بەڕێوەبەری سوتەمەنی و کانزاکانی پارێزگای #هەولێر# ئاشکرای دەکات، بەهۆی خراپی کوالێتی بەنزین لە هەولێر 30 بەنزیخانە داخراون و هەر بەنزینخانەیەکش سەرپێچی بکات سزای توند دەدرێت.
مستەفا تەها، بەڕێوەبەری سوتەمەنی و کانزاکان لە پارێزگای هەولێر بە دواڕۆژی ڕاگەیاند کاری لیژنەکانی پشکنین لە بەڕێوەبەرایەتی سوتەمەنی و پارێزگای هەولێر بەردەوامە و چاوپۆشی لە خراپی کوالێتی بەنزیخانەکان ناکرێت.
راشیگەیاند دوای ئەوەی لیژنەکەیان سەردانی چەندین بەنزینخانەیان کردووە، دەرکەوتووە کە کوالێتی بەنزین لە 30 بەنزیخانەی شاری هەولێر نزم و خراپ بووە، بۆیە ڕاستەوخۆ داخراون و تا کوالێتیەکەیان چاک نەکەنەوە، ڕێگەیان پێنادرێت بەنزین بفرۆشن.
ئه و بەرپرسەی سوتەمەنی لە هەولێر، ڕونیشکردەوە چاودێری چڕی بەنزینخانەکان دەکەن و ڕێگە بەهیچ سەرپێچیەکی بەنزینخانەکان نادەن و لەئەگەری هەر سەرپێچییەکیش سزای توندیان دەدەن.
ئاماژەی بەوەشکرد ئەمساڵ بەهۆی چاودێرییەکانیانەوە، کوالێتی بەنزین باشتربووە و کەمتر کێشەی سوتانی فیول پەمپ هەبووە.
01-07-2017