🏠|📧|دەربارە!|پەڕتووکخانە|📅
🏠 دەستپێک|📧 پەیوەندی|💡 دەربارە!
|
📅 ئەمڕۆ 10-04 لە مێژوودا
📅کڕۆنۆلۆژیای رووداوەکان
📅 رۆژەکان
📆10-04-2020
📆09-04-2020
📆08-04-2020
📆07-04-2020
📆06-04-2020
📆05-04-2020
📆04-04-2020
📂 زۆرتر ...
📅10 April
📝 بەڵگەنامەکان
📊 ئامار و راپرسی
✌️ شەهیدان
💚 ئەنفالکراوان
☪ قوربانیی شەڕی دەوڵەتی ئیسلامی - داعش
😞 قوربانیی شەڕی ناوخۆ
👩 قوربانیی توندوتیژی
📅 رۆژی لەدایکبوون
📅 رۆژی کۆچی دوایی
|💳 کۆمەکیارمەتیمان بدە بۆ پێکهێنانی کوردیپێدیایەکی باشتر. تەنانەت کۆمەکێکی بچووکیش دەبێتە یارمەتیدەرمان.
یارمەتیی ئێوەمان دەوێت بۆ:
* بەدەستهێنانی تەکنەلۆجیای باشتر و خێراتر...
* دانانی ئۆفیسێک بۆ رێکخراوی کوردیپێدیا لە باشووری کوردستان.
* دامەزراندنی چەند کارمەندی تایبەت بەخۆیەوە، تا بەردەوام ناوەڕۆکی کوردیپێدیا باشتر بکرێت.
|📕 پەڕتووکخانەگەورەترین و پۆلێنکراوترین پەڕتووکخانەی دیجیتاڵی کوردی! - (10,795) پەڕتووک||
📅 08-04-2020
باکووری کوردستان
- لە ناوچەی پاسووری ئامەد لەکاتی تێپەڕبوونی ئۆتۆمبێڵێدا تەقینەوەیەک روویدا و بە پێی زانیاریەکان 5 کەس گیانیان لەدەستداوە.[1]
رۆژهەڵاتی کوردستان
- لە ماوەی دوو رۆژی رابردوودا، 19 زیندانی لە زیندانی ناوەندیی ورمێ، بۆ ئەنجامی تاقیکاریی کۆرۆنا ڕەوانەی نەخۆشخانەی دەرەوەی زیندان کراون.[7]
- تەرمی کۆڵبەرێکی کورد بە ناوی عەسکەر محەممەدی خەڵکی گوندی نەبی کەندیی بەخشی ناوەندیی چاڵدێران لە بەرزاییەکانی ئەو شارەدا دۆزرایەوە. بە وتەی سەرچاوەیەکی ئاگادار، ئەو کۆڵبەرە کوردە چوار ڕۆژ لە بەر
📅 08-04-2020
🏷️ پۆل: رێکەوت و رووداو (کڕۆنۆلۆژیا)
شێوازی نوێی دابەشکردنی مووچە لە هەڵەبجە
کلیک بکە بۆ زانیاریی زۆرتر و وێنەی گەورەتر!
👫 سەلام مەنمی
ساڵی 1937 لەشاری سلێمانی لەدایکبووە
لەساڵی 1960 کۆلیژی شەریعەی لەبەغداد تەواو کردوە
زیاتر لە 22 ساڵ مامۆستا بووە دواتر بووە بە سەرپەرشتیاری پەروەردەی سلێمانی.
لە هەفتاکانی سەدەی بیستەوە دەستی بە کاری نووسین کردووە.
لە 09-04-2015 کۆچی دوایی کردووە.
👫 سەلام مەنمی
🏷️ پۆل: کەسایەتییەکان
سەلام مەنمی
کلیک بکە بۆ زانیاریی زۆرتر و وێنەی گەورەتر!
