دەزگایەک بۆ خزمەتی خوێنەرانی پەڕتووک، لەوێ نوێترین بڵاوکراوە دەستدەکەوێت.
جەمال عیرفان لەنێو هاوڕێی و هەڤاڵانیدا خاوەن کەسایەتییەکی کاریگەر و لەبیرنەکراو بووە، هەربۆیە لەلایەن بەڕێز دکتۆر تەها ڕەسوڵ وەک هاوڕێ و وەفایەک بۆ ئەم نووسەرە لە 14-02-2013 دەزگای ڕۆشنبیریی جەمال عیرفان دادەمەزرێنێت و لەلایەن وەزارەتی ڕۆشنبیرییەوە مۆڵەتی ڕەسمی پێ دەدرێت، ئەم دەزگایە لەسەرەتای درووست بوونییەوە تا ئێستا (2019) خاوەنی زیاتر لە 400 بڵاوکراوەی خۆیەتی لەسەرجەم بوارەکاندا و لەهۆڵی تایبەتی پەڕتووکخانەکەیدا ساڵانە چەندین کۆڕ و سیمیناری جۆراوجۆر سازدەکرێت.
دەزگای ڕۆشنبیریی جەمال عیرفان ناوەندێکی ڕۆشنبیریی گشتییە و ئامانجی تەنیا خزمەت گەیاندنە بە نووسەران و خوێنەران
ئەم دەزگایە پەڕتووکەکانی بە ناوی چوار کەسی دیاری کوردەوە چاپ دەکات بۆ ڕێزگرتن لەکار و خەبات و ماندووبوون و هەروەها زیندوو مانەوەی ناویان لەناو کورد و پەڕتووکخانەی کوردیدا.
1- سەرجەم پەڕتووکە هزری و فەلسەفییەکان بەناوی شەهید
ئارام دەردەچێت کە ( ناوەندی توژینەوە و هزری شەهید ئارام ) ە
2- هەرچی پەڕتووکی ئەدەبییە بەناوی نووسەری بەڕێز عەبدولڕەحمان زەبیحی دەردەچێت کە ( ناوەندی توێژینەوەی ئەدەبی عەبدولڕەحمان زەبیحی ) یە
3- سەرجەم پەڕتووکە مێژووییەکان بەناوی مامۆستای لەهزرا زیندوو
جەمیل ڕۆژبەیانی دەردەچێت کە ( ناوەندی توێژینەوەی مێژوویی جەمیل ڕۆژبەیان ) ە
4- سەرجەم ئەم پەڕتووکانە لەلایەن ناوەندی چاپ و بڵاوکردنەوەی ڕووباکبیریی کورد ( جەمال عیرفان ) چاپ و بڵاودەبێتەوە لەسەر ئەرکی دامەزرێنەر و بەڕێوەبەری گشتی بەڕێز ( د.تەها ڕەسووڵ )
بەپشتیوانی ئێوە و سەرنج و بۆچوون و ڕەخنەکانیشتان
پێکەوە لەم کاروانە ڕۆشگەرییەدا بەردەوام دەبین [1]