ناوی تەواوی(فەرەيدون حەمزە سابر موسا)يە، لەساڵی 1980لە گوندی(کەپەنک)ی ناحيەی #شوان#ی پارێزگای #کەرکووک# چاوی بەژيان هەڵهێناوە، قوناغەکانی خوێندنی سەرەتايی و ناوەندی و ئامادەيی لە شارۆچکەی(#تەقتەق#) تەواو کردووە، ساڵی خوێندنی(2002-2003) برِوانامەی بەکالۆريۆسی لە بەشی(ماتماتيک-بيرکاری) کۆليژی زانست-ی زانکۆی سەلاحەدينی لەشاری هەولێر بەدەستهێناوە و، لەساڵی 2003ەوە وەک مامۆستا دامەزراوە لە ئامادەيی تەقتەقی تێکەڵاو، لە 24-12-2004ەوە لە ستافی(#ڕۆژنامەی تاک#) کاريکردووە و ماوەيەک دەستەی نوسەران و دواتر بەرێوەبەری نوسين و جێگر سەرنوسەری بووە و لەژمارە(44) ی مانگی ئابی 2008 دوای دەست لەکارکێشانەوەی #ئاراس ئيلنجاغی# لەسەرنوسەری ڕۆژنامەکە بووە بەسەرنوسەر، بۆماوەی ساڵێک سەرنوسەری کردووە، بابەتی جۆراو جۆری لە ڕۆژنامەکانی(ئاوێنە و هاوڵاتی) بلاو کردۆتەوە، لە18-3-2009ەوە بووە بە ئەندامی بەشداری سەنديکای ڕۆژنامەنوسانی کوردستان-ە لە لقی سلێمانی، ئێستا لەئامادەيی حەمرينی کوران لەسنوری ميلاکی بەرێوەبەرايەتی پەروەردەی کۆيە مامۆستايه.[1]