بەناوی خودای گەورە و میهرەبان
پشت بە خودای مەزن و ئیرادەی گەلەکەمان، هەرێمی کوردستان بەرەو هەڵبژاردنێکی دیکە دەچێت. جێگەی شانازییە دیموکراسی و هەڵبژاردن پێوەری ژیانی سیاسی گەلەکەمانە و ئەم هەڵبژاردنەیش هەنگاوێکی تری کوردستانە بۆ پتەوکردنی دیموکراسی و دەسەڵاتی گەل.
بۆ ئەوەی وێنەیەکی مەدەنی و سەردەمییانە پێشانی جیهانی دەورووبەرمان بدەین و متمانەی هاووڵاتیان بە پڕۆسەی سیاسی قووڵتر ببێت، داوا لە سەرجەم لایەن و قەوارە و پارتە سیاسییە بەشداربووەکانی پڕۆسەی هەڵبژاردنی ئەنجوومەنی نوێنەرانی عێراق و ئەنجوومەنی پارێزگاکانی هەرێم دەکەم کە هەوڵ بدەن بانگەشەی هەڵبژاردن لە کەشوهەوایەکی ئارام و ئاشتییانە و دوور لە توندوتیژی بەڕێوەبچێت و بانگەشەکان نەبنە هۆی تێکچوونی ئاسوودەیی هاووڵاتیان.
مسعود بارزانی
سەرۆکی هەرێمی کوردستان
03-04-2014
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 6,697 car hatiye dîtin