سەعید محەمەد، موسڵ: بەرپرسی مەکتەبی ڕاگەیاندنی لقی 14ی پارتی دیموکراتی کوردستان لەموسڵ، سەعید مەموزینی بەئاوێنەنیوزی ڕاگەیاند "دوای ئەوەی لە 10ی حوزەیرانی 2014 گروپی چەکداری داعش شاری موسڵی کۆنترۆڵکردووە تائێستا زیاتر لە 96 کوردی شەبەک ڕفێراوە و 7 کەسیان کوژراوە.
وتیشی" لە گەڕەکە جیاوازەکانی شاری موسڵ ئەو کەسانە ڕفێنراو و کوژراون، بەلام لە ساڵی 2003 تاوەکو ئێستا نزیکەی 1400 کوردی شەبەک کوژراوە"
رۆژی 10 حوزەیران چەکدارانی دەوڵەتی ئیسلامی ناسراو بەداعش توانیان موسڵ و چەند ناوچەیەکی تر لەعێراق کۆنتڕۆڵ بکەن و بارودۆخی کوردەکانی ئەو ناوچانە لەمەترسیدایە.
- 09-07-2014