ناوی کتێب: ئەلف بێ
نووسینی: ژیل دۆڵۆز – کلەیر پارنێت
وەرگێڕانی: هاوار محەمەد
(چاپی یەکەم 2017)
قەبارە: 430 لاپەڕە
لە بڵاوکراوەکانی دەزگای ئایدیا بۆ فکر و لێکۆڵینەوە
ئەم کتێبە یەکێکە لە کارە بەناوبانگەکانی دۆڵۆز، کە لە بنەڕەتدا کتێب نەبوە، بەڵکو گفتوگۆ بوە و بە کامێرا تۆمار کراوە، ئەوەش دەگەڕێتەوە بۆ ماوەی ساڵانی 1988- 1989، ئەم گفتوگۆیە لەلایەن کچە قوتابییەکی هاوڕێی دۆڵۆزەوە ئەنجامدراوە. گفتوگۆکە بە شێوەی ڕیزبەندیی پیتەکانی (ئەلف بێ تێ) ئەنجام دراوە، لە هەر پیتێک وشەیەک هەڵبژێردراوە کە سەرەتاکەی بە یەکێک لە پیتەکان بێت و گفتوگۆی لەسەر کراوە، دواتر دۆڵۆز قسەی لەسەر وشەکان کردوە لە دیدگای خۆیەوە، ئامانجیش لەم کارە ئەوە بوە گفتوگۆکە ببێتە ناساندنێکی میللی بۆ فەلسەفەی دۆڵۆز. دۆڵۆز بەو مەرجە ئەم گفتوگۆیەی قبوڵ کرد کە نابێت تا پاش مەرگی خۆی بڵاوببێتەوە و ببیسترێت. ئەم کتێبە لە هەردوو زمانی عەرەبی و ئینگلیزییەوە کراوە بە کوردی.