وەزارەتی تەندروستی حکومەتی تورکیا ڕایگەیاند لەمیانی ئۆپەراسیۆنی #چڵە زەیتون# بۆ سەر #عەفرین# 14 سەرباز کوژراون و 130 سەربازی دیکەش بریندار بون، ئاماژە بەوەشدەکات هیچ بریندارێک ژیانی لەمەترسیدا نیە، بەرپرسانی پەیەدەش دەڵێن “تورکیا ڕاستیەکان لە ڕای گشتی دەشارێتەوە و بەپێچەوانەوە ژمارەی کوژراو و بریندارەکانی سوپای تورکیا و چەکدارانی سورای ئازاد زۆر زیاترە”.
ئاوێنە: ئەمرۆ “هەینی” وەزیری تەندروستی حکومەتی تورکیا، ئەحمەد دەمیرجانی لە میانی لێدوانێکی بۆ دەزگاکانی ڕاگەیاندنی وڵاتەکەی ئاماری زیانەکانی سەربازەکانی سوپای تورکیا و چەکدارەکانی سوپای سوریای ئازاد ڕاگەیاند، بەپێی ئامارەکە 14 سەرباز و چەکداری ئۆپەراسیۆنی چڵە زەیتون لەکاتی هێرشکردن بۆ داگیرکردنی عەفرین کوژراون و 130 برینداریشیان هەیە، بەم جۆرە 3 سەربازی تورکیا و 11 چەکداری سوپای سوریای ئازاد کوژراون، لەبارەی ژمارەی بریندارەکانیش ئەو وتی “130 سەرباز و چەکداری سوپای تورکیا و سوریای ئازاد ڕەوانەی نەخۆشخانەکانی تورکیا کراون و هیچ بریندارێک ژیانی لەمەترسیدا نیە”.
لەلایەکی دیکەوە لەراگەیەنراوێکیدا سوپای تورکیا ئاماژە بە شەهیدبونی 343 شەرڤانی هێزەکانی سوریای دیموکرات “هەسەدە” و یەکینەکانی پاراستنی گەل “یەپەگە” دەکات. لەبەرامبەریشدا هێزەکانی سوریای دیموکرات، ئامارەکانی وەزارەتی تەندروستی تورکیا و سوپای ئەو وڵاتە ڕەتدەکاتەوە و پێیان وایە زیانەکانی سوپای تورکیا و چەکدارانی سوپای سوریای ئازاد زۆر زیاترە لەو ژمارەیەی ڕاگەیەنراوە، هەروەها میدیایەکی نزیک لە هەسەدە و یەپەکە ئاماژە بەوە دەکات بەهۆی بۆردومان و پەلاماردانەکانەوە ژمارەیەکی زۆری هاوڵاتی مەدەنی کە ژمارەیەکی زۆریان منداڵ و ژنن بونەتە قوربانی و پێدەچێت تورکیا ئەو قوربانیە مەدەنیانەی وەک شەهیدبونی گەریلاکان بۆ ڕای گشتی بڵاوکردبێتەوە.[1]
#26-01-2018#
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 4,549 car hatiye dîtin
Raya xwe li ser vî babetî binivîsin!