بەهۆی شیری بەسەرچووەوە لە خوێندنگایەکی خۆرهەڵاتی کوردستان 18 خوێندکار نەخۆش کەوتن و ڕەوانەی نەخۆشخانە کراون.
بەپێی هەواڵێکی ئاژانسی هەواڵی کوردپا، بەهۆی شیری بەسەرچووەوە، لە شاری کرماشانی خۆرهەڵاتی کوردستان، 18 خوێندکار نەخۆش کەوتوون و ڕەوانەی نەخۆشخانە کراون.
ئه و خوێندکارانەی تووشی نەخۆشیەکە بوون لە قوتابخانەی "مطهری"ی شارۆچکەی (سەنقوروکولیالی) سەر بە پارێزگای کرماشان بوون، خوێندکارەکانیش توشی ئازاری دڵ و ڕشانەوە بوون.
بەڕێوەبەرایەتی پەروەدەی شارۆچکەکەش، ڕەتیکردووەتەوە خوێندکارانی خوێندنگاکە بەهۆی خواردنی شیرەوە نەخۆش کەوتبێتن و ڕایگەیاندووە " ئه و خوێندکارانە تووشی ئازاری دڵ بوون."
بەپێی زانیاریەکانی ئاژانسەکەش، پشکنین بۆ شیری خوێندنگاکە کراوه و 459 کارتون شیر لە خوێندنگاکەدا دەستی بەسەردا گیراوە.
پێشتریش حەوت خوێندکاری شارۆچکەی (سەنقوروکولیالی) سەر بە پارێزگای کرماشان بەهۆی خواردنی شیری خراپەوە نەخۆش کەتبوون.
- 10-03-2015