بۆ هەموو گەلی کوردی نیشتمان پەروەر و بەرخۆدانڤان:-
مێژوو ئەوەی سەلماندووە کە گەلی کورد گەلێکی قارەمان و خۆبەختە، سەرەڕای سیاسەتی نکوڵی، قڕکردن، بەعەرەب کردن، تورک کردن و فارس کردن، بەهەموو کەموکورتییەکانی خۆیەوە هەبوونی خۆی پاراستووە و لەمێژوودا نەسڕاوەتەوە، بەردەوام دەوڵەتە داگیرکەرەکان وتوویانە تۆ مەگەر تورک بیت یان عەرەب و فارس بیت مافی مرۆڤ ئاسا ژیان و مافی هاووڵاتیبوونت هەیە.
دەوڵەتانی زلهێزی جیهانیش بە بێ ڕاوەستان دەفکرن کەچۆن و کەی و لەکوێ لەپێناو بەرژەوەندی سیاسی خۆیاندا کوردان وەک پیۆنێک بەکار بهێنن و یارییەکەیان قازانج بکەن، توێژی سەردەستی کوردان، واتە بەکرێگیراوەکانی کوردانیش لەپێناو بەرژەوەندی تەسکی حزبایەتی و بنەماڵەیی و تاکەکەسی خۆیاندا بەردەوام لەهەوڵی هەڕاج کردن و بازرگانی کردنی گەلی ڕەنجدەری کوردن.
گەلی کورد لەڕەوشێکدا کەنموونەی لەهیچ لایەکی جیهاندا و لەمێژوودا نەبینراوە، گەلێکی گۆشەگیرکراو و تەنیایەو وەک کۆمێکی تاوانبار و تێکدەر دەبینرێت، ئەم ڕەوشەش بەدرێژایی 5 هەزار ساڵە هەیە و لەدژی ئەمە کوردان ئەوەندەی توانیویانە بەهەزار شەڕ و شۆڕ و کوشت و بڕین و کۆچبەرکردن بەئێشێکی مەزنەوە تەنیا خۆیان پاراستووە و هاتوون هەتا سەدەی بیست و یەکەم.
سەرۆک ئاپۆ و تەڤگەری ڕزگاری نەتەوەیی کوردستان بەدرێژایی زیاتر لە سی ساڵا موداخەلەی ئەم ڕەوشەی کردووە، ئەمڕۆش گەلی کوردی هێناوەتە ئاستی تێکۆشانی وەها ئیدی تەنیا خۆپاراستن و کوشت و بڕین وەک قەدەرێک پەسند ناکات، پڕ بەدنیا هاوار دەکات و هەوڵی دوایی هێنان بە تراژیدیاکانی دەدات و دەیەوێت دەستی چارەسەری دیموکراسی و ئاشتییانەی بۆ درێژ بکرێت، کەچی نە دەوڵەتانی بەناو پارێزەری مافی مرۆڤی جیهان و نەدەوڵەتانی داگیرکەری سەر کوردستانیش نەک تەنیا وەڵامی دەستی ئاشتی نادەنەوە، بەڵکو هەتا دوایی بە وەحشیەتێکی مەزن بە شەڕ و فشار وەڵامی دەدرێتەوەو تەسلیمیەت و نۆکەرێتی بەسەردا دەسەپێنرێت.
ئەمەش گرێداراو بەکۆمپلۆی نێودەوڵەتی لەچوارچێوەی کۆنسێپتێکی نوێدا بەڕێوەدەچێ. ناوی ئەم کۆنسێپتەش بێڕوومەتکردن و شکاندنی ئیرادەی کوردی سەربەخۆیە، واتە کورد ئینکار ناکات، بەڵام چارەسەرییەکی بێ سەرۆک، بێ پەکەکە بەبنەما دەگرێت، بۆیە شتێکی ڕێکەوت نییە کە لەلایەک هێرش دەکاتە سەر گەریلا و گەلی چالاکڤان و سەرۆک و لەلایەکی دیکەشەوە کوردە گوێڕایەڵەکانی خۆیان خستۆتە ناوەندی پرۆژەی ڕۆژهەڵاتی ناوینی مەزنەوەو بەڵێنی ئاواکردنی دەوڵەت و ستاتۆیەکی گرێدراوی خۆیانیان پێدەدەن.
