هەتا نەبينی بەفری زستان، تێرناخۆی لەباغ و بێستان
بەفر بارين لە زستاندا لەگەڵ ئەوەی ژيانی جوتياری و ئاژەڵداری نالەبار و ناگوزەرانتر دەکات، بەڵام وەرزێر و مەڕداری کورد هەر پێخۆشحاڵ دەبن کە هەموو وەرزێک بەوەرزی خۆی بکات، چونکە کە بەفر دەبارێت ڤايرۆس و زيندەوەران لەخاک دەکوژێت و شيکردنەوەی ئۆرگانی و کيميايی و ئەندامی لەناو گەردەکانی خاک و زيندەوەرۆچکە ڕوودەدات و بەمەش شيکردنەوەکان دەبنە پەيين و خاک بەپيت دەکەن و کۆمەڵێک ئالوگۆڕکاری لەنێو مادە و گەرد و هەواگۆڕکێی خاک ڕوودەدات، وەرزێر لەمەوە هەستی به و گۆڕانگارييانە کردووە دوای بەفرێکی زۆر هەستيکردووە ئاوی ژێر زەوی و سەر زەوی و کارێز و کانياوەکان زياديکردووە، ڕووەک تێر ئاو بووە و خاکيش بەتەواوی ئامادە بووە بۆ پەروەردەکردنی ڕووەک و باغ و بێستان بەمەش ساڵێکی پڕهات و بەرەکەتبار بووە و مرۆڤ تەواو تێری خواردووە لە بەروبومەکانی ئه و ساڵەدا بۆيە کورد لە دێر زەمانەوە ئەمەی وەک دەربڕ بەکارهێناوە و وتويەتی(هەتا نەبينی بەفری زستان، تێرناخۆی لەباغ و بێستان)
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 1,671 mal angesehen