جەماوەری تێکۆشەری کوردستان...
کەس و کارو بنەماڵەی سەربەرزی شەهیدان...
ئێمە حزب و لایەنە سیاسییەکانی هەر چوار پارچەی کوردستان لەدرێژەی دیدار و کۆبوونەوەکانماندا، لە بارەگای مەڵبەندی 3 ی یەکێتیی نیشتمانیی کوردستان لە شاری هەولێر کۆبووینەوە، لە کۆبوونەوەکەدا سەبارەت بەکاروچالاکی ماوەی ڕابردوو گفتوگۆکرا، کارو چالاکییەکان بە ئیجابی هەڵسەنگێنران و کارنامەیەکی نوێیش بۆ کارو خەباتی داهاتوو داڕێژرا.
کۆبوونەوەکە جارێکی دیکە خەبات و بەرخۆدانی شەڕڤانان و پێشمەرگە بەرز دەنرخێنێت و خۆشحاڵە بە پێشەوەچوونەکان گۆڕەپانەکانی شەڕ لە باشووری کوردستان و کۆبانی و ڕۆژئاوای کوردستان و سوپاسگوزاری خۆیشی بە هێزەکانی هاوپەیمانان ڕادەگەیەنێت کەوا بنکەو بارەگاکانی گروپە چەتەکانی دەوڵەتی ئیسلامی ئێراق و بیلادی شام(داعش) لە کوبانێ بۆردومان کرد، ئەوەش بووە هۆی گۆڕینی هاوکێشەی شەڕ لە کۆبانێ.
دەستخۆشی لە تەواوی گەلی کوردستان لە هەرچوار پارچەی وڵات و ڕەوەندی کورد لە دەرەوەی وڵات دەکەین کەوا بە چالاکی جۆاوجۆر و خۆپیشاندان چەتە تیرۆریستەکانی داعشیان شەرمەزارکرد و مۆراڵی پێشمەرگەو گەریلا و شەرڤانانیان بەرزکردەوە، ئەم یەکدەنگییەی گەل لە سەرتاسەری کوردستان دەریدەخات ئێمە یەک دڵ و یەک جەستەین و چارەنووسمان یەکە.
بەشدارانی کۆبوونەوە دەستپێشخەری مەسعود بارزانی سەرۆکی هەرێمی کوردستان بۆ لێکنزیکردنەوەو ڕێککەوتنی لایەنەکانی ڕۆژئاوا بەرز دەنرخێنن و داوا لە تەڤدەم و ئەنجومەنی نیشتمانی کورد لە سوریا دەکات کەوا ململانێی حزبییەکانیان بخەنە لاوەو بگەنە ڕێکەوتنێک لەنێوان خۆیاندا، لەبەرئەوەی یەکڕیزی و یەکدەنگی ئەوان دەبێتە فاکتەری بەهێزی پێشوەچوون و سەرکەوتنی شۆڕشی ڕۆژئاوای کوردستان.
هەروەها کۆبوونەوە دەستخۆشی لە پەرلەمانی هەرێمی باشووری کوردستان دەکات بۆ ئەو بڕیارەی داویانە سەبارەت بەرەسمی مامەڵەکردن لەگەڵ خواستی خوشک و برایانمان لە ڕۆژئاوای کوردستان کە ئەوە یەکێک بووە لە داخوازییەکانی ئێمەی لایەنە سیاسییەکان کە لە کۆبوونەوەی خۆماندا لە 29-9-2014 داوامان کردبوو هەرسێ سەرۆکایەتی کوردستان مامەڵەی ڕەسمی لەگەڵ ڕۆژئاوای کوردستان بکەن، بۆئەمەش داوا لە حکومەتی هەرێمی باشووری کوردستان دەکەین ڕێکاری پێویست بگرێتەبەر بۆ جێبەجێکردنی ئەم بڕیارە.
وڵات پارێزانی کوردستان...
