کوردیو هەڵەبجە حەیدەر حەمەصاڵح

لە میانەی کۆنفرانسێکی ڕۆژنامەنوسیدا قایمقامی ناوندی پارێزگای هەڵەبجە ئاماری ڕوبەری زەوی سوتاوی سنوری پارێزگای هەڵەبجە ئاشکرا دەکات کە 21.890دۆنمە لە ئەنجامی (24) بیست و چوار حاڵەتی ئاگر کەوتنەوە دا.

ئەرکان حەسەن قایمقامی ناوەندی پارێزگای هەڵەبجە لەمیانەی کۆنفرانسێکی ڕۆژنامە وانیدا ڕایگەیاند " ئاماری حاڵەتەکانی کەوتنەوەی ئاگر لەسنوری پارێزگای هەڵەبجەدا لەماوەی ساڵی 2013دا (24) بیست و چوار حاڵەتی جیاوازدا ڕویان داوە کەبەم شێوەیە : دارستانی سروشتی 9.890 دۆنم، پاوەن 11.674 دۆنم، گەنم 70 دۆنم، نەمامی یەک ساڵ 8 دۆنم، باخی دێم 48دۆنم،لەوەڕگا 300 دۆنمە کە کۆی گشتی ڕووبەری سوتاوی زەوی دەکاتە 21.990بیست و یەک هەزار و نۆصەد و نەوەد دۆنم لە (24)بیست و چوار حاڵەتی جیاوازدا ".

هەروەها ناوبراو ئەوەشی ڕاگەیاند کە حاڵەتەکان بریتین لە "(18) هەژدە حاڵەتی نەزانراو و (3)سێ حاڵەت بەهۆی شۆرتی کارەباوە بوەوە،(3)سێ حاڵەت بەهۆی تەقەکردنەوە لە سنورەکانی ئیرانەوە بۆ سنورەکانی هەڵەبجە بوە ئاگرەکان کەوتونەتەوە کە ڕوبەرێکی زۆری سوتاندووە ".

قایمقامی ناوەندی پارێزگای هەڵەبجە ئەوەشی ئاشکراکرد " بەتۆمەتی کردنەوەی ئەو ئاگرانە (10) کەس دەوستگیر کراون،پلانی(ساڵی 2014)شمان داناوە کە چەند خاڵێک لە خۆ دەگرێت".