وادیارە ساڵی 2006 زۆر بەگەرمی تێپەڕ دەبێت، دوژمن شەڕی هەمەلایەنە (تۆپ یەکون)ی ڕاگەیاندووە و پەیتا پەیتا پێکی دەهێنێت، لەسەر ئەم بنەمایەش پێویستە ئێمەش وەکو گەلی کورد لەهەرلایەک تێکۆشانێکی هەمەلایەنەی بەهێز پەیڕەو بکەین و ساڵی 2006 تەنیا وەکو ساڵی خۆپاراستن نابێت، بەڵکو بیکەینە ساڵی دیاریکردنی چارەنووسی کوردان و چارەسەری بکەینە ئامانج، لەم لایەنەوە گەرەنتی سەرکەوتن لەدەستی ئێمەدایە بەمەرجێ هەرکەس بەکاری خۆی هەستێت و لەشەڕی پاراستنی ڕوومەت و ئیرادەی خۆی و گەلەکەیدا جێ بگرێت.
هەر تاکێکی کورد، هەر دەزگا و ڕێکخراو و پارتییەک، هەر گوند و شار و شارۆچکە و شارەوانییەک هەر چین و توێژێک کە خۆی بەمرۆڤ و بەکورد دەزانێت دەبێت لەم ساڵەدا خاوەن نەخشەیەکی چالاکی بێت، ئامانجی ئەم نەخشەیەش تەنیا و تەنیا ئازادی و سەرکەوتن بەبنەما بگرێت، ئیدی بێ باوەڕی و بنکەوتن نا، بەڵکو لەسەدەی بیست و یەکەمدا بە تێکۆشینی جەوهەری خۆمان چارەنووسی خۆمان دیاری بکەین.
لەدەمی نزیک و دووردا دەبێت سێ شت بکەینە ستوونی سەرەکی نەخشەی چالاکییەکانمانەوەو هەموو هێزو توانا و بەهرەمەندییەکانمان لەو پێناوەدا بخەینە گەڕ، یەکەمیان وەکو گەلی کورد و ژنانی کورد دەبێت لە پێناو ئازادی سەرۆک ئاپۆ بەردەوام هەنگاوی بێ سەرۆک ئاپۆ ژیان نابێ هەڵبهێنین و ئەم ڕاستییە لەچوارچێوەی دروشمێک دەربخەین.
بۆ ئەمەش دەبێت هەر ڕۆژێکمان وەک 15ی شوباتی 1999 بەرۆح و بەگەرمی دەربازبکەین، بەڵام بەشێوەیەکی زانستیتر و بە ڕێکخستن بێت، چونکە 15ی شوباتی 1999 بەڕاستی شاهانە بوو، بەتەواوی مرۆڤی کورد سەلماندیان کەسەرۆک ئاپۆ بۆ ئەوان ڕاستییەکی دەست لێبەرنەدراو و ڕاستییەکی سەرەکی شەڕ و ئاشتییە، لەو بڕوایەدام جارێکی دیکە ڕەفلێکسی کوردان لەدژی کۆمپلۆ جارێکیدی بگەڕێتەوە بۆ دەمی 15ی شوبات.
مسۆگەر گۆڕانکارییەکی جددی لە ڕەوشی سەرۆکدا دروست دەکات و لەدەمێکی کورتدا زەمینەی ئازادی و سەربەستبوونیشی گەرەنتی دەکەین، چونکە ڕۆحی بەرخۆدانی و بوێری گەلی کورد لە 15ی شوباتی 1999دا ڕۆحێک بوو دنیا لەبەرامبەریدا دەلەرزی، بەم بۆنەیەوە بانگ لەتەواوی گەلی کورد و لەهەرچوار لای جیهان دەکەم کە 15ی شوباتی ئەم ساڵیش بکەینە سەرەتایەکی نوێ لەتێکۆشانی ئازادیماندا.
دووەمیان لە سەر هێڵی پاراستنی ڕەوا بێ ئەوەی خوێن ڕشتنی مرۆڤ بکەینە ئامانج و زەرەر بەیەکێتی نێوان گەلان بدەین دەبێت شانبەشانی چالاکی بەرخۆدانی دیموکراتی تەواوی گەنجان و ژنان هەریەک وەک گەریلایەک ڕووی خۆیان بکەنە چیاکان و هاوکاری لەشارەکانیشدا بەبەکارهێنانی مافی مسیللەمە(بەرپەرچدانەوە) تەنیا لە HPG چاوەڕوان نەکەن، سەرچاوەی ماددی و مەعنەوی هێزە شەڕخوازەکان و ئەو دام ودەزگایانەی دەوڵەت بکەنە ئامانج کە ڕۆڵیان هەیە لەقووڵکردنەوەی بێ چارەیی و قڕکردنی کورداندا.
