ئەندامێکی پەرلەمانی کوردستانپەرلەمانی کوردستان ئاشکرای دەکات، پێشمەرگەکانی ڕۆژئاوای کوردستان (لەشکری ڕۆژ) بەنایاسایی مووچە لە هەرێمی کوردستان وەردەگرن.
مەحمود ساڵح، ئەندامی لیژنەی کاروباری پێشمەرگە لە پەرلەمانی کوردستان، بە دواڕۆژی ڕاگەیاند پێشمەرگەکانی ڕۆژئاوا (لەشکری ڕۆژ) هێزێکی نایاساییە، بە هیچ پێوەرێک ناکرێت لەسەر هەرێمی کوردستان مووچە وەربگرن، باشترە لەگەڵ هێزەکانی پەیەدە یەکبگرن و لەوێ مووچەی خۆیان وەربگرن.
وتیشی لە کۆبوونەوەمان لەگەڵ وەزیری ناوخۆ باسمان لەوە کردووە، کە پێویستە ئەوانە فەسڵ بکرێن، چونکە ئه و هێزە لەسەر خواستی هیچ هێزێکی باشوری کوردستان دانەمەزراون، ئەوان سەر بە ئەنجومەنی نیشتیمانی کورد- سوریا (ئەنەکەس)ەن، و بۆ دژایەتی پارتی یەکێتی دیموکرات و یەکینەکانی پاراستنی گەل دامەزراون.
وتەبێژی پێشمەرگەکانی ڕۆژئاوا (لەشکری ڕۆژ) بۆ دواڕۆژ ڕایگەیاند، ژمارەی پێشمەرگەکانی ئەوان نزیکەی 5 هەزار و 500 کەسە و سەربە فەرماندەی زێرەڤانین، کەمترین مووچەیان 512 هەزار دیناری عێراقی بووه.
شەڕڤان دێرکی، وتەبێژی پێشمەرگەکانی ڕۆژئاوا (لەشکری ڕۆژ) وتیشی جگە له و پێشمەرگانەی کە ئێستا لە ئەرکدان، نزیکەی 4 هەزار گەنجی دیکەی ڕۆژئاوای کوردستان خۆیان لە ناو لەشکری ڕۆژ ناونوس کردووە و وەک هێزی یەدەگ هەموو کاتێک ئامادەن چەک هەڵبگرن.
(ق. د.ش) فەرماندەی پێشمەگەی ڕۆژئاوا(لەشکەری ڕۆژ) بۆ دواڕۆژ وتی پیشمەرگەکانی ڕۆژئاوای کوردستان ئێستا لە میحوەری ڕۆژئاوای دیجلە لە ناوچەی(عەین عیاز) لە ئەرکدان.
بەپێی زانیارییەکانی دواڕۆژ لە دواین هێرشی سوپای عێراق بۆ کۆنتڕۆڵکردنی دەروازەی سیماڵکا لە نێوان باشور و ڕۆژئاوای کوردستان و ئیبراهیم خەلیل لە نێوان باشور و باکوری کوردستان، لە 26-ی تشرینی ساڵی ڕابردوو، لەشکری ڕۆژ بەرامبەر سوپای عێراق وەستان و 8 پێشمەرگەیان شەهیدبوو و 12 دیکەش برینداربوون.
کاوە ئەزیزی، ئەندامی ئەنجومەنی نیشتیمانی کورد لەسوریا، بۆ دواڕۆژ وتیهەموو چەکدارەکانی (لەشکری ڕۆژ) خەڵکی سوریان واتا ڕۆژئاوای کوردستان، بەڵام تا ئێستا حکومەتی هەرێمی کوردستان هیچ شتێک لەبارەی هەڵوەشاندنەوەی، یاخود نەهێشتنی مووچەکانیان بەئێمە نەوتراوە.
ساڵی ڕابردوو (ئەنەکەسە) ڕایگەیاندبوو، ئەگەر (ئەنجۆمەنی سەربازی یەکگرتووی سوریا) دامەزرا، هەوڵدەدەین پێشمەرگەکانی ڕۆژئاوای کوردستان ببنە بەشێک له و ئەنجومەنە و بگەڕێنەوە ڕۆژئاوای کوردستان و سوریا.
سەبارەت گەرانەوەی پێشمەرگەکانی ڕۆژئاوا (لەشکری ڕۆژ) بۆ ڕۆژئاوای کوردستان، نەواف خەلیل، بەرپرسی سەنتەری لێکۆلینەوەی کوردی لە شاری بۆخۆم له وڵاتی ئەڵمانیا بۆ دواڕۆژ وتی(ئەنەکەسه)‌ ناتوانێن 5 هەزار بوتلی ئاو بداتە پێشمەرگەی خۆی، چوون دەتو‌انێت 5 هەزار پێشمەرگە بەرێوەبەرێت، (ئەنەکەسه)‌ هەموو پێداویستی ئه و پێشمەرگانە لە پارتی دیموکراتی کوردستان لە باشور وەردەگرێت.
وتیشی بابەتی گەڕانەوەی (لەشکری ڕۆژ) بۆ ڕۆژئاوای کوردستان بۆ پەیەدە کۆتای هاتووە و نابێت ئه و پیشمەرگانە وەک هێزێکی جودا بگەرێنەوه ڕۆژئاوا‌.
پێشمەرگەی ڕۆژئاوا (لەشکری ڕۆژ) لە ساڵی 2012 لە باشوری کوردستان بەهاوکاری وەزارەتی پێشمەرگە دامەزرا و لە بنکەکانی سەربازی قەزای سوران و فەزای شێخان سەر بە پارێزگای دهۆک، چەندین خۆڵی سەربازی وەرگرتووه کە بەشێک له و پێشمەرگانە ژنن و ژمارەیان گەیشتووە یەک سریەی سەربازی.
ئێستا بەهێزترین هێز لە ڕۆژئاوای کوردستان یەکینەکانی پاراستنی گەل (یەپەگە) و یەکینەکانی پاراستنی ژن (یەپەژەن) و ڕازی نین هیچ هێزێکی دیکەی لە باشوری کوردستان بەناوی پێشمەر‌گە بچێتە ڕۆژئاوای کوردستان.
نوری مەحمود، وتەبێژی هێزەکانی پاراستنی گەل (یەپەگە) لە ڕۆژئاوای کوردستان بۆ دواڕۆژ وتی ئێمە هیچ هێزک بەناوی پێشمەرگە لە ڕۆژئاوای کوردستان قبول ناکەین، چونکە تا ئێستا ئێمە ئه و هێزە ناسنەکردووە و پێویستیشمان پێنیە.
وتیشی گەنجەکانی ڕۆژئاوا لە چوارچێوەی سیستەمی یەپەگە و یەپەژە لە ڕۆژئاوای کوردستان کۆتای بەداعش هێناوە، بوویە هیچ پێوستیمان بە پێشمەرگەی ڕۆژئاوا نیە.[1]
03-01-201803-01-2018