👫 پیت مویلەر - Piet Muller
ساڵی 1973 بۆ یەکەمجار پیت مویلەر و هاوڕێکەی لیا فیسەر ئەو کاتەی کە خوێندکار بوون، بە بەرگی دیدەوانیەوە لە رێگەی کوردستانی باکوورەوە گەشتی کوردستانی باشوریان کرد و لە نزیکەوە توانیان کورد بناسن و تێکەڵاوی شۆڕشی کورد بوون، چونە حاجی هۆمەران، ئەم گەشتەیان وای لێکردن و کوردیان خۆشبوێت، لە پاش رێکەوتننامەی جەزائیر لە نێوان (شای ئێران و سەدام حوسەین)دا لە ئازاری 1975دا کە شکست بە شۆڕشی کورد هێنرا، پیت مویلەر و هاوڕێکانی یارمەتیەکی زۆری ئەو کوردانەیان دا، کە وەک دەستەی یەکەمی پەنابەرانی کورد روویان لە
👫 پیت مویلەر - Piet Muller
🏷️ پۆل: کەسایەتییەکان
پیت مویلەر - Piet Muller
کلیک بکە بۆ زانیاریی زۆرتر و وێنەی گەورەتر!
👫 سولەیمان چیرە - س. چ. هێرش
ساڵی 1951 لەشاری مەهاباد لەدایکبووە. ساڵی 1968 دیپلۆمی ئەدەبی وەرگرتووە. پاشان لەڕِشتەی جوگرافیای ئابووری لەزانکۆی تەورێز درێژەی بەخوێندن داوە و لەساڵی 1974 پلەی لینسانسی لەو رشتەیەشدا وەرگرتووە. مامۆستایەتی کردووە و چەندین جار بەتاوانی چالاکیی سیاسی دەستگیر و ئەشکەنجە کراوە و دراوە. ساڵی 1987 بەناچار رووی کردۆتە هەندەران و دوای دوو ساڵ مانەوە لە ئازەربایجانی سەروو، باکۆ، لەساڵی 1989وە لەوڵاتی سوێدە. ماوەی دەساڵ بەڕێکوپێکی گۆڤاری گزینگی دەرکردووە و چەندین بەرهەمی چاپکراوی ئەدەبی هەن.
👫 سولەیمان چیرە - س. چ. هێرش
🏷️ پۆل: کەسایەتییەکان
سولەیمان چیرە - س. چ. هێرش
کلیک بکە بۆ زانیاریی زۆرتر و وێنەی گەورەتر!
بەردەوام دەستەکانم دەشۆم؛ تا بتوانم تێکەڵی کەس نابم و لە ماڵەوە دەمێنمەوە؛ دەمامک و دەستەوانە بەکاردێنم.. ئەمە بۆ خۆم و بۆ پارێزگاریی خۆشەویستانم دەکەم..
📊 بابەت 372,238 | وێنە 58,222 | پەڕتووک PDF 10,795 | فایلی پەیوەندیدار 40,350 | 📼 ڤیدیۆ 165 | 🗄 سەرچاوەکان 14,083 |
📝 حکومەتی هەرێمی کوردستان: پێشنیازەکەی عەبادی قبوڵ دەکەین | 🏷️ پۆل: بەڵگەنامەکان | زمانی بابەت: 🏳️ کوردیی ناوەڕاست
✍️
حکومەتی هەرێمی کوردستان: پێشنیازەکەی عەبادی قبوڵ دەکەین
📝 بەڵگەنامەکان

بەشێوەیەک کە چاوەڕوان نەدەکرا، بەڕێز د. حەیدەر عەبادی سەرۆکوەزیرانی حکومەتی عیراقی فیدراڵ لەمیانەی بەرنامەی (چاوپێکەوتنی تایبەتی)دا لە کەناڵی تەلەڤزیۆنیی (ئەلعراقیە) لە ڕێکەوتی 15ی شوباتی 2016، چەند بابەت و پێشنیارێکی خستۆتەڕوو.
سەرەتا مایەی ئەوپەڕی داخ و نیگەرانییە کە بەڕێزیان بەبێ بەڵگە و لەسەر تەلەڤزیۆن، بێباکانە و نابەرپرسانە تانە لە هێزی پێشمەرگەی قارەمانی کوردستان دەدات، لە کاتێکدا رۆژانە قوربانی دەدات و شەهید دەبێت و لە شکاندنی تیرۆرستاندا هەموو دنیا شایەتیی ئازایەتی و قارەمانیەتی بۆ دەدات!.
