ناو: فەتاح
نازناو: فەتاح ئەمیری
ساڵی لەدایکبوون: 1946
شوێنی لەدایکبوون: گوندی #مەنیچێر#ی شاری #بۆکان#
$ژیاننامە$
فەتاح ئەمیری، ڕۆماننووسی هەڵکەوتووی کوردە، ساڵی 1946 لە ئاوایی مەنیچێر سەربە شاری بۆکان لە دایک بووە. خوێندنی سەرەتایی لە شاری #مەھاباد# درێژە پێداوە و دواتر لە ئیدارەی کارەبای شاری بۆکان دامەزراوە. لە سەردەمی پاڵەویدا، ساڵی 1975 بەھۆی چالاکیی سیاسییەوە دەستگیر دەکرێ و تا ساڵی 1978 لە زیندان دەبێ. ئێستا لە شاری بۆکان دەژی. شارەزایی و زاڵ بوونی ئەمیری بە سەر زمانی کوردی و بە زاراوەی موکریانیدا بووەتە ھۆی ئەوەی کە ڕۆمانەکانی ببنە سەرچاوەیەکی زیندووی پەند و ئیدیۆم و دەستەواژە و وشەی ڕەسەنی کوردی. ساڵی 1993 لە یەکەم ھەڵبژاردنی ئەنجوومەنی ئەدەبیی بۆکاندا وەک یەکێک لە حەوت بەڕێوەبەری ئەو ڕێکخراوەیە ھەڵبژێردرا. بەرهەمەکانی بریتین لە:
ھاوارە بەرە (ڕۆمان) 1990
میرزا (ڕۆمان - بەشی دووھەمی ھاوارە بەرە) 1993
زیندەخەو (ڕۆمان) 2003
[1]