جێگری سەرۆکی ئەنجومەنی وەزیرانی هەرێم بڕیاریدا بە بەگەڕخستنەوەی پڕۆژە ستراتیژەکانی سلێمانیسلێمانی و چەند شارێکی تری هەرێمی کوردستان.
سەرچاوەیەk لە ئەنجومەنی وەزیران تایبەت بە دواڕۆژی راگەیاند دوای بەرزبوونەوەی نرخی نەوت و زیادبوونی داهاتی نەوت، قوباد تاڵەبانیقوباد تاڵەبانی جێگری سەرۆکی ئەنجومەنی وەزیران، بڕیاریدا پڕۆژە گرنگ و ستراتیژەکانی سلێمانی، هەڵەبجەهەڵەبجە و ئیدارەکانی گەرمیانگەرمیان و راپەڕینراپەڕین بەگەڕبخرێنەوە.
ئەو سەرچاوەیە وتیشی لەگەڵ هەردوو وەزارەتی شارەوانی و ئاوەدانکردنەوەی هەرێم، لەماوەیەکی کەمدا دەستدەکرێت بە پڕۆژەکان کە ژمارەیان زیاتر لە 200 پڕۆژەیە، ئەو پڕۆژانە بەهۆی قەیرانی دارایی لەماوەی سێ‌ ساڵی رابردوو وەستاون و ئێستا جارێکی تر وەگەڕدەخرێنەوە.
لەبارەی پڕۆژەکان، ئەو سەرچاوەیەی ئەنجومەنی وەزیران وتی پڕۆژەکان لە سێکتەرە جیاوازەکان دەبن و بودجەی پێویستیان بۆ دابینکراوە.
سەرچاوەکەی ئەنجومەنی وەزیران، ئاماژەی بەوەشدا بە جێبەجێکردنی پڕۆژەکان، کۆمەڵێک گرفت لەبوارەکانی ئاو، ئاوەڕۆ، کارەبا، رێگاوبان، کشتوکاڵ، شارەوانی، تەندروستی و پەروەردە بۆ هاووڵاتیانی ئەو دەڤەرانە چارەسەر دەبن و زۆربەی دانیشتووانی ئەو شارانە لێی سوودمەند دەبن.[1]
ماڵپەڕی دواڕۆژ: 12-08-2017

#سلێمانی | #قوباد تاڵەبانی | #هەڵەبجە | #گەرمیان | #راپەڕین |