لە ماوەی دوو ڕۆژدا زیاتر لە (7) هەزار پەنابەری شەنگال چوونەتە ڕۆژئاوای کوردستان و لەم ڕێژەیەش (5) هەزار لە کەمپی نەورۆز لە گوندی باجریقی سەر بە شاری دێرک جێگیر کراون.
لەگەڵ زیادبوونی هاتنی پەنابەران لە دەروازەی سنووری تلکۆچەرەوە، لە ماوەی دوو ڕۆژدا زیاتر لە (7) هەزار پەنابەری شەنگال ڕوویان لە ڕۆژئاوای کوردستان کرد و لەم ڕێژەیەش (5) هەزاریان لە کەمپی پەنابەرانی نەورۆز لە گوندی باجریقی شاری دێرک جێگیر کراون. هاوڵاتیانی دێرکیش بە گوێرەی دەرفەتەکانیان هاوکاری پەنابەران دەکەن.
حسێن ڕەمەزان بەرێوەبەری ڕێکخراوی هاوکاری و گەشەپێدانی ڕۆژئاوای کوردستان ڕایگەیاند کە (5) هەزار پەنابەر لە کەمپی نەورۆز جێگیر کراون و هاوڵاتیانیش بە گوێرەی دەرفەتەکانیان هاوکاریان دەکەن. هاوکات بەرپرسانی کەمپەکە (300) خێوەتیان بۆ ئه و پەنابەرانە وەرگرتوە و بانگەوازیان لە دامودەزگا و ڕێخکراوە نێونەتەوەییەکان کرد کە هاوکاری پەنابەرانی شەنگال بکەن.
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 5,003 mal angesehen