ئێمە لەپێناو یەکڕیزی و یەکدەنگی گەلی کوردستان لە کار و خەباتی خۆماندا بەردەوام دەبین و داوا لەهەموو لایەک دەکەین هاوکار و پشتیوانمان بن بۆ هێنانەدی یەکێتی و یەکدەنگی، لەو پێناوەشدا داوا دەکەین لیژنەی ئامادەکاری کۆنگرەی نەتەوەیی دەست بەکارەکانیان بکەنەوە بۆ ئەوەی بەزووترین کات کۆنگرەی نەتەوەیی وەکو چەترێکی هاوبەش بۆ هەموو لایەنەکان ببەسترێت.
ئێمە لە کارو چالاکی داهاتووماندا بڕیارمانداوە کەوا سندوقێکی کۆمەک بۆ پشتیوانی ڕۆژئاوای کوردستان دابنێین، بۆ ئەم مەبەستە داوا لە جەماوەری کوردستان دەکەین لەکاتی دانانی سندوقەکەدا بە هانای خوشک و برایانمانەوە بێن و کۆمەکی سندوقەکەمان بکەن، ئەمەش ئەرکێکی نەتەوەیی و نیشتمانی و مرۆیی هەموو لایەکمانە.
لەگەڵ ڕێزماندا...
لایەنە سیاسییەکان:
1- یەکگرتووی ئیسلامی کوردستان
2- حزبی شیوعی کوردستان
3- یەکێتیی نیشتمانیی کوردستان
4- بزوتنەوەی گۆڕان
5- یەکێتی نەتەوەیی دیموکراتی کوردستان YNDK
6- بزووتنەوەی دیموکراتی گەلی کوردستان
7- حزبی زەحمەتکێشانی کوردستان
8- حزبی ئایندەی کوردستان
9- بزوتنەوەی ئیسلامی کوردستان
10- پارتی کرێکاران و ڕەنجدەرانی کوردستان
11- کۆمەڵەی زەحمەتکێشانی کوردستان
12- پارتی ئازادی کوردستان PAK
13- بزووتنەوەی دیموکراتی گەلی تورکمان
14- سازمانی خەباتی کوردستانی ئێران
15- حزبی شروقی تورکمانی
16- حزبی دیموکراتی بێت نەهرێن
17- حزبی ڕزگاری کوردستان RPK
18- پارتی یەکێتی دیموکراتی PYD
19- پارتی پارێزگارانی دیموکراتی کوردستان
20- پارتی ئاشتی و دیموکراتی BDP
21- کۆمەڵە (رێکخراوی کوردستانی حزبی کۆمۆنیستی ئێران)
22- پارتی گەلی تورکمانی عێراق
23- پارتی دیموکراتی تورکمانی کوردستان
24- پارتی ڕزگاری نەتەوەیی تورکمان
25- پارتی چارەسەری دیموکراتی کوردستان PCDK
26- پارتی نەتەوەیی کوردستان
27- حزبی پێشکەوتنخوازی دیموکراتی کوردستان
28- بزووتنەوەی ئاشتیخوازانی کوردستان
29- بزووتنەوەی گۆڕانی دیموکراتی کوردستان _ سوریا
30- پارتی پارێزگارانی کوردستان
31- کۆنگرەی نیشتمانی کوردستان KNC
32- پارتی سەربەستی کوردستان
33- کۆمەڵی ئیسلامی کوردستان
34- کۆنگرەی نەتەوەیی کوردستان KNK
35- پارتی دیموکراتی کوردستان
36- حزبی دیموکراتی کوردستان
37- کۆما جڤاکێن کوردستان KCK
38- حزبی سۆسیالیست دیموکراتی کوردستان
39- بزووتنەوەی ڕزگاری دیموکراتی کوردستان
40- پارتی کۆماری کوردستان
41- کۆمەڵەی ڕۆشنبیری تورکمان لە کوردستان
42- حزبی تورکمان ئیلی
43- بزووتنەوەی تورکمانی بێلایەن