جێی ئەوپەڕی پرسیار و سەرسوڕمانێکی زۆرە‌ کە بەڕێزیان لە چاوپێکەوتنی تەلەڤزیۆنیدا پێشنیاری چارەسەری ناکۆکییەکان دەخاتەڕوو، لەکاتێکدا دەکرا وەک پیاوی دەوڵەت و عورفی دەوڵەتداری، ئەو پرسانە لە کەناڵ و کۆبوونەوە فەرمییەکان بخاتەڕوو، بەتایبەتیش کە ماوەیەک پێش ئێستا وەفدێکی باڵای هەرێم بە فەرمی سەردانی بەڕێزیانی لە بەغدا کرد.
لەم راگەیێندراوەدا، وەڵامی پرسیار و پێشنیازەکانی بەڕێز سەرۆکوەزیرانی عێراقی فیدراڵ دەدەینەوە کە پێمانوایە لە موزایەدەکی سیاسیی هەرزان زیاتر نییە و بە تەحەداوە پێشنیازەکەی سەبارەت بە دابینکردنی تەواوی مووچەی فەرمانبەرانی هەرێمی کوردستان بەرامبەر بە رادەستکردنی تەواوی نەوتی بەرهەمهاتووی هەرێمی کوردستان قبوڵ دەکەین.
1- بەڕێزیان لەمیانەی قسەکانیاندا ئاماژە بەوە دەدات کە سەرۆکوەزیرانی هەموو عیراقە و گوایە خۆی بە بەرپرسیار دەزانێت لە بەرامبەر هەموو عیراقییەکان بە هاووڵاتیانی کوردستانیشەوە، لە کاتێکدا لە ساڵی 2005ەوە تا ئێستا هیچ ساڵێک هەرێمی کوردستان بەشە بودجەی لە 17%ی خۆی وەرنەگرتووە و لە باشترین حاڵەتدا لە ڕێژەی 11.4% تێپەڕ نەبووە، تا کار گەیشتە بڕینی تەواوی بەشە بودجەی هەرێم لە شوباتی ساڵی 2014 کە تا ئێستا بەردەوامە، ئەمە جگە لەوەی تا ئێستا تەنها یەک دیناریش بۆ پێشمەرگە خەرج نەکراوە، کە کۆی گشتیی شایستە داراییەکانی پێشمەرگە لە ساڵی 2007ەوە تاوەکو کۆتاییی ساڵی 2015، (11‌ ترلیۆن و 513‌ ملیار و 45ملیۆن دینار)ە کە وەک بەڕێزیان ئاماژەی پێدەدات پێشمەرگە بەشێکە لە سیستەمی بەرگریی ئەمنیی عیراق بەپێی ماددەی 121ی دەستوور و دەبوایە لە بودجەی سیادی شایستە داراییەکانی خەرج بکرایە، بە تایبەتیش هەرێمی کوردستان لە ساڵی 2005ەوە رێژەی 17%ی خەرجییەکانی سیادیی عیراقی لە ئەستۆگرتووە.
2- بەپێی رێککەوتنی نێوان هەولێر و بەغدا لە 2-12-2014، وا بڕیار بوو جگە لە بەشە بودجەی ئاساییی هەرێمی کوردستان، هەموو مانگێک بڕی (100) ملیار دینار لە خەرجیی سیادی بۆ پێشمەرگە خەرج بکرێت، بەڵام جێبەجێ نەکرا.
3- ئەوەی روون و ئاشکرایە حکوومەتی فیدراڵی تەنیا بۆ خەرجکردنی مووچە بۆ یەک مانگ پێویستی بە بڕی (چوار ترلیۆن و 100 ملیار دینار) هەیە، لە کاتێکدا حاڵی حازر داهاتی هەناردەکردنی نەوتی عیراق تەنیا (یەک ترلیۆن و 800 ملیار دینار)ە کە نەوت رێژەی 96%ی داهاتی گشتیی عیراق پێکدەهێنێت.
ئەی بۆچی بەڕێزیان ئاماژە بە سەرچاوەی ئەو (دوو ترلیۆن و 300 ملیار دینار)ە ناکات کە مانگانە کورتهێنانی پێدانی مووچەیە، کە سەرچاوەکەی پارەی یەدەگی بانکی ناوەندیی عیراقە و هەرێمیش بە لایەنی کەمەوە شایستەی 17%ی ئەو یەدەگەیه کە لێی بێبەش کراوە؟!!، سەرەڕای هەموو ئەو قەرزە نێودەوڵەتییانەی بە ناوی عیراقەوە وەریانگرتووە کە هەرێمی کوردستان بەشێکە لە عیراق، بەڵام لەوەش هەرێمیان بێبەش کردووه!!‌.
