باکووری کوردستان
- لە ناوچەی کانی ڕەشی چەولیکی باکوری کوردستان، شەڕی دژوار لە نێوان گەریلاکانی هەپەگەهەپەگە و سوپا داگیرکەرەکی تورکیا ڕوویدا. مەدیاکانی تورکیا قەومانی شەڕەکەیان پشتڕاست کردووتەوە، بەڵام بانگەشەیان کردووە، لە شەڕەکەدا تەنها سەربازێک کوژراوە و 2ی دیکەش بریندار بوون.[2]
- ئه و ئاگرەی بەهۆی بۆمبارانی سوپای تورکیای داگیرکەر لە دارستانەکانی هەرێمی دێرسمدێرسم-ی باکووری کوردستان کەوتبووەوە، لە ڕۆژانی ڕابردوو لە لایەن ژینگەپارێزان و خەڵکی ناوچەکە دامرکێندرا. بەڵام بەرەبەیانیی ئەمڕۆ جارێکی دیکە سوپای تورکیای داگیرکەر هەرێمەکەی بۆمباران کرد و بەهۆیەوە دیسان ئاگر لە دارستانەکان بەربوو.[2]
رۆژهەڵاتی کوردستان
- بوومەلەرزەبوومەلەرزەیەک بە گوڕی 6.1 رێختەر، زۆربەی ناوچەکانی رۆژهەڵاتی کوردستانی گرتەوە، لە کرماشانکرماشان و دەوروبەری قوربانیی لێکەوتەوە، سەدان بریندار هەیە و دەیان خانوو رووخاون[1]
- تەرمی هەر چوار ژینگەپارێزەرەکەی مەریوانمەریوان کە دوێنێ لە کوژاندنەوەی دارستانەکانی مەریوان گیانیان لەدەستدا، بە بەشداریی هەزاران کەس بەخاک دەسپێردرێن.[1] ڤیدیۆی مەراسیمەکە
باشووری کوردستان
- بوومەلەرزە زۆربەی ناوچەکانی باشووری کوردستانی گرتەوە.[1]
- پێشنیوەڕۆی ئەمڕۆ، لە پارکی لەیلا قاسم لە شارۆچکەی کەلارکەلاری ناوەندی ئیدارەی گەرمیانگەرمیان، دەستەی داکۆکی لە مافی مامۆستایانی گەرمیان، گردبوونەوەیەکیان دژی گرانی نرخ و گەندەڵی لە پرۆژەی یەکەی نیشتەجێبوونی مامۆستایان، کە بڕیارە بۆ مامۆستایانی گەرمیان دروستبکرێت، ئەنجامدا.[3]
- هەر چوار لایەنی بزوتنەوەی گۆڕان و یەکگرتوو و کۆمەڵی ئیسلامیی و هاوپەیمانی بۆ دادپەروەری و دیموکراسی ڕێککەوتن لەسەر دروستکردنی هاوپەیمانێتییەکی هاوبەش لە عێراق.[4]
- گوتەبێژی پارتی دیموکراتی کوردستانپارتی دیموکراتی کوردستان پۆستی سەرۆککۆمار بەمافی پارتەکەی دەزانێت و رایدەگەیێنێت، پۆستەکان بەخاڵ دابەشدەکرێت و بەپێی ئەو خاڵانەش، دەبێت پۆستی سەرۆککۆمار بۆ پارتی بێت.[5]
- لە شارۆچکەی خورماتووخورماتوو لەلایەن چەکدارانی نەناسراوەوە دەستڕێژی گوللە لە هاووڵاتییەکی مەدەنی کرا و کوژرا، لەسەر رێگەی کەرکوککەرکوک-بەغداش داعشداعش کەسێکی ڕفاند و وێنەکەشی بڵاوکردەوە.[4]
- لە سەردانەکەیدا بۆ گەرمیان قوباد تاڵەبانیقوباد تاڵەبانی لە گەڵ نوێنەری مامۆستایانی ناڕازیی کۆبوەوە و بەڵێنی پێدان سەبارەت بە گرانی نرخی یەکەی خانووی مامۆستایان هەوڵی جددی بدات بۆ کەمکردنەوەی نرخەکەی.[4]
- لە مەراسیمێکی شکۆداردا و بە ئامادەبوونی بەرپرسانی حکومیی و حزبیی و کەسوکاری شەهیدان و خانەوادەکەی، لە شارۆچکەی پێنجوێنپێنجوێن-ی سەر بە پارێزگای سلێمانی، چلەی شەهید ئیقبال مورادیئیقبال مورادی بەڕێوەچوو.[3]
رۆژئاوای کوردستان
- یەکینەکانی پاراستنی گەل (یەپەگەیەپەگە) رایدەگەیەنێت، هیچ زیندانێکی سیاسی لە زیندانەکانی رۆژئاوای کوردستان نییە.[4]
دەرەوەی کوردستان
- سەناتۆری دیاری ئەمریکی جۆن مەککین، سەر بە پارتی کۆماری ئەمریکا لە تەمەنی 81 ساڵیدا کۆچی دوایی کرد. کۆچکردوو پەیوەندی باشی لەگەڵ کورد هەبوو و چەندینجار سەردانی باشووری کوردستان و ساڵی 2017ی ش سەردانی کۆبانێکۆبانێی کرد بوو.[1]

#هەپەگە | #دێرسم | #بوومەلەرزە | #کرماشان | #مەریوان | #کەلار | #گەرمیان | #پارتی دیموکراتی کوردستان | #خورماتوو | #کەرکوک | #داعش | #قوباد تاڵەبانی | #پێنجوێن | #ئیقبال مورادی | #یەپەگە | #کۆبانێ |