ئەندامەکێ جڤاتا خوەسەریا دیموکراتا #شنگال# راگەهاند, مللەتێ ئێزدی یێ نوکە ل چیایێ شنگال و دەوروبەران ژ بەر نەبوونا هاریکاریێن مرۆڤایەتی و هەڤڕکیێن سیاسی رەزیل بوویە.
حەسۆ ئیبراهیم, بۆ دواڕۆژ گۆت گەهشتنا ماددەیێن خوارنێ بۆ خەلکێ شنگال د رێکا سحێلا دا گەلەک ب زەحمەتە, چنکو ئاسایشا پارتیەکێ ل زالگەها سحێلا رێگریان ل گەهشتنا کەلوپەلێن خوارنێ دکەت.
حەسۆ گۆت ژی ل دەرگەهێ سحێلا دوکاندارێن لسەر چیایێ شنگال ماف هەیە هەفتیێ جارەکێ کەلوپەلێن پێدڤی بکرن, لەورا گەلەک ماددەیێن خوارنێ ناگەهن ئێزدیێن لسەر چیایێ شنگال و دەوروبەران کو نوکە ژمارا وان نێزیکی 10 هزار کەسانە.
ژێدەرەکێ هێزێن ئێمناهیا حکومەتا هەرێما کوردستانێ ل شنگال بۆ دواڕۆژ گۆت چو رێگری ل خەلکێ شنگال نەهاتینە کرن و ئێزدیێن لسەر چیایێ شنگالن کەلوپەلان ب رەنگەکێ ئاساییی بخوە دبەن.
نوکە نێزیکی 10 هزار ئێزدیێن شنگال یێن سالا 2014ێ ژ بەر فەرمانا داعش رەڤی بوون, لسەر چیایێ شنگال و دەوروبەرانن, لێ ژبەر نەبوونا هاریکاریێن مرۆڤایەتی و ئالۆزیێن سیاسی ئەو ئێزدی پەریشان بووینە و ل هیڤییا هاریکاریێن زێدەترن.
05-08-2017