4- بەپێی یاسای بودجەی عیراقی فیدراڵ بۆ ساڵی 2016، بەشە مووچەی هەرێم بە بڕی (478 ملیار دینار) خەمڵێنراوە کە تەنیا مووچەی فەرمانبەرانی هەمیشەییی حکوومەتە، جگە لە خانەنشین و پێشمەرگە و ئاسایش، لەکاتێکدا هەرێمی کوردستان (1 ملیۆن و 400 هەزار) مووچەخۆری هەیە و مانگانە پێویستی بە نزیکەی (890 ملیار دینار) هەیە تا بتوانێت تەواوی شایستەی داراییی مووچەخۆرانی دابین بکات، کە لەم بڕە پارەیە بڕی (336 ملیار دینار)ی دەدرێتە مووچەی پێشمەرگە و ئاسایش، سەرەڕای بودجەی تەشغیلیی پێشمەرگە کە مانگانە بڕی (30 ملیار دینار)ە، و لە کاتێکدا هەموو دنیا شایەتی دەدات بۆ قارەمانیەتیی پێشمەرگە و گیانفیداکردنی لەپێناوی بەرگریکردنی لە خاک و پاراستنی ئازادی و سەروماڵ و شەرەفی هاووڵاتیان.
بەڵام زۆر سەیرە بەڕێزیان دوور و نزیک ئاماژە بە رۆڵیان نادات کە بە درێژاییی زیاتر لە هەزار و پەنجا کیلۆمەتر بەرگری دەکات لە بەرامبەر دڕندەترین رێکخراوی تیرۆریستی و تا ئێستا قوربانیی گەورەی داوە بە 1392 شەهید و 8215 بریندار و 62 ونبوو، ئەمەش لەکاتێکدا کە هێزەکانی حەشدی شەعبی، لەگەڵ پێزانینمان بۆ رۆڵی بەرچاویان، بودجەی تایبەتییان لە بودجەی عیراقی فیدراڵدا بۆ دابین دەکرێت و لەناو یاسای بودجەی 2016شدا جێگیر کراوە، سەرەڕای ئەو بودجە زەبەلاحەی بۆ وەزارەتی بەرگری لە ساڵی 2007ەوە تا ئێستا تەرخان کراوە کە نازانرێت چۆن خەرج کراوە و حیساباتی خیتامیی تەواوی ئەو ساڵانە پەس‌ند نەکراوە سەبارەت بە چۆنیەتیی خەرجکردنی بودجەی سیادی.
5- بەڕێز سەرۆکوەزیرانی عیراقی فیدراڵ باس لە داهاتی هەناردەکردنی نەوتی هەرێمی کوردستان دەکات کە لە هیچ حیسابێکی رەسمیی هەرێمی کوردستاندا تۆمار نەکراوە بەبێ ئەوەی بەڵگەی پێویست بخاتەڕوو، یان بە فەرمی داوای زانیاری بکات لە هەرێم، لە کاتێکدا وەزارەتی سامانە سروشتییەکانی هەرێمی کوردستان مانگانە راپۆرتی هەناردەکردن و راپۆرتی دارایی بۆ هەموو لایەک بڵاوکردۆتەوە و لە مانگی شوباتی 2014ەوە بە بڕیارێکی سیاسی بەشە بودجەی هەرێمی کوردستان بڕدرا، بەڵام هەرێمی کوردستان توانی لە پارەی داهاتی هەناردەکردنی نەوتی هەرێم تەواوی مووچە و دەرماڵەی مووچەخۆرانی خۆی بۆ ساڵی 2014 و هەشت مانگی ساڵی 2015 دابین بکات، سەرەڕای مووچەی پێشمەرگە و خزمەتکردنی (یەک ملیۆن و 800 هەزار) ئاوارە کە زۆربەیان هاووڵاتیی عیراقین و ئەوە بەرپرسیارەیەتیی جەنابی سەرۆکوەزیران عەبادی و حکومەتی فیدراڵییە کە بژێوی و خزمەتگوزارییەکانیان بۆ دابین بکات، بەڵام حکومەتی فیدراڵی تا ئێستا هیچ بودجەیەکی تایبەتی بۆ ئەم مەبەستە خەرج نەکردووە.
