وەزارەتی خوێندنی باڵاو توێژینەوەی زانستی حکومەتی هەرێم ڕوونکردنەوە دەدات لەسەر داواکاریی دەرچووانی تواناسازیی بەمەبەستی خەرجکردنی شایستە داراییەکانیان و ڕایدەگەیەنێت:لەئێستادا پارە تەنها بۆ ئه و خوێندکارانە تەرخاندەکرێت کە لەپڕۆسەی خوێندندان.
بەپێی ڕاگەیەنراوێکی بەڕێوەبەرایەتی ڕاگەیاندنی وەزارەتی خوێندنی باڵاو توێژینەوەی زانستی کەوێنەیەکی بۆ SNN نێردراوە، تێیدا هاتووە: پێشترو لەمانگی ئازاردا سەرۆکایەتی ئەنجومەنی وەزیران ڕەزامەندی نیشاندا بەتەرخانکردنی بڕی (30)میلۆن دۆلار بۆ خوێندکارانی تواناسازی، بەتایبەت ئەوانەی ئێستا لەپڕۆسەی خوێندندان.
ئاماژە بەوەشکراوە: تائێستا لەرێگەی حەوت قۆناغەوە، توانیومانە بڕی زیاتر لە 10ملیۆن و 452 هەزار دۆلار بۆ (192)خوێندکاری تواناسازی لە (62)زانکۆ خەرج بکەین. هاوکات پڕۆسەی دابەشکردنی شایستە داراییەکان بۆ (50)خوێندکار لە (15)زانکۆ بۆ ئه و خوێندکارانەی ئێستا لە پڕۆسەی خوێندندان بەردەوامە.
هەر لە ڕاگەیەنراوەکەدا هاتووەپێشینەی دابەشکردنی ئه و بڕە پارەیە بۆ ئه و خوێندکارانە دەبێ، کە خوێندنیان تەواونەکردوه و دواتریش دەست دەکەین بەخەرجکردنی شایستە داراییەکانی ئەوانەی خوێندنیان تەواو کردوه و پابەندین بە خەرجکردنی ئه و پارەیە.
07-08-2017