گەنجان و ژنانی کورد وەک دوێنێ کردوویانە، ئەمڕۆش دەتوانن چوارچێوەی چالاکی پاسیڤ تێپەڕێنن و هەریەک وەک گەریلایەکی شار چالاکی مەزن بکەنە ئامانج، چونکە ئەمڕۆ ڕۆژی هەوڵ و هیممەتە و دانیشتن و لاوازی چالاکییەکانمان بەدەلی گەورە و ئەنجامێک کە حەقمان نەکردووە، لەگەڵ خۆیدا دێنێت، بۆ ئەمەش دەرفەت هەیەو دەوڵەت لەنێو لەزرینێکدایە و هێندە بەهێز نییە.
بۆیە چالاکی لەچوارچێوەی پاراستنی جەوهەریدا ئەنجام بدەین، ناچار دەبێت کەئیمرالی بکاتە ئەدرێسی موخاتەبی خۆی و دەستی ئاشتی بۆ کوردان درێژ بکات، کاتێک وابوو ئەوا ژن و گەنجی کورد هیوا و داخوازی ئاشتیمان بە واتا دەبێت، چونکە ئاشتی ڕەنجی دەوێت و بەدەلی گەورەی دەوێت.
لە نەخشەی چالاکییەکانی گەلدا ستوونی سێهەم پێشخستن و ڕێکخستنی سیستمی کۆنفیدڕاڵیزمی دیموکراتی کوردستانە، لەو لایەنەوە بەردەوام ڕەخنەی سەرۆک هەیە و ئاماژە بەگران حەرەکەت کردنی دامودەزگا و ڕێکخراوە بەرپرسیارەکان دەکات، پێوانێکی سەرەکی بۆ وەڵامدانەوەی شەهیدان و خاوەن دەرکەوتن لە ڕەنج و تێکۆشانی بەساڵانەی گەلەکەمان هاوکات گرێدانمان بەسەرۆکەوە ئاواکردنی سیستمی کۆنفیدڕاڵیزمە.
کۆنفیدڕاڵیزمی دیموکراتیک هێڵی چارەسەری دیموکراتی سیستمی بەڕێوەبەرایەتی جەوهەری گەلی کوردە، ئەگەر بێت و ئەم سیستمە باش تێبگەین و هەموو بوارەکانی لەژێرەوە بەرەو ژوور ڕێک بخەین، ئەوا بەهیچ شێوەیەک موحتاجی دەوڵەت نابین و بەدەستهێنانی مافی زمان و کولتوور و ناسنامەکەمان لەدەوڵەت نا، بەڵکو لەخۆمان چاوەڕوان دەکەین، لەم چوارچێوەیەدا بەشداربوونێکی هەمەلایەنە واتە سیاسی و عەسکەری و ڕێکخستنی و.... هتد ئەنجام بدەین.
دڵنیام لەوەی کە لەدەمێکی نزیکیدا ڕۆژی ئازادی کوردان لەدایک دەبێت و هەروەکو چۆن قۆناخی شۆڕشی ژیانەوەی نەتەوەییمان بەسەرکەوتوویی پێشخست، ئەوا ئەمڕۆش بەڕەنج و ئیرادەی خۆمان قۆناخی چارەسەری دیموکراتیش بەسەر دەخەین و دوایی بەتراژیدیای نەتەوەیی دێنین.
منیش وەک ڕۆڵەیەکی ئێوە بۆ بەشداربوونی چالاکییەکانتان و دانەوەی قەرزەکانم بە ئێوەی هێژا و ماندوونەناس لە یەکێک لە لوتکە چیا پیرۆزکانی کوردستاندا سەختی و سنووری دروستکراوی دوژمن لەنێوان گەریلا و گەلدا و سەرما و سۆڵەی زستان دەبەزێنم و بەچالاکییەکی ئاگرین دەمەوێت گرێدان و ڕاستگۆیی گەریلاتان پێ ڕابگەیەنم و مژدە و پەیامی ئەوە بدەم کە سەرباری هەموو کەموکورتییەکانمان هەتا زەڕەیەک فکر و ڕۆحی کوردایەتی و PKKمان تێدا بێت، سەما ئاسا و سەردار ئاری ئاسا بەئیرادە و بڕیار ئامادەین بۆ خۆفیداکردن و دەڵێم سەرکەوتن و ژیانکردن لە ژیانێکی پڕ لەئاشتی و ئازادیدا زۆر دوور نییە، ئەگەر دووریش بێت، هەرگیز زەمان ناتوانێت باوەڕی و ئیرادەی تێکۆشانمان ببەزێنێت لەدواییدا دەڵێم چ شادم کە منداڵی گەلێکی وەک ئێوەم.
