باکووری کوردستان
- لە پارێزگای وانوان، پاسێکی نەفەرهەڵگر بەهۆی بەستنی رێگاوبان کۆنترۆڵی لەدەستدا و وەرگەڕا. لە رووداوەکەدا دوو کەس گیانیان لەدەستدا و 22 ی دیکەش برینداربوون.[3]
باشووری کوردستان
- بەهۆی خەرجنەکردنی پارەی گەنمی ساڵانی ڕابردوو لەلایەن حکومەتی عێراقەوە، بەشێک لە جوتیارانی سنوری پارێزگای هەڵەبجەهەڵەبجە گردبوونەوە و داوای خەرجکردنی پارەی گەنمەکانیان کرد.[1]
- کۆبوونەوەی پەرلەمانی عێراق دەستیپێکرد و پەرلەمانتارانی کورد باکۆتی دانیشتنەکەیان کرد بەهۆری هەوڵی سەرۆکی پەرلەمان بۆ دەنگدان لەسەر پرسی تاوتوێی بودجەبودجەی 2018 بەبێ جێکردنەوەی داواکارییەکانی کورد لەو پڕۆژەیاسایەدا.[2]
- دادگای باڵای فیدراڵی عێراق وەڵامی تانەیەکی ئەنجومەنی پارێزگای کەرکوککەرکوکی دایەوە کە سەبارەت بە هەڵکردنی ئاڵای کوردستانئاڵای کوردستان لە فەرمانگە حکومییەکانی کەرکوک پێشکەشیکرابوو، جەختیشیکردەوە کە ئەوە لەچوارچێوەی تایبەتمەندی دادگاکەیاندا نییە.[2]
- لەکۆبوونەوەی هاوپەیمانی بۆ دیموکراسی و دادپەروەری لە سلێمانی 15 ئەندام وەک ئەنجومەنی بەڕێوەبردنی ئه و حزبە بە زۆرینەی دەنگ هەڵبژێردران.[2]
- دەزگای خێرخوازیی بارزانیدەزگای خێرخوازیی بارزانی بە بەشداری دەیان بەرپرسی حیزبی و حکومی و کونسوڵخانە و کۆمپانیا و دامەزراوە یەکەمین کۆنفرانسی ساڵانەی سازکرد و تێیدا کۆی کار و چالاکییەکانی لە ساڵی 2017 دا خستنەڕوو.[3]
- خاوەنی موەلیدە ئەهلییەکانی شاری سلێمانیسلێمانی بڕیاریانداوە بەهۆی جیاوازی نرخ و جێبەجێنەکردنی داواکاریەکانیانەوە، لە ئەمڕۆوە، کارەبای موەلیدە لە سەرجەم هاوڵاتیانی شارەکە بکوژێنەوە.[2]
رۆژئاوای کوردستان
- شەوی ڕابردوو، هێزەکانی سوپای تورک هێرشیان کردە سەر گوندەکانی سەربە شارۆچکەی شییەی کانتۆنی عەفرینعەفرین، شەرڤانان بەتووندی وەڵامیان دانەوە. لە ئەنجامی بەرخۆدانی شەوێ ڕابردووی شەڕڤاناندا، هەشت سەرباز و چەتەی سەربە سوپای تورک کوژران و لاشەکانیان کەوتە دەستی شەڕڤانانەوە.[1]
- تۆپیخانەکانی تورکیا بەچڕی گوندەکانی معەسکەرە و زیتوناک و سعرنجکەی لە ناوچەی شەرا لە سنوری هەرێمی عەفرینی رۆژئاوای کوردستانیان بۆردومانکرد و قوربانی لێکەوتووەتەوە.[2]
- رۆژنامەیەکی تورکی ئاشکرایکرد بڵاوبونەوەی گرتەڤیدیۆییەکی نوێ کە لە شاری قامیشلۆقامیشلۆ تۆمار کراوە دەریدەخات کە ئەمریکا زریپۆش و هاوکاری سەربازیی زیاتر رەوانەی یەپەگەیەپەگە دەکات.[2]
- سەدان هاوڵاتی شاری منبیج بۆ ئەوەی بەشداری کاروانی هاوڵاتیانی جزیرەجزیرە، حەسەکەحەسەکە، کۆبانێکۆبانێ و شەنگالشەنگال بن، لە بەشی ڕۆژهەڵاتی شاری منبیج گردبوونەوە.[1]
- هێزەکانی سوپای تورک ناوەندی شاری جندرێسی سەربە کانتۆنی عەفرین تۆپباران دەکەن.[1]
- فەرماندەیی هێزەکانی سوریای دیموکرات ڕایگەیاند، کە لە ئەنجامی بەرخۆدانی چەند ڕۆژەی شەڕڤانان، گوندی شێخۆرز و گردەکانی دەوروبەری لە هێزەکانی سوپای تورک پاککرانەوە.[1]
- بۆ جاری دووەم، سوپای تورک گۆرستانی شەهید سەیدۆ-ی لە شارۆچکەی جندرێس-ی سەر بە عەفرین بۆردوومانکرد.[1]
دەرەوەی کوردستان
- پۆلیسی ئیتالیا هێرشی کردە سەر خۆپیشاندەرانی کورد و چالاکوانانی ئیتالی کە لە دژی چوونی ئەردۆگانئەردۆگان بۆ لای پاپا فرانسیس لە بەر دەم کۆشکی سەن ئانجێلۆی ڕۆما گردبوونەوەو هێرشەکانی تورکیان بۆسەر عەفرین شەرمەزارد.[1]
- بەهرام قاسمی، گوتەبێژی وەزارەتی دەرەوەی ئێران رایگەیاند: پێویستە تورکیا ئۆپەراسیۆنە سەربازییەکانی لە عەفرین بووەستێنێت و لەوبارەیەوە چاوێک بە هەڵوێستەکانیدا بخشێنێتەوە.[3]
- لە تارانی پایتەختی ئێران، کەمپەینێک لەلایەن 600 هونەرمەندانی ئێرانیەوە دەستپێکرا بۆ پشتگیریی عەفرین و شەرمەزارکردنی هێرشەکانی سوپای تورک، کەمپیەینەکەش بەردەوامیی هەیە.[1]

#وان | #هەڵەبجە | #بودجە | #کەرکوک | #ئاڵای کوردستان | #دەزگای خێرخوازیی بارزانی | #سلێمانی | #عەفرین | #قامیشلۆ | #یەپەگە | #جزیرە | #حەسەکە | #کۆبانێ | #شەنگال | #ئەردۆگان |