رەڤەند گوهەرزی
بەرپرسی ڕاگەهاندن لە بەرێوەبەرایەتی پۆلیسی پارێزگای دهۆک ڕایدەگەیێنێت، ئەو پیلانەی بۆ ڕۆژنی نەورۆز دامانابوو 100% سەرکەوتووبووە و هیچ ڕووداوێکی نەخوازراویش ڕوویانەدا.
رائید هێمن سلێمان، بەرپرسی ڕاگەهاندن لە بەرێوەبەرایەتی پۆلیسی پارێزگای دهۆک تایبەت بە خەندانی ڕاگەیاند : " ئەو بەرنامە و پیلانەی بۆ ڕۆژانی نەورۆز ئامادەکرابوو جێبەجێکراو هەمۆ بەشەکانی سەر بە بەرێوەبەرایەتیەکەمان لەگەڵ هێزە ئەمنیەکان بە شدار بوون ".
وتیشی : " دوای تەواو پشووی جەژنی نەورۆز هیچ کێشە و ڕووداوێکی نەخوازراو لە دهۆک و دەورووبەری ڕووینەدا و ئەمەش جێی دڵخۆشیە و پیلانەکەمان 100% سەرکەوتوو بووە ".
رائید هێمن سلێمان، ئەوشی خستەروو : " سەرکەوتنی پیلانەکەمان بۆ ئەوە دەگەرێتەوە کە هێزە ئەمنیەکان و خەڵکی پارێزگای دهۆک پێکەوە هاوکار و پشتیوان بوون ".
بەرپرسی ڕاگەهاندن لە بەرێوەبەرایەتی پۆلیسی پارێزگای دهۆک، ئاماژە بەوەشکرد : " تەنیا لە ڕۆژی یەکەمی جەژنی نەورۆز دوو ڕووداوی سووک لە یاری ئاگرین توومارکران ".
وتيشی : "لەگەڵ برا پێشمەرگەکانمان هاوسەنگەر دەبین بۆ پاراستنی دهۆک لە هەر جۆرە تاوانێک ".
- 24-03-2015