بەمەبەستی ڕێکخستنی تاتۆکردن لەسەنتەرەکانی جوانکاری لە هەرێمی کوردستان و چاودێریکردن بە گوێرەی ڕێنمایی و مەرجی تەندروست لەپێناو پاراستنی تەندروستی هاوڵاتیان، مۆڵەتی تاتۆکردن تەنها دوای جێبەجێکردنی ئەم ڕێنماییانەی خوارەوە دەدرێت بەسەنتەرەکانی جوانکاریی، کە تیایدا هاتووە پێویستە زانیاری پێشوەخت دەربارەی تاتۆو زیانەکانی بدرێت بەوکەسەی داوای تاتۆکردن دەکات و واژوبکات لەسەر فۆڕمی تایبەت بەتاتوکردن وە تەمەنی لەسەروی 18 ساڵیەوە بێت هەروەها پێویستە شوێنی تاتۆکردن سەرجەم مەرجەکانی پاکوخاوینی و تەندروستی تێدابێت و ئەو کەسەی کاری تاتۆ دەکات پێویستە خولی هۆشیاری تەندروستی و فریاگوزاری سەرەتایی تەندروستی ببینێت و خاوەنی بڕوانامەی کاری تاتۆکردن بێت.
ئەمەی خوارەوەش ڕێنمایی تایبەت بە تاتۆکردنە:
رێنمایەکانی تاتۆکردن:
1- نابێت تاتۆ بۆ خوار تەمەنی 18 ساڵی بکرێت.
2- تاتۆکردن پێویستە تەنها لە سەنتەرەکانی جوانکاری ئەنجام بدرێت.
3- پێویستە شوێنی تاتۆکردن مەرجەکانی پاکوخاوێنی و بوونی دەستشۆرو ئاوەڕۆی گونجاو وە ڕووناکی پێویستی تێدابێت وە هەواگۆڕکەری گونجاوی تێدابێت.
دەبێت ژوورەکە کرداری هەواگۆڕکەی کارکەری هەبێت وە دەبێت هەوایەکی سروشتی باشی ببێت.
ڕووی زەوی و دیواری ئەو شوێنەی کە کاری تێدا دەکرێت پێویستە کاشی، مەڕمەڕ، سیرامیک بێت تا ئاسان بێت بۆ پاکردنەوە.
دەبێت بەرزی سەقفی خانوەکە کەمتر نەبێت لە 2،5 مەترو دەبێت ڕووبەری شوێنی کارکردن بە لایەنی کەم 12 مەتر دووجابێت بۆ یەک کورسی.
دەبێت پلەی گەرمی ژوورەکە(c 20-24) بێت.
دەبێت دەستشۆرگە ئاوی گەرم و ساردی هەبێت، دەبێت سابوونی شلی پێ شۆردن و خاولی سەفەری لە ژووری چارەسەرکردن هەبێت.
دەبێت ژمارەیەکی گونجاو تەوالێت هەبێت و دەبێت دەستشۆر و سابوونی شلی پێ شۆردن و خاولی سەفەری تێدا ئامادەکراو بێت.
ئەگەر سەنتەر زیاتر لە چوار جێگای چارەسەرکردنی هەبوو دەبێت توالێت کارماندەکانیان جیابکرێتەوە لە توالێتی ئەو کەسانەی بۆ تاتۆکردن سەردانی دەکەن.
دەبێت دۆڵابکی باشی هەبێت بۆ هەڵگرتنی پێداویستیەکان، ئامێرەکان، جل شۆرگە پیسی هاوشێوەی، خاوێنکەر کە بەرهەمەکان خاوێن دەکات دەبێت هەڵبگیرێت لە شوێنێکی وشک بێت وە تەپوتۆزاوی نەبێت.
دەبێت کۆگایەکی باش دابین بکرێت بۆ جلوبەرگی کارکردن و جلوبەرگی تایبەتی.
دەبێت ڕووبەڕێکی پاککردنەوە هەبێت کە گەرماو تێدا بێت بەبوونی ئاوی سارد و گەرم بۆ هەر حالەتێکی نەخوازراوی بەپەلە.
پێویست دەکات ژوورێکی جیاکراوە هەبێت لە سەنتەرەکە بۆ پاککردنەوەی ئامێرەکان وە توالیت جیاکراوە بۆ بەکارهێنانی.
شوێنی پێشوازیکردنی ئەو کەسانە بۆ تاتۆکردن سەردانی ئەم شوێنە دەکەین جیاکرابێتەوە لەو شوێنەی کارەکەی تێدا ئەنجامدەدرێت واتە (شوێنی چارەسەرکردنیان) بە هەرجۆرێک بێت.
4- خاوەن و ئەو کارمەندانەی کە لە شوێنەکە کار دەکەن پێویستە بڕوانامەی تەندروستیان هەبێت کە دەیسەلمێنێت هیچ نەخۆشیەکی گوازراوەیان نییە بە تایبەتی هەوکردنی ڤایرۆسی جگەر جۆری B،C،ئایدز، هەروەها پێویستە کوتانی پێویستی ئەنجام دابێت.
5- پێویستە ئەو کەسەی کە کرداری تاتۆ ئەنجام دەدات بڕونامەی پسپۆری و شارەزابوونی هەبێت لە سەنتەرێکی باوڕپێکراوی جیهانی وە بڕوانامەکەی لە وەزارەتی تەندروستی پشتراست کرابێتەوە.
6- تاتۆکردن پێویستە تەنها بە ڕێگەی ئامێری تایبەت ئەنجام بدرێت وە ئەو دەرزی و کەرەستانەی کە بەکاردەهێنرێت پێویستە بۆ یەک جار بێت(Disposable) بێت.
7- پێویستە ئامێری پاکژکەرەوە Autoclave لەگەڵ جۆرەکانی تری پاکژکەرەوەی هەبێت بۆ پاکژکردنەوەی ئەو کەلوپەلانەی کە Disposable نین.
8- پێویستە ئەو کەسەی کرداری تاتۆکردن ئەنجام دەدات پێش ئەنجامدانی پڕۆسەکە:.
• دەستی بە ئاو و سابون بشوات.
• دەستکێشی تازەو بەروانکە بەکاربهێنێت.
• بۆ هەر کردارێک دەست کێشی تازە بەکار بهێنێت.
9- پێویستە کەسەکە بڕوانامەی بەشداربوونی هەبێت لە خولی فریاکەوتنی خێرا و هۆشیاری دەربارەی نەخۆشە گوزراوەکان لە ڕێگای خوێنەوە.
10- ئەو ڕەنگانەی کە بۆ تاتۆکردن بەکاری دەهێنرێن پێویستە لەو جۆرانەبن کە ڕێگە پێدراون و بڕوانامەی کوالیتی کۆنتڕۆڵیان هەبێت.
11- پێویستە لە دوای هەر کردارێکی تاتۆکردن ئەو کەلوپەلانەی کە (Disposable) نین پێویستە بە ئۆتۆکلەێف پاکژبکرێنەوە پێش ئەوەی بۆ کەسی دووەم تاتۆکردن ئەنجام بدرێت.
12- پێویستە ڕێنمایی تایبەت بە شێوەی نوسراو پێش ئەنجامدانی تاتۆکە بدرێت بەو کەسەی تاتۆی بۆ ئەنجام دەدرێت ئەمەش لە هاوپێچدا ئاماژەمان پێ کردوە.
13- پێویستە فۆرمی تایبەت بە ویستی ئەنجامدەرانی تاتۆ لە لایەن داواکار پڕبکرێتەوە.