چیرۆکی مندالان)-تیراژ1000دانە-چاپخانەی چوارچرا-سلێمانی لە بلاوکراوەکانی گۆڤاری نواڵەی نوێ
8-ئەفسانەکانی بەر ئاگردان مەشرەبخۆشی نەنکم (فۆلکلۆر)-تیراژ 1000دانە-2012- چاپخانەی بەڕێوەبەرایەتی چاپخانەی ڕۆشنبیری- هەولێر.
9-بەرەو قوتابخانە (چیرۆکی مندالان) تیراژ1000دانە، 2012 چاپخانەی شەهاب- هەولێر.
10-گولزاری ئاژەڵان (چیرۆکی مندالان)-تیراژ 1000دانە-2012- چاپخانەی موکریان- هەولێر.
11-چاوشارکێی فیلەکان (چیرۆکی مندالان)تیراژ 1000دانە-2012-چاپخانەی بەڕێوەبەرایەتی چاپخانەی ڕۆشنبیری.
12-بەسەرهاتی مشکێکی زیرەک (مندالان)-تیراژ 1000دانە-2013-چاپخانەی هێڤی –هەولێر.
13-کەڵەشێرو ڕێوی-10چیرۆکی هەڵبژاردە بۆ مندالان- تیراژ 5000دانە، سلێمانی-لە بلاوکراوەکانی کتێبخانەی بەختیاری.
14-بەها جوانەکان (چیرۆکی مندالان) تیراژ1000دانە-چاپخانەی شەهاب - هەولێر
15-لەزمانی ئەوەوە بۆمان دەگێڕنەوە (ئایینی)تیراژ1000دانە-2015-چاپخانەی هێڤی- هەولێر.
16-گۆڕان چیە بۆ لێی بترسین (هزر)تیراژ1000دانە-چاپخانەی هێڤی- هەولێر.
17-ببە هاوڕێی قورئان (ئایینی) تیراژ1000دانە – 2018-چاپخانەی ڕۆشنبیری- هەولێر.
18-جوانترین دوعا بۆ دین ودونیا-تیراژ1000دانە-2021-چاپخانەی هێڤی- هەولێر.
19-چۆن لە منداڵەکەت تێدەگەی و ڕەفتاری لەگەڵ دەکەیت نووسینی (پ.د. السید ابراهیم) وەرگێڕان.
جگە لە پێداچوونەوەو پێشەکی بۆ دەیەها کتێب و نامیلکە. [1]