$باکووری کوردستان$
- پارتی دیموکراتی گەلان- #هەدەپە#، لە چوارچێوەی تێکۆشان بۆ ئاشتی و دیموکراسیدا دووەمین قۆناغی خۆپیشاندانەکانی دەستپێدەکات و بڕیاریدا، لە شەش شاری گەورەی تورکیا و باکوری کوردستان گردبوونەوە و خۆپیشاندان ئەنجام بدات.[4]
- بە پاساوی دەستپێکردنی ئۆپراسیۆنی سەربازی، قەدەغەکردنی هاتووچۆ لە 17 ناوچەی سەر بە پارێزگای #شرنەخ#ی باکوری کوردستان ڕاگەیەنرا.[5]
- بەهۆی تۆپبارانەکانی سوپای تورک بۆسەر گوندی شاپاتانی سەربە #شەمزینان#ی #جولەمێرگ#، ئاگر لە دارستانەکانی ئەو ناوچەیە کەوتووەتەوە و ماوەی دوو ڕۆژە ئاگر لەو دارستانانە کەوتووەتەوە و بەردەوام ئاگرەکە بەرفراوانتر دەبێتەوە.[4]
$رۆژهەڵاتی کوردستان$
- دوو هاوڵاتی کورد کە باوکێک و کوڕە تەمەن 10 ساڵانەکەی بوون، لە سەر ڕێگای #جوانڕۆ# بۆ #ڕوانسەر#ی سەربە پارێزگای #کرماشان# درانە بەر دەستڕێژی گوللەی هێزە سەربازییەکانی ئێران و بە قورسی ببرینداربوون.[4]
$باشووری کوردستان$
- سێ خۆکوژی #داعش# بە پشتێنەی بۆمبڕێژکراوەوە، هەوڵیان داوە دزە بکەنە نزیک سەنگەرەکانی پێشمەرگە لە گوندی بەشاری سەر بە شارەدێی عەیازییە لە شارۆچکەی #تەلەعفەر#. هێزەکانی پێشمەرگە بە پیلانەکەی داعشیان زانیوە و بەر لەوەی چەکدارە خۆکوژە تیرۆریستەکان بگەنە سەنگەرەکانیان، لێیان هاتوونە تەدەست و هەر سێ خۆکوژیان تەقاندووەتەوە.[1]
- #یەکێتی کەمئەندامانی کوردستان# خۆپیشاندانێکی بەرفراوانی لەشاری #سلێمانی# دەستپێکردو، سکرتێری یەکێتیەکەش ڕایدەگەیەنێت، کەمئەندامان جەژن ناکەن، چونکە پارەی پێویستیەکانی جەژنیان پێ نییە، دەشڵێت:36 مانگە کەمئەندامان برسی دەکرێن و هەشت مانگیشە موچە بەکەمئەندامان نەدراوە.[3]
- سەرۆک وەزیرانی عیراق پڕۆسەی کۆنترۆڵکردنەوەی #موسڵ# و تەواوی شارۆچکەی تەلەعفەر ڕاگەیاند و بەرپرسێکی یەکێتیش لەسنوری موسڵ ڕایدەگەیەنێت، هێشتا پێکدادانی کەم لە شارەدێی عەیازییەی سەر شارۆچکەی تەلەعفەر هەر ماوە.[3]
- #فازڵ بەشارەتی#، ئەندامی سەرکردایەتی #پارتی دیموکراتی کوردستان# بە وێستگە نیوزی ڕاگەیاند #31ی ئاب# کۆتایی بە خیانەت و #شەڕی ناوخۆ# و براکوژی و دەستێوەردانی ئیقلیمی هێنا.[6]
- سەرۆکی #لێژنەی فەتوا# لە شاری سلێمانی، ئاماژە بەوە دەدات کە #قوربانی#کردن یەکێکە لە بنەما سەرەکییەکانی ئایینی ئیسلام، بەڵام باشتر وایە لەبری قوربانیکردن هاوکاریی مادی کەسانی هەژار بکرێت.[1]
- #بوومەلەرزە#یەک سنووری ناوچەی ڕاپەڕینی هەژاند و لە سەرجەم ناوچەکانی دەڤەری ڕاپەڕین هەستی پێکراوە، بەڵام تائێستا زیانی گیانی و ماڵی نەبووە.[7]
- بەهۆی خراپی کوالێتیانەوە، دەست بەسەر 23 تەنکەری سوتەمەنی ئێرانی گیرا کە هاتبوونە مەرزی نێودەوڵەتیی #باشماخ#.[1]
$رۆژئاوای کوردستان$
- نوێنەری تایبەتی #نەتەوە یەکگرتووەکان# بۆ کاروباری سوریا پێشنیاریکرد، ئەگەر سیستمی دەسەڵات لە سوریا ببێتە ناوەندی، ئەوە بۆ هەر بڕیارێکی ئەو حکومەتە دەبێت مافی ڤیتۆ بۆ کوردەکان هەبێت.[2]