خەندان- رەڤەند گوهەرزی
د ماوێ سالا 2013ێ، ل کومەلگەها دەروازێ نیڤدەولەتی ئیبراهیم خەلیل، 22 هزار و 241 تەن و 144 کیلۆ، ژ کەرەستەیێن جوراوجور هاتینە ژناڤبرن و زڤراندن بۆ ئەو جهێ کەرەستە ژێ هاتین.
نەجمەددین نێروەیی ، بەرپرسێ راگەهاندنا کومەلگەها دەروازێ نیڤدەولەتی ئیبراهیم خەلیل دیار کر : ل 01-01-2013ێ هەتا 31-12-2013ێ، ل کومەلگەها دەروازێ نیڤدەولەتی ئیبراهیم خەلیل، 22 هزار و 241 تەن و 144 کیلۆ یێن کەرەستەیێن کۆ کێر ب خوارن و بکارئینانێ نەهاتین و ل دیڤ رێنمایێن گومرکێ نەگونجاین، هاتینە ژناڤبرن و زڤراندن . بۆ ئەو جهێ کەرەستە ژێ هاتین.
نەجمەددین نێروەیی ، ئەو یەک ژی ئاشکەرا کر : ب شێوەیەکێ گشتی ، د ئەڤ سالەدا ئەو کەرەستەیێن هاتینە ژناڤبرن و زڤراندن، بەراورد دگەل سالا پار، رێژا 7.6% زێدەتر لێهاتیە، ئەوژی ل سالا 2012ێ بتنێ 16 هزار و 553 تەن و 369 کیلۆ هاتینە ژناڤبرن و زڤراندن.
ناڤبری گۆت ژی : پتریا وان کەرەستەیێن هاتینە ژناڤبرن و زڤراندن، کەرەستەیێن خوارن و ڤەخوارنێ بوون، کۆ ژ لایێ گەرەنتینا چاندنێ و بنگەهێ ساخلەمیێ هاتینە زڤراندن.
بەرپرسێ راگەهاندنا کومەلگەها دەروازێ نیڤدەولەتی ئیبراهیم خەلیل دیار کر کۆ ئەو کەرەستەیێن ل 2013ێ هاتینە ژناڤبرن و زڤراندن، ب ڤی رەنگی بووینە :
لیژنا ژناڤبرنێ رابووینە ب ژناڤبرنا : 1002 تەن و 50 کیلۆیێن کەرەستەیێن جوراوجور.
گەرەنتینا چاندنێ : 8 هزار و 756 تەن و 438 کیلۆیێن کەرەستەیان زڤراندینە.
گەرەنتینا ڤیتەرنەری : 1039 تەن و 859 کیلۆیێن کەرەستەیان زڤراندینە.
کونترۆلا جوری : 1734 تەن و 345 کیلۆیێن کەرەستەیان زڤراندینە.
تاقیگەها بیناسازی : 1498 تەن و 275 کیلۆیێن کەرەستەیان زڤرادینە.
بنگەهێ ساخلەمیێ : 8 هزار و 210تەن و 177 کیلۆیێن کەرەستەیان زڤراندینە، هەروەسا شیاینە 605 هزار و 941 لەترێن کەرەستەیان ژی ب زڤرینن.
- 01-01-2014