پۆلیسی #هەولێر# ڕایدەگەیەنێت، ئەو پلانەی بۆ ڕۆژانی جەژن دایان ڕشتبوو سەرکەوتووانە جێبەجێ کراوەو دەشڵێت، لە هەرسێ ڕۆژی جەژندا هیچ تاوانێکی کوشتن و دزی کردن ڕووینەداوە.
هۆگر عەزیز، وتەبێژی پۆلیسی هەولێر ئەمڕۆ سێشەممە 27ی حوزەیرانی2017، بە دواڕۆژی ڕاگەیاند، لە هەرسێ ڕۆژی جەژندا لە سنووری پارێزگای هەولێر هیچ تاوانێکی کوشتن و دزی و شەر کردنێک ڕووینەداوە.
وتیشی بەپێی ئەو پلانەی بەڕێوەبەرایەتی پۆلیسی هەولێر بە هاکاری دەزگا ئەمنییەکانی تر دایان ڕشتبوو بەسەر کەوتووانە جێبەجێکراوەو جەژنێکی ئارام و خۆشیان بەڕێکردووە.
هۆگر عەزیز، ئاماژەی بەوەشکرد، بەشێک لەو ئارامییە بۆ هۆشیاری خەڵک دەگەڕێتەوە کە هەمیشە هاوکاری پۆلیس دەکەن.
27-06-2017