ناوەندی ڕاگەیاندنی یەکینەکانی پاراستنی گەل (#یەپەگە#) ڕایگەیاند، لە چوارچێوەی قۆناغی دووەمی بەرخودانی سەردەم لە #عەفرین#دا، #شەڕڤان#ان لە ناوەندی عەفرین و جندرێس گورزێکی تریان لە سوپای تورکی داگیرکەر و چەتەکانی دا.
یەپەگە لەبارەی 3 چالاکیی سابوتاژی شەڕڤانان لە عەفرین ڕاگەیاندراوێکی بڵاوکردەوە و تیایدا هاتووە:
رۆژی 5ی کانوونی یەکەمی 2018 دەستەیەک لە هێزەکانمان لە گەڕەکی مەحمودییەی ناوەندی عەفرین لە دژی ئۆتۆمبێلێکی سەربازیی چەتەکان چالاکییەکیان ئەنجامدا. لەو چالاکییەدا حەمزە قەرهان سەرەک چەتەی گروپی چەتەکانی سوڵتان موراد و شۆفێرەکەی کوژران و ئۆتۆمبێلەکەشیان بە تەواوی تێکشکێنرا.
هەر لەو ڕۆژەدا لە سەر ڕێگەی ڕاجۆ – عەفرین لە دژی ئۆتۆمبێلێک، کە عەبدوڵا زرب سەرەک چەتەی گروپە چەتەکەی لیوای شیمالی تیادا بوو چالاکییەک ئەنجامدرا. لەو چالاکییەدا چەتەکان کوژراو و برینداریان هەبوو، بەڵام ژمارەی کوژراوان و بریندارەکانیان ڕوون نەبوویەوە.
شەڕڤانان لە بەردەومیی چالاکییەکانیاندا هەر لەو ڕۆژەدا لە ناوەندی جندرێس لە دژی خاڵێکی چەتەکانی فەیلەقی شام چالاکییەکی سابوتاژیان ئەنجامدا. لەو چالاکییەدا 2 چەتە کوژران و 3 چەتەی تریش بریندار بوون.[1]
#06-12-2018#