ئەنجومەنی ئاسایشی هەرێمی کوردستان، دەنگۆی کوژرانی ئەو کەسەی پشتڕاست کردەوە کە هوجام سورچی شەهید کرد
راگەیاندراوێک لە ئەنجومەنی ئاسایشی هەرێمی کوردستانەوە
ئەنجومەنی ئاسایشی هەرێمی کوردستان پشتڕاستی دەکاتەوە کە شەوی ڕابردوو، کاتژمێر 8:45 خولەکی شەو، لە گەڕەکی قاهیرەی شاری موسڵ، تیرۆریست (موفق اسعد اسکندر) کوژرا و دوو لە هاوکارەکانیشی بە سەختی بریندار کران.
جێگەی ئاماژەپێدانە، تیرۆریست (موفق اسعد اسکندر) سەرەڕای ئەنجامدانی چەند کارێکی تیرۆریستی، لە ڕێکەوتی 25-01-2015 لە شاری موسڵ، ئەفسەرێکی پێشمەرگەی بە ناوی (هوجام سورچی) بەشێوەیەکی دڕندانە شەهید کردبوو.
ئەنجومەنی ئاسایشی هەرێمی کوردستان
03-04-2015