بۆ گەلی کورد لەباکووری کوردستان:-
زۆر بەحەسرەتەوە بووم کە ڕۆژێک لە چیاکانی باکووری کوردستانەوە دابەزم و بەرەو گەرمایی سەرهەڵدانەکانی ئێوەوە بەڕێ بکەوم، هەموو هیواو ئاواتم ئەوەیە کە بەئازادی و لەنێو کەشێکی ئاشتیانەدا بەزمان و کولتوور و ناسنامەی نەتەوەیی خۆتان بژین و ئیدی مرۆڤ ئاسا بژیانایە، لەوانەیە من وەکو شەخس نەیبینم، بەڵام لە ئێستاوە ئەم ڕاستییە هەست دەکەم و پێی باوەڕم، زاتەن بینینی ئێمە زۆر گرنگ نییە بەس بە شەرتێک ئەو منداڵانە بیبینن کە بەدەستە خنجیلانەکەیان بەرد دەهاوێژنە ئەو کابووسانەی کە خەو و خەیاڵە ڕەنگاوڕەنگەکانیان دەشێوێنن و دواڕۆژیان ڕەش دەکەن،
سەرۆک ئاپۆ نزیکی ئێوەیە زۆر بەشانسن، بەڵام باریشتان زۆر گرانە دەزانم، چونکە ئەو تەنیا سەرۆکی گەلێک نییە، بەڵکو ئەمانەتی مرۆڤایەتی و مێژووە، بۆیە ئازادکردنی و پاراستنی زۆر زەحمەتە، ماندوونەناسی و تێکۆشانی ئێوەش بێ ڕاوەستان لێرەوە سەرچاوە دەگرێت، بۆیە پیرۆزە و منیش لەگەڵ ڕەخنەدایینی خۆمدا لەبەرامبەر ئێوەدا پیرۆزباییتان لێ دەکەم، هیوادارم لێرە بە دواوە بەهەڵمەتی کۆکردنەوەی ئیمزا بۆ ڕیفراندۆمی دیموکراتی گەلی کورد و هەموو چالاکییە دیموکراتییەکانی دیکە قۆناخی چارەسەری دیموکراتی قازانج بکەین.
لەدواییدا بانگ لەتەواوی گەلی خۆشەویستم دەکەم کە لەدەوروبەری سەرۆک ئاپۆ و دامودەزگا و ڕێکخراوەکانیدا کۆ ببینەوە و هیچ کەس و گرووپ و دەستە و تاقمێکی بێ هیوا و لاواز نەکەینە ئاستەنگ، تەنیا و تەنیا، چا‌ومان لەسەرکەوتن بێت.
لەگەڵ سڵاو و ڕێزمدا.
بۆ گەلی کورد لەباشووری کوردستان:-
سەرەتا لەناو جەرگەی چیا سەرکەشەکانی کوردستانەوە وەک کچە گەریلایەک سڵاو و ڕێز و دڵسۆزی خۆمتان پێشکەش دەکەم، هاوکات خۆشحاڵم و لەدڵەوە پیرۆزبایی ئەو سەرکەوتن و دەسکەوتە مێژووییانەی ئەمڕۆی باشووری کوردستانتان لێدەکەم کەبەرهەمی خوێنی بە هەزاران شەهید و ڕەنجی تێکۆشانی سەدان ساڵەی گەلەکەمانە، ئەو پێشکەوتنانەی ئەمڕۆ لەکوردستاندا هەیە، ئێوەی نیشتمانپەروەری دڵخۆشکردووە بەگەلێک بەدەل و قوربانیدانی مەزن و پیرۆزی وەک هەڵەبجە و ئەنفال و دەربەدەری و کوشتن و بڕین بەدەستهاتووە.
