باکووری کوردستان
- لە نێوان گوندەکانی کوملوپنار و کۆجابەی لە ناوچەی هەزۆ لە پارێزگای ئێلح بەهۆی ئۆپراسیۆنی سوپای تورکیاوە شەڕ ڕوویدا. لەو شەڕەدا 2 سەرباز برینداربوون و گوسترانەوە بۆ نەخۆشخانەی حکومیی هەزۆ و دواتر ئەو 2 سەربازە لە نەخۆشخانە بەهۆی قورسیی برینەکانیانەوە مردن.[4]
- ئەمڕۆ هاوسەرۆکایەتیی کۆنسەی بەڕێوبەری کۆما جڤاکێن کوردستان- کەجەکە، لەبارەی سووتاندنی دارستانەکانی کوردستانەوە ڕاگەیەندراوێکی بڵاوکردەوە. کەجەکە لە ڕاگەیەندراوەکەیدا، سووتاندنی دارستانەکانی دەرسیمدەرسیم تا ئامەدئامەد و بۆتان تا قەندیلقەندیلی بە تاوانێکی دژە مرۆڤانە ناوناوە و بێدەنگیی دەوڵەتانی ئەوروپایی، ئەمریکا و نەتەوە یەکگرتووەکانی بە بەشداری لەو تاوانەدا زانیوە.[2]
- بەرەبەیانی ئەمڕۆ، لە گەڕەکی گیناڤاز لە ناوچەی نسێبینی سەر بە مێردین، کاتێک کە ئۆتۆمبێلێکی زرێپۆشی سەربازیی تێپەڕ دەبوو، بۆمبێکی پێدا تەقیەوە.[4]
- والیی تورکیا لە شاری دەرسیم، قەدەغەی هاتووچۆی لە 31 هەرێمی ئەو پارێزگایە ڕاگەیاند. بەشێک لەو هەرێمانە بریتین لە هەرێمەکانی ناوەندی دەرسیم، ناوچەی پولور، ناوچەی پیلەمووری، ناوچەی خۆزاد و ناوچەی قسڵە، کە لە سبەینێوە هەتا 15 ی ئەیلول هاتووچۆیان تێدا قەدەغە کراوە.[4]
- بە گوێرەی ڕاگەیەنراوی پارێزگەی جۆلەمێرگجۆلەمێرگ، لە شارۆچکەی خرڤاتەی سەر بە ناوچەی گەڤەری جۆلەمێرگ لە ئەنجامی تەقینەوەیەکدا سەربازێکی تورکیا کوژراوە.[4]
- ئه و ئاگرەی کە دوێنێ بەهۆی تۆپبارانی سوپای تورکیای داگیرکەر لە دەڤەری گردی بێمرگێ و شلێرووت لە هەرێمی چیای جوودی کەوتەوە سات بە سات تەشەنە دەکات.[4]
رۆژهەڵاتی کوردستان
- سەرلەبەیانیی ئەمڕۆ لە بەرزاییەکانی چیای ئاوییەری شاری سنەسنە، ژمارەیەکی زۆر لە هاوڵاتیان گردبوونەوە و یادی شەهیدانی ژینگەیان بەرز ڕاگرت. هاوڵاتیان بە بەرزکردنەوەی وێنەی شەریف باجوەرشەریف باجوەر، ئۆمێد حسێن زادە، ڕەحمەت حەکیمی نیا و محەمەد پەژوهی، و وتنەوەی دروشمی شەهیدان نامرن، یادی ئەو شەهیدانەیان کردەوە.[2]
- هاووڵاتییەکی کورد بە ناوی مەهدی خۆگەر خەڵکی گوندی دەلی سەر بە شاری سەوڵاواسەوڵاوا بەهۆی تەقینەوەی مین بە سەختی بریندار بوو. ئەم هاووڵاتییە کوردە لە لە کاتی کاری وەرزێڕیدا تووشی ئەم ڕووداوە هاتووە کە بووەتە هۆی برینداربوونی لاقی.[6]
- دوو هاووڵاتیی کورد بە ناوەکانی سیروان هوشمەند و موختار وەلیپوور خەڵکی شاری مەریوانمەریوان لە کاتی کۆبوونەوە لە بەردەم دەکەی شەریف باجوەر دەسبەسەر کران.[6]
باشووری کوردستان
- تەرمی شەهید ماهیر سەرحەد، کە لەگەڵ مام زەکی شەنگالی کرابووە ئامانجی هێرشی فڕۆکە جەنگییەکانی سوپای تورک و برینداربووبوو دوای 14ڕۆژ پێرێ شەهید بوو، بەخاکسپێردرا.[2]
- فڕۆکە جەنگییەکانی تورکیا بۆردومانی سنوری شارەدێی سیدەکانسیدەکانی دەستپێکردەوە و بەوهۆیەشەوە ئاگرێکی گەورە لەناوچەکە کەوتە.[3]
