خەندان - ڕەهێل سەمەد
بەڕێوەبەری کاروباری ئێزدییەکان لە وەزارەتی ئەوقاف و کاروباری ئاینی حکومەتی هەرێم ڕایدەگەیەنێت، لەماوەی ڕابردوودا ژمارەی ئه و ئێزدیانەی لە دەست چەکدارانی داعش ڕزگاریان بووە زیادیکردوە، ئەوەشی بۆ شپڕزەیی و بێ هێزی ئه و چەکدارانە گەڕاندوە.
خەیری بۆزانی، بەڕێوەبەری کاروباری ئێزدییەکان لە وەزارەتی ئەوقاف و کاروبای ئاینی حکومەتی هەرێم بە خەندنی ڕاگەیاند: "بەهۆی ئه و شکستەی توشی هاتوون لە ئێستا چەکدارانی داعش وەکو جاران ناتوانن کۆنتڕۆڵی ئه و کەسانە بکەن کە لەلایەن بەندکراون بۆیە ڕۆژانە ژمارەیەکیان ڕزگاریان دەبێت لەوانەش کوردانی ئێزدین".
وتیشی: "جگە لەوەی ڕێکخراوی تیرۆریستی داعش توانای کۆنترۆڵکردنیان نەماوە، ئەوان وەک ئێزدییەکان هەماهەنگیان لەگەڵ خەڵکی ئه و ناوچانە هەیە کە کوردە ئێزدییەکانیان تێدا بەندکراوە، بۆیە لەماوەی ڕابردوودا لە کۆی نزیکەی چوار هەزارو 500 کەس، زیاتر لە هەزارو 500 کەس ڕزگاریان بووە".
بەڕێوەبەری کاروباری ئێزدییەکان ئاماژەی بەوەشکرد: "بەگوێرەی زانیارییەکان بەشێکی زۆر له و ئێزدییانەی لە دەست چەکدارانی داعش-دان بەهۆی لاوزای و شپرزەیی ئه و ڕێکخراوە تیرۆریستییەوە ڕەوانەی سوریا کراون و لە عیراق نەماون، بەڵام بەردەوام دەبین لەهەوڵەکانمان بۆ ڕزگارکردنیان".
- 23-04-2015
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 4,019 car hatiye dîtin
Raya xwe li ser vî babetî binivîsin!