ل گۆری داخویانیا #ڤیان دەخیل# پارلامەنتەرا عێراقێ نێزیکی 6 هەزار کوردێن ئێزدی د دەستێ رێخستنا تەرۆریست یا #داعش#ێ دە نە.
ڤیان دەخیل ئەنداما پارلەمەنتۆیا عێراقێ د کۆنفەرانسەکە تایبەت یا ژ بۆ رەوشا کوردێن ئێزدی ل پەیمانگەها ئاشتی یا ل ئەمریکایێ دا راگەهاند کو هەتا نها نێزیکی 6 هەزار ئێزدی د بن دەستێ داعشێ دە نە. رێخستنێ پشتی رەڤاندنا کوردێن ئێزدی، هەزار و 300 زارۆک نەچار کرن کو دینێ خوە بگوهێرینن.
ڤیان دەخیل د بەردەوامیا ئاخافتنا خوە دا گۆت: 85 ژ سەدێ ناڤچەیێن ئێزدیان ل سینۆرێ باژارۆکێ شنگالێ ژ ئالیێ رێخستنا تەرۆریست یا داعشێ ڤە هاتیە وێرانکرن.
دەخیل د درێژاهیا ئاخافتنا خوە دا داخواز ژ جڤاکا ناڤدەولەتی کر کو کار ژ بۆ پاراستنا پێکهاتەیێن دینی یێن عێراقێ بکن.
د سالا 2014ئان دا ئەندامێن رێخستنا تەرۆریست یا داعشێ ئێریشێ شنگالێ کرن، ژ بلی داگرکرن و وێرانکرنێ، کوردێن ئێزدی ب کۆمی کوشتن و ب هەزاران ژی رەڤاندن.
03-08-2017
Dieser Artikel wurde in (کرمانجی - کوردیی سەروو) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Dieser Artikel wurde bereits 2,947 mal angesehen