سەرۆک کۆماری تورکیا رایدەگەیەنێت، رێگەنادەن رێڕەوێک لەبەردەم پەیەدە بکرێتەوە بۆ سەر دەریای سپی ناوەڕاست، دەشڵێت، ئەمریکا تائێستا زیاتر لە هەزار بارهەڵگر چەک و تەقەمەنی بۆ یەپەگەیەپەگە رەوانە کردووە.
رەجەب تەیب ئەردۆغان، سەرۆک کۆماری تورکیا لە میانەی دیمانەیەکیدا لەگەڵ رۆژنامەی حورییەتی تورکی رایگەیاند ئەمریکا تائێستا زیاتر لە هەزار بارهەڵگر چەک و تەقەمەنی بۆ یەپەگە لە باکوری سوریا رەوانە کردووە کە هێشتا بە روونی نازانرێت چییان تێدایە.
ئەردۆغان وتیشی لە لوتکەی G20 دا بە ترەمپ و ژەنەراڵە ئەمریکییەکانم وت (ئەو چەکانەی بە پارەش بە ئێمەی نافرۆشن، بە خۆڕایی دەیدەن بە یەپەگە).
راشیگەیاند وەک تورکیا رێگەنادەن باکوری سوریا بەڕووی دەریای ناوەڕەستدا بکرێتەوە و دەستوەردان دەکەن جا باجەکەی هەرچییەک بێت، گرنگ نییە بەلایانەوە.
سەرۆکی تورکیا ئاماژەی بۆ ئەوە کرد، ئۆپەراسیۆنی قەڵغانی فورات لەو پێناوەدا ئەنجامدرا و گرتنی جەرابلوس و رای و باب پرۆژەیەک بووە بۆ دابڕینی ناوچەکە لەوەی بگاتە سەر دەریای ناوەڕاست.
وتیشی هێشتا ئەرکی قەڵغانی فورات کۆتایی نەهاتووە و سورن لەسەر مەسەلەی عەفرین و رێگری دەکەن لە دروستکردنی رێڕەوێک بەرەو دەریای ناوەڕاست.
وەرگێڕانی: کامەران ئەحمەد[1]
24-08-2017

#یەپەگە |