خەندان- رەڤەند گوهەرزی
ل دیڤ ئامارا نڤیسینگەها ئاکنجیبوون و پاسپورتا ئیبراهیم خەلیل، د ماوێ سالا 2013ێ دا، پتری 2 ملیون رێڤینگان ل کومەلگەها دەروازێ نیڤدەولەتی ئیبراهیم خەلیل هاتن و چوون کری یە بۆ وەلاتێ تورکیا و وەلاتێن دیتر.
نەجمەددین نێروەیی، بەرپرسێ راگەهاندنا کومەلگەها دەروازێ نیڤدەولەتی ئیبراهیم خەلیل بو خەندان دیارکر : د ماوێ سالا 2013ێ دا، ب رێیا کومەلگەها دەروازێ نیڤدەولەتی ئیبراهیم خەلیل، 2 ملیون و 151 هزار و 580 رێڤینگان هاتن و چوون کری یە، کۆ ژ وانا 1 ملیون و 181 هزار و 452 رێڤینگ هاتینە دناڤ هەرێما کوردستانێ و 970 هزار و 128 رێڤینگ ژی ژ هەرێما کوردستانێ بەرەڤ تورکیا و وەلاتێن دیتر چووینە.
بەرپرسێ راگەهاندنا کومەلگەها دەروازێ نیڤدەولەتی ئیبراهیم خەلیل ئەو ژی دیار کر : سەرجەمێ وان رێڤینگێن هاتینە دناڤ هەرێما کوردستانێ دا، 668 هزار و 771 رێڤینگ، هەلگرێن پاسپورتێن عراقی، 451 هزار و 46 رێڤینگ ژی هەلگرێن پاسپورتێن تورکی و 61 هزار و 635 رێڤینگ ژی هەلگرێن پاسپورتێن جورا و جور بووینە.
نەجمەددین نێروەیی ئاماژە ب وێ ئێکێ ژی کر : سەرجەم ئەو رێڤینگێن ل هەرێما کوردستانێ چووین 414 هزار و 895 رێڤینگ هەلگرێن پاسپورتا عراقی، 498 هزار و 860 رێڤینگ هەلگرێن پاسپورتێن تورکی و 56 هزار و 373 رێڤینگ ژی هەلگرێن پاسپورتێن جوراوجور بووینە.
بەرپرسێ راگەهاندنا کومەلگەها دەروازێ نیڤدەولەتی ئیبراهیم خەلیل گوت ژی : سەرجەمێ وان رێڤینگێن ل ئیبراهیم خەلیل هاتن و چوون کری، 1 ملیون و 83 هزار و 666 رێڤینگ هەلگرێن پاسپورتێن عیراقی بووینە و 1 ملیون 67 هزار و 914 رێڤینگ ژی هەلگرێن پاسپورتێن بیانی بووینە.
#08-01-2014#