ئەمە سەرەڕای دیارنەمانی ئەو بڕە پارەیەی لە بودجەی عیراقی فیدراڵ بۆ هەردوو ساڵی 2014 و 2015 بۆ هەرێمی کوردستان تەرخان کرابوو، کە قەرزە لەسەریان و چارەنووسی دیار نییە.
6- بۆ نەهێشتنی بەهانەی حکوومەتی فیدراڵی و پیشاندانی نیازپاکیی خۆی، حکومەتی هەرێمی کوردستان لە مانگی نیسانی ساڵی 2015، زیاتر له بڕی 550 هەزار بەرمیل نەوتی تەسلیمی کۆمپانیای (سۆمۆ) کرد بەبێ کەموکوڕی و لە بەرامبەردا هەرێمی کوردستان چاوەڕوانی وەرگرتنی تەواوی شایستەی داراییی خۆی بوو بەپێی رێککەوتننامەکەی 2ی کانونی یەکەمی 2014ی هاتوو لە یاسای بودجەی فیدراڵیی عیراق بۆ ساڵی 2015، ئەمەش سەرەڕای بڕی 100 ملیار دینار بۆ مووچەی پێشمەرگە لە چوارچێوەی خەرجییەکانی سیادی کە لە چوارچێوەی رێککەوتننامەکەدا هاتبوو، بەڵام بەداخەوە نەک تەواوی شایستەی دارایی ئەو مانگە نەنێردرا، بەڵکو بەبێ هیچ بنەمایەکی یاسایی و لەسەر رێگەی ناردن هەر لە فڕۆکەخانە بە بڕیاری بەڕێز سەرۆکوەزیران ڕێژەی 10%ی ئەو بەشە ناتەواوەش بە بڕی (54 ملیار و 340 ملیۆن دینار) بڕدرا، کە تەنیا بڕی (488 ملیار و 760 ملیۆن دینار)یان نارد کە لە هیچ حاڵەتێکدا بەشی مووچەی نەکرد!!.
7- لە رێککەوتننامەی 2ی کانوونی یەکەمی 2014 کە دواتر بوو بە بەشێک لە یاسای بودجەی فیدراڵی 2014، هەردوولا لەسەر دەستنیشانکردنی لایەنی کەمی مووچەی پێشمەرگە بە بڕی (100 ملیار دینار) مانگانە رێککەوتن و هەر بەڕێزیان رەزامەند بوو کە ئەم (100 ملیار دینار)ه لە چوارچێوەی وەزارەتی بەرگریی عیراق لەناو خەرجییەکانی سیادی بۆ پێشمەرگە تەرخان بکرێت.
بۆیە لامان سەیر و مایەی سەرسووڕمانە بەڕێزیان دەڵێت مووچەی پێشمەرگە روون نییە سەرەڕای ئەوەی لە دوای ئەو رێککەوتنەشەوە لە ساڵی 2015دا خەرجیی مەیدانیی شەڕ لە دژی رێکخراوی تیرۆریستیی داعش روو لە زیادبوون بووه،‌ بەتایبەتی لە هەڵمەتەکانی رزگارکردنەوەی ناوچە کوردستانییەکان و بەتایبەتیش شنگال و جەلەولا کە لەسەر دەستی هێزی پێشمەرگەی کوردستان لە رێکخراوی تیرۆریستی داعش سەندرایەوە.
لە کۆتاییدا حکومەتی هەرێمی کوردستان جەخت لەسەر گرنگیی بەردەوامبوون لەسەر گفتوگۆ و دانوستان و جێبەجێکردنی ئیلتزاماتە قانوونییەکانی لەگەڵ حکومەتی فیدراڵی دەکاتەوە لەسەر بنەمای بەرژەوەندیی هاوبەش و زامنکردنی بەدەستهێنانی شایستە قانوونی و داراییەکانی هەرێم لە داهاتی فیدراڵی بەو شێوەیەی لە دەستووری عیراقدا دانی پێدانراوە.
هەروەها حکوومەتی هەرێمی کوردستان رایدەگەیێنێت کە پێشنیازی بەڕێزیان قبووڵ دەکات سەبارەت بە دابینکردنی تەواوی مووچەی فەمانبەرانی هەرێمی کوردستان لەلایەن حکومەتی فیدراڵی عیراقەوە کە ژمارەیان یەک ملیۆن و 400 هەزار کەسە و بۆ هەر مانگێک پێویستی بە 890 ملیار دینارە، کە لەم پارەیە بڕی (336 ملیار دینار) بۆ پێشمەرگە قارەمانەکانی هەرێمی کوردستانە.