پاراستن و بەرگریکردن لەبەئیرادەبوونی گەلی کورد لەپرۆسەی دیموکراتیزەکردنی ئێراق و ئاواکردنی سیستەمی نوێی دەوڵەتدا ئەرکی هەر کوردێکی بە شەرەف و نامووسە و دژایەتی کردنیشی واتای نیازخراپییە، لێرەدا خاڵی هەرە گرنگ ئەوەیە کە گەلەکەمان بەوپەڕی هەستیاری و هۆشیارییەوە ئەم دەسکەوتانەی خۆی بپارێزێت و هەوڵی پێشخستنی بدات، چونکە دەبێت باش بزانین کەهێشتا لەکوردستان و هەرێمەکەدا بەگشتی هەڕەشەو زەنگی مەترسی شەڕ و شۆڕ و پیلانە گڵاوەکانی دوژمنان لەسەر گەلی کورد بەلاوە نەنراوە و پێویستی بەهەڵوەستەکردنێکی گشتگیرانە هەیە.
دەوڵەتانی ڕۆژئاوا بەگشتی و ئەمریکییەکانیش بەتایبەتی سەرباری ئەوەی کەخۆیان سەبەبی دروستبوونی کێشەی کوردستانن لەمێژوودا، ئەمڕۆ بێ شەرمانە پیاوەتی بەسەر ڕەنجی گەل و خوێنی شەهیدانمانەوە دەکەن، خۆیان بەخاوەن و ئافرێنەری دەسکەوتە مێژووییەکانی ئەمڕۆی کوردستان دەزانن و دەیانەوێت باشووری کوردستان بکەنە قەڵایەک بۆ پاراستنی بەرژەوەندییە سیاسییەکانی خۆیان لەرۆژهەڵاتی ناویندا، هەتا ئێستاش لەلایەک بە دوای ئەو فڕوفێڵانەوەن کە چۆن و کەی و لەکوێ کوردی باشوور لە دژی دەوڵەتانی وەک تورکیا و سوریا و ئێران بەکاربێنن.
لەلایەکی تریشەوە بۆ ئەوەی کوردان سنووری ئەو تێنەپەڕێنن و لەژێر کۆنترۆڵی خۆیدا بێت، هەوڵی ئەوەش دەدات کەباشووری کوردستان بکاتە داوێک بۆ کوردی پارچەکانی دیکەی کوردستان و بەمەش کوردان لەدژی یەکتر بەکاربهێنێت، کاتێ لە لایەک پەکەکە دەخەنە لیستی تیرۆرەوەو سەرۆک ئاپۆ دەخەنە زیندان و لەلایەکی تریش بۆ سەرۆکی پارتییەکانی باشوور و فیدراسیۆنی کوردانیش دەڵێن قبوڵە، شتێکی ڕێکەوت نییە و دەبێت باش ببینرێت و وەکو گەلی باشوور پەسندی نەکەین.
دەوڵەتانی تورکیا و سوریا و ئێرانیش بەردەوام لەهەوڵی لە باربردنی ئەزموونی باشووری کوردستانن و لەسیاسەتی دژایەتی کردن و دوژمنایەتی پاشگەز نابنەوە، هەرچی هێزی دەسەڵاتداری کوردانیشە بە تایبەتی توێژی سەردەست و بەرژەوەند پەرست و حزب و بنەماڵەکانیشە، کە لەژێر ناوی سیاسەت و کوردایەتیدا دەمامکیان لە ڕوی خۆیان داوە و بازرگانی بەخوێنی گەلەوە دەکەن، لەقۆناخێکی وەها چارەنووسساز و گرنگدا کە لەهەر چوارپارچەی کوردستان و لەباکووری کوردستاندا بەتایبەتی گفتوگۆ لەسەر ئەوە دەکرێت دیالۆگی چارەسەری سیاسیانەی کێشەی کورد بکرێت.
وتنی بەڕێز مام جەلال کە بە تورکیا و ئەمریکا دەڵێت با ئاپۆ بێ دەنگ بکەن عەیبێکی زۆر گەورەیە و پێویستە پەسند نەکرێت، ئیدی شەرمە بۆ کوردان کە لەدژی یەکتری پیلان و تەڵە دابنێن، چونکە لاوازی کوردی هەر پارچەیەک دەبێتە لاوازی تەواوی کوردستان و چارەنووسی هەر چوارپارچەی کوردستان وەکو گۆشت و نینۆک پێکەوە گرێدراون، بەتایبەتی هەتا کێشەی کورد لە پارچەی مەزنی کوردستان واتە باکووردا چارەسەر نەکرێت مەحاڵە کوردی پارچەکانی دیکە بەشەرەف و بەئازادی بژین، لەسەر ئەم بنەمایە بانگ لە تەواوی گەلی کوردی باشووری کوردستان دەکەم کە بێ دەنگی و بێ بەرپرسیارێتی لەبەرامبەر شۆڕشی باکووری کوردستان پەسند نەکەن، چونکە بێ دەنگی دەبێتە هۆی مردن و بە مردوویی لەدایکبوونی ئیرادەو دەسکەوتی نوێی کورد لەباشووردا و زۆر درێژە ناکێشێت.