- تاوەکو دێت ناڕەزایەتییەکان لە گەڕانەوەی عەرەبەکان بۆ شارۆچکەی سنوونێ لە باکووری ڕۆژئاوای شنگالشنگال زیاددەکات و دانیشتوونی شنگال دەڵێن، ئەو عەرەبانەی گەڕاونەتەوە هاوکاری داعشداعش بوون.[1]
- بە ئامادەبوونی ژمارەیەکی زۆر لە سەرکردەکانی یەکێتی و لێپرسراوانی حزبی و حکومیی، لە شاری کەرکوککەرکوک یادی 30 ساڵەی شەهیدکردنی ئازاد هەورامیئازاد هەورامی کرایەوە.[5]
- شێخ عەمەر عەجاج، سەرۆکی عەشیرەتی شێخ خەلەف و گەورەی گوندی گوهبەل، باسی فەرمانی 3ی ئاب دەکات و لەبارەی نەگەڕانەوەی ئێزدییەکان بۆ گوندەکانیان ڕەخنە لە حکومەتی عێراق دەگرێت، هەروەها بانگەوازیی سەرۆک عەشیرەتە عەرەبەکانی کرد، کە ئەو کەسانەی هاوکاریی فەرمانەکەیان کردووە بدۆزنەوە و ڕادەستی عەدالەتیان بکەن.[2]
- سەرۆکی فراکسیۆنی یەکێتی لە پەرلەمانی کوردستان ڕایدەگەیەنێت، شەرمە بۆ ئه و کەسانەی کە لە ئەم ڕۆژە شەرمهێنەرەی 31ی ئاب دا، برینەکان هەڵدەدەنەوە.[5]
- لە شاری کەرکوک ئەمڕۆ بەئامادەبوونی سەدان کەس یەکەم ڕۆژی پرسەی گەریلای شەهیدی هەپەگەهەپەگە گۆران محەمەد ناسراو بە سەرکەوت گابار لە مزگەوتی گوندی گورگەچاڵ بەڕێوەچوو.[4]
- لە کاتژمێر 7ی بەیانی ئەمڕۆوە ئاگرێک لە زنجیرە چیای سەفین کەوتەوە.[3]
- وتەبێژی دەستەی مافی مرۆڤی هەرێم ڕایدەگەیەنێت، لەماوەی 10 ڕۆژدا لە هەرێم 10 هاووڵاتی کوژراون و خۆیان کوشتووه و دەڵێت دیاردەکانی کوشتن بە دەزگا ئەمنییەکانی هەرێم کۆنتڕۆڵ ناکرێت و چاوەڕێی دۆخی خراپتر دەکرێت.[3]
- دانیشتوانی شارۆچکەی خانەقینخانەقین لەهەڵمەتێکدا هەزاران سێت ئاوی خواردنەوەیان بۆ هاوکاریکردنی پارێزگای بەسڕە کۆکردەوە و دوێنێ هەینی ڕەوانەی پارێزگاکەیان کرد.[3]
رۆژئاوای کوردستان
- ژووری چالاکییەکانی تووڕەیی زەیتوون ڕایگەیاند، لە ئەنجامی چالاکییەکی هێزەکانیان لە ناوچەی شیێی عەفرینعەفرین سەرچەتەیەکی فەیلەقی شام بە ناوی زیاد محەمەد خەیووب کوژراوە. ژووری چالاکییەکانی تووڕەیی زەیتوون دیمەنی چالاکییەکەشی بڵاوکردەوە.[4]
- پێنتاگۆن قۆناخی دووەمی جێبەجێکردنی نەخشەڕێگەی منبجی ڕاگەیاند و وەزیری بەرگریی ئەمریکاش دەڵێت، ئامادەکاری پێویستکراوە و بەمزووانە ڕاهێنانی هاوبەش دەستپێدەکەن و دواتریش دەستدەکەن بە دروستکردنی گەشتی هاوبەشی سەربازیی ئەمریکا و تورکیا لە منبج و دەوروبەری.[1]
دەرەوەی کوردستان
- ڕەجەب تەیب ئەردۆغانڕەجەب تەیب ئەردۆغان سەرکۆماری تورکیا ڕاگەیاند لە باکوری عێراقەوە ❞هەرێمی کورستان❝ هێرش دەکرێتە سەرمان ئەوەش وەک ئاماژەیەک بۆ ئه و پێکدادانانەی کە لەنێوان سوپای تورکیاو پارتی کرێکارانی کوردستان (پەکەکەپەکەکە) لە سەر سنوری نێوان هەرێم و تورکیا ڕوودەدەن. ئەمڕۆ هەینی 31ی ئاب ڕەجەب تەیب ئەردۆغان لە وتارێکدا ڕاگەیاند داوای چەکی قورسمان لە هاوبەشەکانمان کردووە پێیان نەداوین و داوای فڕۆکەی ئێف 35 مان کردووە و ئەگەر پێمان نەدەن هەڵویستمان دەبێت، وتیشی تورکیا ڕووبەڕووی پیلانگێڕی دەبێتەوە کە دواترینیان سزا ئابورییەکانی ئەمریکایە.[3]