لە بەرامبەردا حکومەتی هەرێمی کوردستان ئامادەیە کە سەرجەم نەوتی بەرهەمهاتووی خۆی بداتە حکوومەتی فیدراڵی عیراق هەروەک بەڕوونی لە پێشنیارەکەی بەڕێزیاندا هاتووە.
ئەنجومەنی وەزیرانی هەرێمی کوردستان
16-02-2016
⁉️ تایبەتمەندییەکانی بابەت - Meta-data
🏷️ پۆل:📝 بەڵگەنامەکان
🏳️ زمانی بابەت:🏳️ کوردیی ناوەڕاست
📅 رۆژی دەرچوون: 16-02-2016
📄 جۆری دۆکومێنت⊶ زمانی یەکەم
🌐 زمان - شێوەزار🏳️ کرمانجیی ناوەڕاست
🗺 وڵات - هەرێم⬇️ باشووری کوردستان

⁉️ تایبەتمەندییە تەکنیکییەکان
©️ خاوەنی ئەم بابەتە بەسوپاسەوە، مافی بڵاوکردنەوەیی بە کوردیپێدیا بەخشیوە! یان بابەتەکە کۆنە، یاخود بابەتەکە موڵکی گشتییە.
✨ کوالیتیی بابەت: 81% ✔️
81%
✖️
 30%-39%
خراپ👎
✖️
 40%-49%
خراپ
✖️
 50%-59%
خراپ نییە
✔️
 60%-69%
باش
✔️
 70%-79%
زۆر باشە
✔️
 80%-89%
زۆر باشە👍
✔️
 90%-99%
نایاب👏
81%
✔️
ئەم بابەتە لەلایەن: (هاوڕێ باخەوان)ەوە لە: Feb 17 2016 2:45PM تۆمارکراوە
✍️ ئەم بابەتە بۆ دواجار لەلایەن: (هاوڕێ باخەوان)ەوە لە: Feb 17 2016 2:46PM باشترکراوە
☁️ ناونیشانی بابەت
🔗
🔗
⚠️ ئەم بابەتە بەپێی 📏 ستانداردەکانی کوردیپێدیا هێشتا ناتەواوە و پێویستیی بە داڕشتنەوەی بابەتی و زمانەوانیی زۆرتر هەیە!
👁 ئەم بابەتە 4,990 جار بینراوە

✍️ ئەم بابەتە باشتر بکە!
☰ زۆرتر
⭐ بۆ ناو لیستی کۆکراوەکان
💬 رای خۆت دەربارەی ئەم بابەتە بنووسە!

✍️ گۆڕانکارییەکانی بابەتەکە!
🏷️ Metadata
RSS

📷 گووگڵی وێنەی بابەتی هەڵبژێردراو بکە!
🔎 گووگڵی بابەتی هەڵبژێردراو بکە!
⠪ بەشکردن
Facebook
Twitter
LinkedIn
Whats App
Viber
SMS
Facebook Messenger
E-Mail
👍
⭐ نرخاندنی بابەت
⭐⭐⭐⭐⭐ نایاب
⭐⭐⭐⭐ زۆر باشە
⭐⭐⭐ باش
⭐⭐ خراپ نییە
⭐ خراپ
حکومەتی هەرێمی کوردستان: پێشنیازەکەی عەبادی قبوڵ دەکەین
📝 بەڵگەنامەکان

📚 فایلی پەیوەندیدار: 0
🖇 بابەتە پەیوەستکراوەکان: 4
☂️ پارت و رێکخراوەکان
1.👁️حەشدی شەعبی
📅 رێکەوت و رووداو (کڕۆنۆلۆژیا)
1.👁️16-02-2016
2.👁️16-02-2016
👫 کەسایەتییەکان
1.👁️حەیدەر عەبادی
📂[ زۆرتر...]

Kurdipedia.org (2008 - 2020) version: 12.04
| 📩 contact@kurdipedia.org | ✔️CSS3 | ✔️HTML5
| کاتی ئافراندنی لاپەڕە: 0,234 چرکە!
☎ +9647701579153 +9647503268282
| ☎ +31654710293 +31619975574