باهەموو ژن و منداڵ و گەنج و پیر و ڕۆشنبیر دەنگی خۆیان بۆ ڕیفراندۆمی دیموکراتی و پاراستنی سەرۆک ئاپۆ و پەسندکردنی وەک ئیرادەی سیاسی کورد بدەن، بەهەموو هێز و تواناکانیانەوە پشتگیری خۆیان لەگەڵا چالاکییەکانی گەل لەهەموو پارچەکانی دیکەی کوردستاندا بکەن، لەم لایەنەوە بیروباوەڕی من بە ڕۆحی بەرخۆدانی گەلەکەم هەیە، چونکە گەلی باشوور گەلی خۆبەختکردن و گەلی هەڵەبجە و سەرهەڵدانی ئازادییە.
منیش وەک کچێکی ئێوە نزیکی 10 ساڵە بە کولتووری بەرخۆدانی کە لەئێوەوە وەرمگرتووە و ئەو زانابوون و ئیرادەیەی کە لەسەرۆک ئاپۆ و پەکەکە و تەڤگەری ئازادی ژنی کوردەوە وەرمگرتووە، لەچیاکانی کوردستاندا لەهەوڵ و تێکۆشاندام بۆ ئازادی گەلی کورد و ژنی کورد و هەموو هەوڵا و هیوا و ئاواتێکم ئازادی گەلی کوردی هەر چوارپارچەیەو دیموکراتیزەبوون و ئازادی زیهنییەتە لەباشووری کوردستاندا و دوای هێنان بە ئینتیحار و بێچارەیی و کۆیلایەتی ژن و ڕاکردنی گەنجان لەوڵاتی خۆیان و هەموو کێشە کۆمەڵایەتییەکانی دیکە.
لەسەر ئەم بنەمایەش ئەمڕۆ بەچالاکییەکی گیانبازی دەمەوێت هەڵوێستی خۆم بۆ گرێدان بەم ئامانجەوە نیشان بدەم و پەیامێک بەئێوەی هێژاش بگەیەنم ئەم چالاکییەی من وەک ئینتیحاری ئەو ژنانە نییە کە لەبێزاری و بێچارەییەوە سەرچاوەی گرتبێت، بەڵکو چالاکییە لەپێناو ئەشقی ژیان و پێشخستنی زیهنییەتی چالاکی ئازادیدایە و درێژەپێدەری نەریتی بەرخۆدانی ژنانی وەک لەیلا قاسم و زیلان و سەما یوجەکانە، چەند شاد دەبم بەوەی کە ئەم پەیامانەم و چالاکییە بگاتە گوێی تەواوی گەلەکەم و تەواوی گەلی کورد و کەمێکیش بێت وزەیەک بدەمە تێکۆشین و جموجوڵێکی نوێ لەنێو گەلی باشووری کوردستاندا.
لەدواییدا وەک کادیرێکی ژنی باشووری کوردستان ڕەخنەی خۆم دەدەم بەوەی کە وەک پێویست پێشەنگایەتییەکی بەهێزم ئەنجام نەدا و سەرۆک ئاپۆ و ئایدیۆلۆژیای ڕزگاری ژن کە ئایدیۆلۆژیای شۆڕشی کۆمەڵایەتی باشوورە بەباشی پێم نەناساندن.
لەگەڵ ڕێز و سڵاومدا
1ی شوباتی 2006
بژی ڕێبەر ئاپۆ
بژی پەکەکە و پەکەکە
بژی کەژەبە و کەکەکە
بژی هەپەگە و یەژاستار
بژی هەموو شەهیدانی ڕێگای ئازادی
بمرێت خیانەت و کۆمپلۆی نێودەوڵەتی
بمرێ هەموو جۆرە پاشڤەڕۆیەتی و دەسەڵاتدارێتی
ڤیان جافڤیان جاف
01-02-200601-02-2006