40٪ی شاری #کەرکووک# پرۆژەی ئاوەڕۆی باراناوی بۆ نەکراوە و مەترسیی پەنگخواردنەوەی ئاوی باران و دورستبوونی لافاو لەو ارە دەکرێت، بەڕێوبەری ئاوەڕۆی کەرکووک-یش دەڵێت: جێبەجێکردنی ئەو پرۆژەیە پێویستی بە 200 ملیارد دینارە.
لەکاتی ڕژێمی بەعس-دا،90٪ی کەرکووک بێبەش بوو لە پرۆژەی ئاوەڕۆی باراناویی، لە دوای ڕووخانی ئەو ڕژێمە لە ساڵی 2003 دەستکرا بە جێبەجێکردنی پرۆژەی ئاوەڕۆی باراناویی و تا ساڵی 2014 ماوە ماوە کارکردن بەردەوامیی هەبوو، بەڵام دواتر ڕاگیرا و هێشتا بەشیکی زۆری گەڕەکەکانی کەرکووک بەهۆی نەبوونی ئاوەڕۆوە مەترسیی لافاوی لەسەرە.
لەوبارەیەوە، ناسیح فاتیح کەرەم، بەڕێوبەری ئاوەڕۆی کەرکووک بە ڕۆژنیوز وت:نزیکەی 60٪ی کەرکووک پرۆژەی باراناوی بۆ کراوە و 40٪ی شارەکە ئەو پرۆژەیەی بۆ دروست نەکراوە.
ناوبراو، هۆکاری تەواونەکردنی پرۆژەی ئاوەڕۆی باراناوی کەرکووکی گەڕاندوە بۆ بڕینی بودجەی پەرەپێدانی پارێزگاکانی لە ساڵی 2014 لەلایەن عێراقەوە و وتی:بودجەی ئێمە ئێستا زیاتر بۆچارەسەری کێشەی بچوکە نەک بودجەی دروست کردنی پرۆژەی تازە لە ساڵی 2014-ەوە بەم جۆرە کارەکەین و ناتوانین پرۆژەی گەورە ئەنجام بدەین.
بەپێی وتەی بەڕێوبەری ئاوەڕۆی کەرکووک ئەو بودجەیەی، کە پێویستە تەواوی ئاوەڕٍۆی کەرکووک و پرۆژەی باراناوی پێ چارەسەر بکرێت زیاتر لە 200 ملیارد دینارە.
سەبارەت بە بودجەی بەرێوبەرایەتیەکەیان ناسیح فاتیح، بەڕێوبەری ئاوەڕۆی کەرکووک وتی:بۆ ساڵی 2019 و بودجەی نوێ، تا ئێستا بڕیار نەدراوە چەنێک پارەمان بۆ تەرخان دەکرێت تاوەکو بتوانین خشتەی بۆ دابڕێژین چارەسەری کێشەی ئاوەڕۆ بکەین.
ناسیح فاتیح، ئاماژەی بە هەوڵەکانیان کرد بۆ ڕێگرییکردن لە پەنگخواردنەوەی ئاو و پاراستنی هاوڵاتیان لە مەترسیی لافاو و وتی:هەمو ساڵێک لە مانگی نۆدا دەست دەکەین بە کار و ئامادەباشی لە تۆڕی ئاوەڕۆی کەرکووکدا بە پاکردنەوەی هێڵەکان و مەنهۆڵەکان و باراناوەکان.[1]
#05-10-2018#