لە سنووری شارۆچکەی #کەلار#، بەهۆی سێ ڕووداوی هاتووچۆوە، دوو هاوڵاتی گیانیان لەدەستدا و شەش هاوڵاتی دیکەش بریندار بوون.
شەوی ڕابردوو، لە سنووری شارۆچکەی کەلاری ناوەندی ئیدارەی #گەرمیان#، سێ ڕووداوی هاتووچۆی یەک لەدوای یەک ڕوویاندا و به و هۆیەوە دووهاوڵاتی بە ناوی عەزیز قادر و ئارام ئەحمەد گیانیان لەدەستدا کە دانیشتووی شارۆچکەکەن.
ڕووداوی یەکەم لەسەر ڕێگای گشتی نێوان شارۆچکەی کەلار و شارەدێی ڕزگاری پێکدادانێک بوو لە نێوان دوو ئۆتۆمبیل لە جۆری، تۆیۆتا هایلۆکس و نیسان ناڤارا ڕوویدا، به و هۆیەوە پێنج کەس برینداربوون و ڕەوانەی نەخۆشخانەی شەهید هەژار کران لە کەلار.
لە ڕووداوی دووەمدا، لە ناوشارۆچکەی کەلار و لە گەڕەگی 'گازینۆ'، ئۆتۆمبێلێکی جۆری (توێتا ئەڤەلۆن)، لەدوو گەنجیدا، دەستبەجێ یەکێکیان گیانی لەدەستدا و ئەوی دیکەشیان بەسەختی بریندار بوو، دوای گەیاندنی بە نەخۆشخانەی فریاکەوتنی شەهید هەژار، لەبەر سەختی برینەکەی ڕەوانەی نەخۆشخانەی فریاکەوتنی #سلێمانی# کرا، لە ڕێگادا گیانی لەدەستدا.
لە ڕووداوێکی دایکەدا لەسەر ڕێگای گشتی کەلار - سلێمانی، لەنزیک گوندی قولەبەرزی سەر بەشارەدێی باوەنور، ئۆتۆمبیلێک کۆنترۆڵی لەدەستدا و کەوتە دۆڵێک و به و هۆیەوە شۆفێرەکەی بەسو‌وکی بریندار بوو.
دەربارەی هۆکاری ڕووداوەکان، کارزان مەجید، وتەبێژی پۆلیسی هاتووچۆی گەرمیان بۆ ڕۆژنیوز دواو و هۆکارەکانی بۆ تیژڕەوی گێڕایەوە.[1]
#14-09-2018#