لیژنەی لەناوبردنی ماددە هۆشبەرەکان لە #سلێمانی#، بڕێک ماددە و حەبی هۆشبەری سوتناند، کە 118 تاوانباری لەسەر سزا دراوە.
ئەمڕۆ لە ناوچەی تانجەرۆی شاری سلێمانی، لیژنەی هاوبەشی لەناوبردنی ماددە هۆشبەرەکان، بڕێک ماددە و حەبی هۆشبەریان سوتاند.
ماددە و حەبەکان بریتیی بوون، لە نزیکەی 2000 حەبی ترامادۆڵ، 87گرام ماددەی کریستاڵ، 580گرام تلیاک، 2کیلۆگرام حەشیش، نزیکەی 4000 دەنک حەبی جۆراوجۆر.
ئەم ماددە و حەبانە لەسنوری پارێزگای سلێمانی لەماوەی ساڵەکانی 2016-2018 دەستی بەسەردا گیراوە، کە 118 کەسی لەسەر سزادراوە لە دادگاداکانی سنوورەکەدا.
لەدوای ئەوەی دادگایی ئەو کەسانە تەواو بووە کە لەسەری دەستگیرکراون، دادوەر بڕیاری لەناوبردنی ماددە و حەبەکانیی داوە.[1]
#08-08-2018#