ئامادەکردنی: #زریان سەرچناری#
سلێمانی 2018
زریان سەرچناری (1975 - ؟)

بۆ ئاسۆ
کە من ئێستا لە تۆ دوورم، شین و گریان نەکەم چ بکەم؟
لە تاوی تۆ قوڕی سەربان بە بان سەردا نەکەم چ بکەم؟ (1)

(1) قوڕی سەربان: سەقفی خانووی جاران زۆربەیان گڵەبان بوون، کاتی باران کە تەڕ بوون، بووە بە قووڕ.
.....

(ڕازگەی یاران) تێهەڵکێشی (بارگەی یاران) ی هێمن

دەستی قەدەر گیری کردووم لە هەندەران من چبکەم؟
لێم حەرامە گەڕانەوە بۆ کوردستان من چبکەم؟
چاوبەگریانم لە دووری کۆڕی یاران من چبکەم؟
=KTML_Bold= (دێت و ڕادەبرێ وەکوو سەروی ڕەوان من چبکەم؟
کە بەقوربانی نەکەم ڕووحی ڕەوان من چبکەم؟) =KTML_End=

ئێستا خۆشەویستی بەڕاست، هەر نەماوە سەد ئەفسووس
هەمووی بووەتە خەڵەتان و بەدفەڕی و زمانی لووس
زمان لەنگە کە وەسفی کات بۆی دەنووسم بە پێنوس
(=KTML_Bold=قەدی ئەو شۆخە وەکوو دووخ و خەدەنگە ئەفسووس
پشتەکەم کۆمە وەکوو ماڵی کەوان من چبکەم؟=KTML_End=)

هەرچەند لێرە وەکوو دیلم هەردوودەست و پێ بەستراو
هەر به و هیوایەم کە جارێ دی بتانبینم بەچاو
وەکو مردوی گۆڕنشینم، دەژیم تەنیا من بەناو
(=KTML_Bold=تازە هەنگاوی شلم کوانێ دەبێ بۆ شەوڕاو
جوانە زۆرجوانە بەڵێ ڕەوتی کەوان من چبکەم؟=KTML_End=)

لە دوریتان لێم حەرامە خواردنەوە و خواردن و خەوم
بومە ڕموزنان، بمبینن هەرگیز ناڵێن کە ئەوم
کەس نییە هانای بۆ بەرم، دەستم بگرێ نەکەوم
(=KTML_Bold=زەبری ئاوزەنگی بڕا و شل بووە دەستی جڵەوم
دێ دەنا پڕمەیی بۆر و بدەوان من چبکەم؟=KTML_End=)

ئیتر چۆن وەک خۆی بمێنێ ڕەنگ و ڕوو و شێوە و لەونم
بە شەو خەو بینینە و بە ڕۆژ خەریک تەفسیری خەونم
کووڕ و کوێر و سەر بێتوکم، وەک هاوتەمەنی کەونم
(=KTML_Bold=ژوانی خۆشی هەڕەتی لاوەتی دێتە خەونم
کاتی ئاویلکە دەگەڵ زیندە خەوان من چبکەم؟=KTML_End=)

زۆر دەمێکە پەرێشانم، ئاﮪ و نرکە و ناڵەم دێ
بەڵام من نازانم کەنگێ مردن بۆ ئەم ماڵەم دێ
ئیتر کۆتایی بەم ژینە نالەبار و تاڵەم دێ
(=KTML_Bold=شه و هەتا ڕۆژێ لە بەرئێشی لەشم ناڵەم دێ
دێتە گوێم دەنگی گەلۆ و نیوەشەوان من چبکەم؟=KTML_End=)

بومەتە جێی تانە و تەشەر کەسانێکی بەدکاران
دەڵێن ئەم کابرا نەماوە کوڕەکەی جاری جاران
چۆن من شێت نەبم و بەسەرخۆدا نەدەم بەرد و داران
(=KTML_Bold=بارگەیان تێکەوە پێچا و بەڕێ بوون یاران
لە دنێ وابە تەنێ پاشی ئەوان من چبکەم؟=KTML_End=)

پێشینان وتیان ئەم ژینە بێ وەفایە و بێ فەڕە
وەکو باراشێ دەتهاڕێ هاواریش کەیت، ئەو کەڕە
خۆزگەم بە سەردەمی لاویم نەکوو جارێک سەد کەڕە
(=KTML_Bold=ژیانی من ئێستە وەکوو خۆری دەمی زەردە پەڕە
پێم نەما تین و گوڕ و هێز و تەوان من چبکەم؟=KTML_End=)

لەولاتر چن ئەو کەسانەی کەبێ کەڵک و نابووتن
ڕەحمەتی خوا لەو کەسانەش لە ڕێی ئەدەبدا سووتن
جێگەیان ناو دڵ و گیانە زێڕی هەژدە و یاقووتن
(=KTML_Bold= (سروە) هات خونچە گوڵی باخی ئەدەب پشکووتن
باخەوانی گەرەکە تازە جەوان من چبکەم؟=KTML_End=)

دەردی دوری دەردی دوری کوشتمی، دڵ ورد بوو
چارەنووس! بۆچ وات لێکردم من گوناهی چم کرد بوو؟
(هێمن) یش هۆی غەریبی بوو کە بە دەردی دڵ مرد بوو
(=KTML_Bold=ئاو نەبوو ئەو دەمی (هێمن) مەلەوانی کورد بوو
ئاو شوکر زۆرە وەرن زوو مەلەوان من چبکەم؟=KTML_End=)
[1]