پەیامی کۆسرەت ڕەسوڵ عەلی جێگری یەکەمی سکرتێری گشتی یەکێتی نیشتمانی کوردستان
کۆمەڵانی خۆڕاگری خەڵکی کوردستان
کەسوکاری سەربەرزی شەهیدان
پێشمەرگە قارەمانەکان
سڵاوێکی شۆرٍشگێڕانە
لەکاتێکدا گەلەکەمان بەهەلومەرجێکی سیاسی و ئابووریئێجگار سەخت و دژواردا تێدەپەڕێت و ئایندەیەکی نادیارلەڕووی دابەشبوونەوەی نەخشەی سیاسی ناوچەکە چاوەڕوانمانە، هێزی پێشمەرگەی کوردستان بەدرێژاییسەدان کیلۆمەنر لەسەنگەری بەرگریکردن لە خاک و شەرەف و خاکی پیرۆزی نیشتمان لەبەرامبەر دڕتدەترین و سەرسەختریندوژمنانی مرۆڤایەتی شه و و ڕۆژیان لەیەکداوە و داستانی قارەمانێتی تۆمار دەکەن و کۆمەڵانی بەشەرەفی خەڵکیکوردستانیش لەپێناوی سەرخستنی ئەزمونەکەیان ی بەرگەیقەیرانی سیاسی و ئابووری و بێ مووچەیی و نەبوونیخزمەتگوزاریەکان دەگرن و لە ڕەوشێکی ناجۆردا ژیانێکیسەخت بەسەردەبەن. کەچی بەداخەوە بەرەبەیانی ئەمڕۆهەینی 3 ی ئادار گوێبیستی هەواڵی نەگریسی شەڕ و پێکدادانێکی چەکدارانەی نەخوازراوی نێوان دوو هێزیکوردستانی بووین، کە بۆنی شەڕی ناوخۆی نێوان براکانیلێدێت. ئێمە سەرەڕای ئیدانەی توند و مەحکومکردنی هەرجۆرەشەڕێکی ناوخۆیی نێوان هێزو لایەنە کوردستانیەکان،داوادەکەین دەستبەجێ ئاگری ئه و شەڕە نەگریسە خامۆشبکرێت و هەموولایەک خۆڕاگربن و ئارامی ڕەوشەکە بپارێزن و لایەنەکانی پەیوەست به و کێشەیە بەدیالۆگ و گفتوگۆ لەسەرکێشەکانی نێوانیان بگەنە لێکتێگەیشتن و ڕێگانەدەن ئاگریشەڕەکە تەشەنە بکات و چیتر خوێنی ڕۆڵەی کورد بەدەستیکورد نەڕژێت و مەڵۆ نەخرێتە سەر خەرمانی دوژمنانی گەلناحەزانی نەتەوەکەمان.
گەلی ئێمە لەپەرلەمانی کوردستان بەبڕیارێکی بوێرانە هەمووجۆرە شەڕ و پێکدادانێکی چەکداری براکوژی وناوخۆیینێوان هێزولایەنە کوردیەکانی تەحریم و تەجریم کردووە،داواکارین کە هەموو لایەنە کوردستانیەکان پابەندبن بەوبڕیارەوە، و ڕێگا نەدرێت هیچ جۆرە بیانوویەکی بۆدابتاشرێت و زوو بە زوو کێشە و گرفتەکان چارەسەر بکرێن.
کۆمەڵانی خەڵکی خۆڕاگر و شۆڕشگێر
هێزولایەنە سیاسیە تێکۆشەرەکان
پێشمەرگە گیان لەسەر دەستەکان
داواکارم هەوڵی بێوچانمان بۆ ئەوە بێت کە کێشە و گرفتەناوخۆیی و لابەلاکانمان وەلابنێین و هەموو هێزو تواناکانمانئازایانە و دڵسۆزانە بخەینە خزمەتی دابینکردنی ئایندەیەکیگەش بۆ میللەتەکەمان و نەوەکانی داهاتوومان. دڵسۆزی بۆکوردایەتی و خەباتی نەتەوەیی پێوەری ڕاستەقینەمان بێت لەپێناوی بەدەستهێنانی مافی چارەی خۆنووسینمان و ڕزگاری یەکجاری و سەربەخۆیی نەتەوەییمان.
بۆپێشەوە بە ئومێدی سەرکەوتنی یەکجاری
کۆسرەت ڕەسوڵ عەلی
جێگری یەکەمی سکرتێری گشتی یەکێتی نیشتمانیکوردستان
03-03-2017