دواڕۆژ، زریان محەمەد
هاوردەکردنی سوتەمەنی لەخاڵە سنورییەکانی نێوان کۆماری ئیسلامی ئێران و هەرێمی کوردستانەوە بەردەوامە و لەماوەی پێنج مانگدا زیاتر لە 7 هەزار تانکەر هاتوونەتە ناو هەرێم لە سێ خاڵی سنورییەوە.
سیروان محەمەد، سەرۆکی ژووری بازرگانی و پیشەسازی سلێمانی بەدواڕۆژی ڕاگەیاند هەوڵەکانمان بەردەوامە لەگەڵ کۆمپانیاکانی هاوردەکردنی سوتەمەنی و لایەنی حکومی تا باشترین سوتەمەنی بێتە کوردستانەوە.
وتیشی لە سێ دەروازەی هەرێمی کوردستانەوە کە هاوسنورن لەگەڵ کۆماری ئیسلامی ئێران سوتەمەنی هاوردە دەکرێت، لە سلێمانی لە دەروازەی باشماخ و پەروێزخانەوە دێت و لە سنوری هەولێریشەوە لە حاجی ئۆمەرانەوە دێت.
ئاماژەی بەوەشدا لەماوەی پێنج مانگی ئەمساڵدا بەپێی ئەو داتایەی لامانە لە 1ی کانونی دوەمی 2018وە تا 15ی ئایاری 2018 لەسنوری باشماخ 3632 تانکەر هاتووە و لە پەروێزخانەوە 2132 تانکەر هاتووە، لە حاجی ئۆمەرانەوە 1656 تانکەر سوتەمەنی هاتووە.
سەرۆکی ژووری بازرگانی سلێمانی جەختدەکاتەوە کۆبونەوەیان لەگەڵ کۆمپانیاکانی هاوردەکردنی سوتەمەنی بۆ ئەوەبووە کە بتوانرێت لەگەڵ بەرپرسانی دەروازە سنورییەکان و بەڕێوەبەرایەتی نەوت و کانزاکان کێشە و داواکارییەکانیان بۆ چارەسەر بکرێت.[1]
#17-05-2018#
Bu makale (کوردیی ناوەڕاست) dilinde yazılmıştır, makaleleri orijinal dilinde açmak için
sembolüne tıklayın!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Bu başlık 2,411 defa görüntülendi
Bu makale hakkında yorumunuzu yazın!