دلێگەو یاونەر هێزەکێ پارێزنای گەلی-#هەپەگە#، سەبارەت بە چالاکیێ گەریلای و ئۆپەارسیۆن و بۆردومانکەردەی دوژمنی بە ۋەڵاکریا زانیاریش دا و ئاشکراش کەرد:
جە چەلێ و گەڤەر 13 سەربازێ کوشیێنێ
27/10/2018ی سەعات 11:30 دەیەقێ نیمەڕۆی، جە ناوچه و چەلێی کە سەر بە جۆلەمێرگ-یەن، گەریلاکێ هەپەگەی و یەژەئا ستاری جە دووێ قۆڵێۋە هێرشان کەردەن سەرو بنکە و سەنگەرەکانو سپا داگیرکەرەکەو تورکیای جە بەرزایی شەهید جۆلەمێرگی. جە ئاکامەنە گورزی فرە قورسی مادی و گیانی جە دوژمنی دریان و لانی کەم 7 سەربازێ کوشیێنێ و ژمارێ تەرێچ بریندارێ بینێ، 1 بلدۆزەر و چنڎین سەنگەرێ و بنکێ خاپورێ کریێنێ.
26/10/2018ی سەعات 9:30 دەیەقێ سەرسەبای، جە بەرزایی عەلی شێری کە مەگنۆنە ناوچەو گەڤەرو جۆلەمێرگی، دیسان گەریلاکێ هەپەگەی و یەژەئاستاری جە دووێ قۆڵێۋە هێرشان کەردەن سەرو بنکە و سەنگەرەکانو سپا داگیرکەرەکەو تورکیای و چاگێچە چنڎین سەنگەرێ و 1 پەناگە خاپورێ کریێنێ و لانی کەم 6 سەربازێ کوشیێنێ و چنڎینی تەرێ بریندارێ بیێنێ.
جە پیران ئۆپەراسیۆن بێ ئەنجام بی
24/10/2018ی، جە دەگاو پرەژمانی و دەڤەرو هەفتانین-ی سەر بە ناوچه و پیران-و پارێزگه و ئامەدی، سپا داگیرکەرەکەو تورکیای ئۆپەراسیۆنش ئەنجام دان و هۆرشانکوان سەرو یانەو خەڵکی و بێڕێز و سوکایەتیشیان پنەکەردێنێ. بەڵام ڕووێ دماتەر ئۆپەراسیۆنەکە بێ ئەنجام کۆتاییش ئامان.
بۆردومان بە فڕۆکێ جەنگیێ
27/10/2018ی سەعات 10:00 تا 11:00و ۋەڵێ نیمەڕۆی، فڕۆکە جەنگییەکێ سپا داگیرکەرەکەو تورکیای ملەو شێخ ناسر-و قەندیل-یشان بۆردومان کەردەن. هەمان ڕۆچ سەعات 17:30-19:30 فڕۆکە جەنگییەکێ دوژمنی بۆردومانو مێڎانو شەهید ڕۆستەم-و هەرێمو زاپ-یشان کەردەن. بۆردومانەکێ زیانشان بە گەریلای نەیاونان.[1]
#28-10-2018#