بەهارە لە هەمزە کۆری
هەمزە کۆر گوندێکە لە سنوری شارۆچکەی قوشتەپەی پارێزگای هەولێر، دەگێڕنەوە ڕێبوارێک ڕێ دەکات و دەگاتە سنوری ئەم گوندە تڕێکی گەورە دەکەنێت و ئاوڕ دەداتەوە کەس ديار نيە و دەڵێت: بەهارە لە هەمزە کۆری، پاش ماوەيەکيتر ڕێ کردن دووبارەی دەکاتەوە و ئاوڕێکيتر دەداتەوە و بەهەمان شێوە دەڵێت بەهارە لە هەمزەکۆری، بەڵام بۆ جاری سێيەم لەگەڵ تڕکردن و ئاوڕدانەوە پياوێک لەدوای خۆی دەبينێ لێی دەپرسێت کاکە لە مێژە بەدواوەمی ئەويش دەڵێت: ئەوە سێيەمين بەهارە لەدواوەتم، ئينجا ئه و ئه و ئيديۆمە بووە بەدرکە و کينايە بۆ گوزارشت لە هەپرە گونی و کاڵفامی و دەبەنگی کەسێک بەکاردهێنرێت و ئەگەر کەسێک ئه و جۆرە هەڵس و کەوت و کەودەنيەی هەبێت بەتەوس و گاڵتەوە دەوترێت(بەهارە لە هەمزە کۆری).
Questo articolo è stato scritto in (کوردیی ناوەڕاست) lingua, fare clic sull'icona
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 997